廣州球迷聯盟

标题: 论坛噶冷清系咪翘手党越来越多噶写照呢？请领导们三思 [打印本页]

---

作者: tam    时间: 2013-5-21 12:48
标题: 论坛噶冷清系咪翘手党越来越多噶写照呢？请领导们三思
睇到好多有关助威噶贴，大家对问题提出好多建议，但抱怨最集中一点，系现场噶翘手党越来越多。

为此，领导们亦想过好多办法，包括设立忠义组、方阵位置编排、助威口号编排、现场噶鼓动等等，但效果唔大。

其实有无想过，点解以前大家都可以甘有激情，而家就甘难呢？大家可能找到好多理由，但系，有一点好重要，系以前大家都相互熟悉、相互融洽，到现场一聚集自然容易HI 起身，反观依家，除左忠义组一小部份外，其他会员个个都唔相识，平时有无甚交流，所以一到现场，个个三唔识七，点HI呢，正如一支球队，如果球员平时相互关系淡漠，到比赛时能有多大战斗力呢？

甘大噶球迷会组织，可以实现到会员噶平时交流，自然就系论坛了，但论坛现时冷冷清清，甘样噶论坛气氛，其实就系场上激情不再、翘手党多噶真实写照。睇下除左常见几个面孔，好多老会员、领导、助威主力都潜晒水，又点可以带动我地噶新、半新会员呢？

所以，是否要把论坛重新活跃起来，把大家都吸引返论坛先呢。

请领导们三思。

---

作者: 宁亚洪    时间: 2013-5-21 13:32
讲得好有道理

---

作者: 人猎乐快    时间: 2013-5-21 16:53
風少所言甚是，皮爺、山大兄點睇？

---

作者: 天衣無縫    时间: 2013-5-21 17:08
論壇冷清，因為球迷少，觀眾多，細味少，過眼多。

---

作者: tam    时间: 2013-5-21 17:08

人猎乐快 发表于 2013-5-21 16:53
風少所言甚是，皮爺、山大兄點睇？

所谓独乐乐不如众乐乐，如果一部分会员关埋门自娱自乐，又点可以期望场上大家同声同气呢？

---

作者: tam    时间: 2013-5-21 17:10

天衣無縫 发表于 2013-5-21 17:08
論壇冷清，因為球迷少，觀眾多，細味少，過眼多。

所以到左赛场上就翘手多，呐喊少罗。

---

作者: aguopkny    时间: 2013-5-21 17:13
我都系今年入会的，唔怕老实讲，我觉得我去到现场睇ball，真系除左同相熟的朋友有交流外，就无点同其他会员交流了。唔系我唔想，而系唔知点入手。好似想同忠义组的人交流下，但系在现场，佢地好忙，根本无时间回应我。我亦唔好意思打断佢地助威的热情。所以我觉得系咪有必要在非比赛日多搞D活动之类，等大家可以交流一下。讲真，我开始都好有热情的，但系慢慢，我开始觉得我地新入会的会员同老会员之间有一条好大的鸿沟，就好似大家都在唔同嘅组织一样。哩种感觉越来越强烈。老人有老人自己high，新人有新人自己聊……

---

作者: 红魔曼联    时间: 2013-5-21 17:15
记得以前会嗌下“23请食饭，24请食饭”！哈哈，好开心

---

作者: 天衣無縫    时间: 2013-5-21 17:20

tam 发表于 2013-5-21 17:10
所以到左赛场上就翘手多，呐喊少罗。

細味球賽可以(甚至應該)是球迷一生的功夫。與眾同樂應該是組織者一生的功夫。功夫要練一生，當然任重道遠，又是老口號，忠誠唯一的傳承。

慢慢來吧，最緊要由自己做起。

---

作者: PUNKPUNK    时间: 2013-5-21 18:02

aguopkny 发表于 2013-5-21 17:13
我都系今年入会的，唔怕老实讲，我觉得我去到现场睇ball，真系除左同相熟的朋友有交流外，就无点同其他会员 ...

简单一句，觉得距地忙系因为你太得闲了！

---

作者: 人猎乐快    时间: 2013-5-21 18:16
大聯盟先前不知有幾多助威精英！我從越秀山跟到天河，好多領導因爲個人原因等離開樂，但我堅信一點，到今時今日依然扛住大聯盟大旗既，絕非“獨獨樂”之人，佢地每日每場都在很努力，至于方式方法，真係有賴于大家既支持，集思廣益，共同營造天河主場氣勢。
具體到新老會員既溝通，助威方法，旗幟安排，鼓手安排，紀律檢查，歌曲創作推行，口號，等，睇來要山大兄開返次研討會，讓大家都坐落來，面對面，心平氣和講餐飽、、、、、、

---

作者: kennyzhz    时间: 2013-5-21 19:04
我想讲，上论坛噶人越来越少，或多或少会因为论坛比较多噶谩骂，某D长期蒲论坛噶朋友唔识点尊重人，交流回复别人的帖子只有反对、嘲笑和谩骂，长期落离，变得一D都唔和谐，自然越来越少人啦！

---

作者: big孤胆    时间: 2013-5-21 19:13
有道理撑

---

作者: 麦donlo    时间: 2013-5-21 21:01

aguopkny 发表于 2013-5-21 17:13
我都系今年入会的，唔怕老实讲，我觉得我去到现场睇ball，真系除左同相熟的朋友有交流外，就无点同其他会员 ...

