廣州球迷聯盟

标题: 助威歌建议 [打印本页]

作者: 我爱广州队 时间: 2013-5-12 12:58
标题: 助威歌建议
睇到陈皮(应该係陈皮呱)拍嘅崎玉之旅，冧到我哋有两首助威歌应该可以攞翻出嚟用。一个係噢,Canton we do , 噢，Canton，we do，噢，Canton，we do。噢，Canton，we |ove you！仲有一个就係:越秀山，万人共我唱，让我跟你去唱每首歌。越秀山，万人共我唱，就算风雨到，不怕！其实我始终觉得呢两首歌嘅静音慢版好正！

作者: 蓝海大少 时间: 2013-5-12 14:25
有人总话越秀山之歌好邪门，唱亲都赢唔到

作者: HZZ 时间: 2013-5-13 01:12
睇到系有关助威既建议，我都插翻两句。大家记得4.20玉树地震当日既比赛嘛？赛前我地唔系默哀左一分钟既，当然默哀唔系关键，关键系默哀之后我地一齐嗌“广州队！”果种山呼海啸既效果。我唔知大家咩感觉，但系我个人觉得类似既效果并不多见，之前印象最深既系广州队重返中超果个赛季，系主场绝杀龟安摞翻关键一分果场。补时最后几分钟，睇白广州队就系天体输俾御林军，但忽然间全场自发咁助威，每个人听到既都系整齐击掌同呐喊既声音，而最终鸡爷就真系如有神助般绝杀。讲翻正题，要想达到整齐划一既助威效果，除左对住龟安咁既众矢之的，人人同仇敌忾之外，就系要有暴风雨前既风平浪静果种效果。譬如，默哀。。。但系默哀唔系场场有，大吉利是咩。。我地需要既系好似默哀咁得到助威前既一种相对安静既环境，以令每个参与到后面助威既人都可以明确了解到指挥既意图同指令，更好咁配合鼓点同旗帜，以及同其他区域球迷会既合作。好多时候我地都会发觉身边有人问，个指挥揸住支大声公讲紧乜啊，一句都听唔到喔。。。现实情况确实又系如此，一般20排左右既会员就听唔到第一排指挥果位兄弟讲既野（当然系揸住大声公讲噶啦）。既然如此，我地点解唔尝试下，系每次助威或者唱歌前先令大家稍为安静下，示意大家听好鼓点或者旗帜再行动呢？我相信如果可以做得到既话，诸如助威唔同步，助威声音分散，助威听到隔离区域起鼓就擅自跟拍子助威等等问题都可以好好咁解决到。虽然我地偶有意外既惊人之作令我地自己自豪一段时间，但相对于浦和之流，我地尚有极大既进步空间。我希望广州队既球迷终有一日真系可以同球队一样击败小日本，我地既“山震”可以系小日本球迷心里面引发海啸

大家都懂球队中球员之间既默契不是一日半日既配合就可得，我地作为球迷既同样如此嗟，只要大家养成一个助威前都安静落黎听从指挥既习惯，默契好快就会有。真心希望球队不断进步既今日，我地亦可以有长足既进步啦~

作者: 我爱广州队 时间: 2013-5-13 01:41
嗯，嗰场2：2令人难忘吖。特别係最后嗰十几分钟

欢迎光临廣州球迷聯盟 (http://www.gzfa.cn/club/)