廣州球迷聯盟

标题: 点解唔换人？ [打印本页]

作者: ericyuan 时间: 2013-4-25 01:19
标题: 点解唔换人？
场波遇到个低B裁判的确火滚，送了两点球，连列比都俾人罚埋落场。但广州队班球员冇放弃到，坚持拼到最后一秒，我为球队骄傲。

但是有样嘢冇办法理解，点解列比仲有两个换人名额唔换人？？？这一点也不像列比本色。列比换人从来都很有见地，而且手上还有黄博文冯仁亮等好牌可以一搏。即使不能临场指挥，依然可以一边睇波一边电话操控。感觉列比从被罚下之后就已经放弃比赛了。各位点睇？

作者: ericyuan 时间: 2013-4-25 01:33
就算找秦升上去替下染黄的赵旭日也好。无法理解。

作者: wzflxln 时间: 2013-4-25 10:10
列比也短路了

作者: aguopkny 时间: 2013-4-25 12:46
原因很简单，赛前FIFA官网都盛赞哩场的恒大，力捧恒大，有经验的烈比但会唔知道发生紧咩事呢？何必太费心神呢~~不信你自己去分析赛前各大盘口，你就知道了！！！！

作者: 五华阿哥 时间: 2013-4-25 12:50
下半场全队都打成甘样了，换边个？换边个都一样！不如换裁判！

作者: ericyuan 时间: 2013-4-25 13:50

aguopkny 发表于 2013-4-25 12:46
原因很简单，赛前FIFA官网都盛赞哩场的恒大，力捧恒大，有经验的烈比但会唔知道发生紧咩事呢？何必太费心神 ...

我唔相信是打假波。睇咗波的都知道，如果真係假波班球员会唔会踢到咁搏命？

作者: aguopkny 时间: 2013-4-25 13:56

ericyuan 发表于 2013-4-25 13:50
我唔相信是打假波。睇咗波的都知道，如果真係假波班球员会唔会踢到咁搏命？

搏命？？？？讲真，我唔觉得有几搏命，你可以名其名曰全部都不在状态，但系睇唔出几搏命。一件事可以系偶然，但系几件事一齐发生，咁就难讲了（FIFA、赛前各大盘口、裁判、客队球员状态、客队教练被罚、第二个点球客队的反应……），当然，“假球”二字系你讲的，我完全无提及过……

作者: ericyuan 时间: 2013-4-25 14:10

aguopkny 发表于 2013-4-25 13:56
搏命？？？？讲真，我唔觉得有几搏命，你可以名其名曰全部都不在状态，但系睇唔出几搏命。一件事可以系偶 ...

波係圆嘅，输赢都好正常。唔好一输波就阴毛论。你咁讲巴萨皇马最近两场欧冠更加假球无疑了。上次巴萨逆转米兰更加假到冇朋友。下半场失球后全队跑动还是比上半场积极咗，而且由鸡爷追翻球。
但是我退一万步假设按你推论所得这场是假球，也不致于不换人吧？唯一解释是列比放弃了。连一向理智的列比今场都失去理智了。

作者: PUNKPUNK 时间: 2013-4-25 14:28
正确答案系无人可换。下半场上荣昊我都觉得比郜林威胁要小好多。
派个波俾距经常性拿唔到。睇到都有D失望

作者: bug24x 时间: 2013-4-25 15:16
李章洙，平局不换人给人插到飞起。

列比唔换人，插的是少一些。
其实，个教练想什么我们真的不用多考虑。换人能够做到乜嘢呢？冯仁亮特点是速度。如果硬要换人，系我就换个高佬下去高球轰炸日本仔，但成数几大呢？

作者: 禁区之皇16 时间: 2013-4-25 16:44
留力打富li！就系甘简单。

作者: CY1978 时间: 2013-4-25 16:48
内有跷蹊

作者: 人猎乐快 时间: 2013-4-25 17:02

bug24x 发表于 2013-4-25 15:16
李章洙，平局不换人给人插到飞起。
列比唔换人，插的是少一些。
其实，个教练想什么我们真的不用多考虑 ...

尊重教練安排。球員不在狀况呢點要反思下。搏命呢個我認同，大家都有火，而技術上既不到位大半時間處在被動狀况，中場不能做好前傳後應，睇到球迷都好揪心，一切既“點解”，我相信球隊內部會處理好的，雙綫作戰仍在進行中，球迷們！[我指既係始終如一爲球隊提供正能量既廣州球迷，而不是勝又鬧，敗又鬧，唯恐天下不亂既資深“粉尸”。]球隊需要我地風雨同路！

作者: aguopkny 时间: 2013-4-25 17:28

ericyuan 发表于 2013-4-25 14:10
波係圆嘅，输赢都好正常。唔好一输波就阴毛论。你咁讲巴萨皇马最近两场欧冠更加假球无疑了。上次巴萨逆转 ...

梗系放弃啦，fifa喔，点斗啊？

作者: 优酸鱼 时间: 2013-4-25 18:24
如果换人了，第二个波都五知有无得入。

作者: ericyuan 时间: 2013-4-25 21:25

bug24x 发表于 2013-4-25 15:16
李章洙，平局不换人给人插到飞起。
列比唔换人，插的是少一些。
其实，个教练想什么我们真的不用多考虑 ...

一直等唔到列比换人果阵我的确想起了李章洙，觉得列比係唔係李Sir附体。睇来大家对列比比对李Sir宽容好多。
其实这场波无关痛痒，一方面只要唔输到1：5就出线（1：4我哋两场战绩都好过浦和），另一方面唔理和波定输波下场对全北都是同样状况（胜平第一负第二），冇必要太折磨主力。换人一方面保护场上主力球员，另一方面俾机会后备搏杀下，何乐不为。

作者: ericyuan 时间: 2013-4-25 21:25

禁区之皇16 发表于 2013-4-25 16:44
留力打富li！就系甘简单。

果真如此就更加要换落主力好好透透。

欢迎光临廣州球迷聯盟 (http://www.gzfa.cn/club/)