朋友如果你真系想稳我地噶话 你可以系中层噶指挥台稳我地 我地亦都欢迎任何一个朋友过离交流 并无话拒绝小组以外噶人

---

作者: LAMSUN    时间: 2013-5-21 21:36
我都觉得最近论坛好冷清. 主要系论坛的主持同骨干需要加油...如何激发大家的热情. 全靠你哋的努力.

---

作者: 迷失的自我426    时间: 2013-5-21 21:49
讲得有理，个人觉得好像我啲噶领导都好少到论坛，成日有会员有问题都系好少可以得到答复；点解会造成今日甘噶情况，我觉得大家都需要唸下

---

作者: 人猎乐快    时间: 2013-5-21 21:55
事務性既問題都有答複的，山大兄就常在綫。此外，助威部好似都有幾位領導常關注論壇、、、、、、、

---

作者: tam    时间: 2013-5-21 23:06

kennyzhz 发表于 2013-5-21 19:04
我想讲，上论坛噶人越来越少，或多或少会因为论坛比较多噶谩骂，某D长期蒲论坛噶朋友唔识点尊重人，交流回复 ...

呢个问题其实好值得探讨，到底批评噶底线如何去把握，尤其系对于技术问题，论坛有唔同意见好正常，如果只允许正面噶声音，而反面的意见就被人话“X黑”，确实系唔健康噶论坛，只有包容各种意见，论坛先有生命力。

至于谩骂贴，管理员该出手时仲系唔可以手软。

---

作者: tam    时间: 2013-5-21 23:10

LAMSUN 发表于 2013-5-21 21:36
我都觉得最近论坛好冷清. 主要系论坛的主持同骨干需要加油...如何激发大家的热情. 全靠你哋的努力.

近来技术分析贴基本无晒踪影，D技术人士唔知去左边。

至于吹水贴，班大哥又唔肯出来带下头，唉....

---

作者: tam    时间: 2013-5-21 23:14

人猎乐快 发表于 2013-5-21 18:16
大聯盟先前不知有幾多助威精英！我從越秀山跟到天河，好多領導因爲個人原因等離開樂，但我堅信一點，到今時 ...

系啊，讨论又好，吹水又好，新旧会员多些交流，先至容易团结。

---

作者: 天衣無縫    时间: 2013-5-21 23:15
有時感受貼比技術貼重要，在於感受可以包括技術，花絮等等。

---

作者: tam    时间: 2013-5-21 23:18

天衣無縫 发表于 2013-5-21 23:15
有時感受貼比技術貼重要，在於感受可以包括技術，花絮等等。

记得以前每期都有图片贴，估比分贴........依家都唔见晒了

---

作者: 天衣無縫    时间: 2013-5-21 23:25

tam 发表于 2013-5-21 23:18
记得以前每期都有图片贴，估比分贴........依家都唔见晒了

其實那些圖片貼內有感受及一些技術描寫，好多時比技術貼更到肉，例如一次由照片描述球員的狀態起伏，原來可以好精彩。更重要是照片構圖很美，是用心去拍的。

---

作者: ruanbohua    时间: 2013-5-21 23:34
以前小贩的图最靓，山大的赛前分析最有技术含量，宜家的冷清好大原因系水退了，迟点恒大有咩重大球队事项不得人心，又会涨潮热闹了

---

作者: 人猎乐快    时间: 2013-5-22 00:01

tam 发表于 2013-5-21 23:10
近来技术分析贴基本无晒踪影，D技术人士唔知去左边。

至于吹水贴，班大哥又唔肯出来带下头，唉....

呢個提議很好！

---

作者: 人猎乐快    时间: 2013-5-22 00:03

ruanbohua 发表于 2013-5-21 23:34
以前小贩的图最靓，山大的赛前分析最有技术含量，宜家的冷清好大原因系水退了，迟点恒大有咩重大球队事项不 ...

樹葉哥、毛哥、江戶川、七哥、、、、、、、依家剩返安全兄了、、、、、、、

---

作者: IM.xiong    时间: 2013-5-22 00:08

aguopkny 发表于 2013-5-21 17:13
我都系今年入会的，唔怕老实讲，我觉得我去到现场睇ball，真系除左同相熟的朋友有交流外，就无点同其他会员 ...

欢迎你过黎玩。。。你都可以稳我，，如果你热爱助威，我会陪hi到够

---

作者: K-So-哲政    时间: 2013-5-22 00:14

莫非以后要在会规里规定大家多久就一定要来论坛签到吗??

再者我一向认为在喜欢在网上叫嚣的,上到场都未必有POWER的....

反而人多口密,容易惹起纷争,更加影响团结...

所以我不太支持楼主的观点!!!

我的睇法...球迷会里成员,在球场上目标要一致,共同为比赛中的球队助威就够了

离开了球场,各有各的生活和忙碌....不能强求上论坛讨论了....

---

作者: 阿泽    时间: 2013-5-22 00:20
微博---论坛杀手...

---

作者: tam    时间: 2013-5-22 00:29

K-So-哲政 发表于 2013-5-22 00:14
莫非以后要在会规里规定大家多久就一定要来论坛签到吗??

再者我一向认为在喜欢在网上叫嚣的,上到场都未 ...

至少大哥们、指挥、鼓手、旗手呢D主力要同会员熟络吧，举个例：如果我附近一班会员都识指挥阿威哥（唔知有没搞错名），甘威哥一起咪，起码附近呢班人都会容易附和；但系而家个个都系陌生，睇下威哥场场嗌得几辛苦，又有几个人和应？

所以平时噶交流联络系好有用，当然亦没必要强制日日上论坛，但起码有时间就想起上来，而且一旦上来，有返D讲野噶欲望吧。

---

作者: tam    时间: 2013-5-22 00:33

阿泽 发表于 2013-5-22 00:20
微博---论坛杀手...

仲有Q群添，我所讲噶“独乐乐”罗，但我想，如果有心，系唔会矛盾噶。

---

作者: pipi    时间: 2013-5-22 00:39
嗯，迟D我会另外起帖同大家交流一D日本之行葛心得。

---

作者: 人猎乐快    时间: 2013-5-22 06:22

pipi 发表于 2013-5-22 00:39
嗯，迟D我会另外起帖同大家交流一D日本之行葛心得。

等待中~~~~~~

---

作者: 人猎乐快    时间: 2013-5-22 06:35
再者我一向认为在喜欢在网上叫嚣的,上到场都未必有POWER的....————哲政兄原話。
呢句講對了我。雖然我不過係散裝球迷而已，最終果斷做了電視黨，久違戰陣，僅在此紙上談兵，不腰藤。

离开了球场,各有各的生活和忙碌....不能强求上论坛讨论了.....————哲政兄原話
呢點原因係肯定的，冬菇、老A、阿牛及一衆球評高手，因爲個人原因不再現身，大家應予理解，畢竟，足球不可能係生活既全部。

---

作者: 樂樂噶爹    时间: 2013-5-22 07:27
球場上3份之2系翹手黨

---

作者: ruanbohua    时间: 2013-5-22 08:29
标题: RE: 论坛噶冷清系咪翘手党越来越多噶写照呢？请领导们三思

人猎乐快 发表于 2013-5-22 00:03
樹葉哥、毛哥、江戶川、七哥、、、、、、、依家剩返安全兄了、、、、、、、

安全兄是谁？

---

作者: ruanbohua    时间: 2013-5-22 08:33
标题: RE: 论坛噶冷清系咪翘手党越来越多噶写照呢？请领导们三思

人猎乐快 发表于 2013-5-22 06:35
再者我一向认为在喜欢在网上叫嚣的,上到场都未必有POWER的....————哲政兄原話。
呢句講對了我。雖然我 ...

系啵，仲有大冬菇、曼联阿牛呢D非常有大将风度的领导都唔见晒

---

作者: tam    时间: 2013-5-22 13:55

人猎乐快 发表于 2013-5-22 06:35
再者我一向认为在喜欢在网上叫嚣的,上到场都未必有POWER的....————哲政兄原話。
呢句講對了我。雖然我 ...

旧人去，新人来，可惜技术帝接唔上班，影相帝接唔上班，剩返D散装吹水帝系度苦苦支撑

---

作者: tam    时间: 2013-5-22 13:57

pipi 发表于 2013-5-22 00:39
嗯，迟D我会另外起帖同大家交流一D日本之行葛心得。

期盼中

---

作者: tam    时间: 2013-5-22 14:00

pipi 发表于 2013-5-22 00:39
嗯，迟D我会另外起帖同大家交流一D日本之行葛心得。

另外，可唔可以搞几张贴介绍下指挥手、鼓手等助威主力比大家认识下，同埋真系希望距地可以系论坛多D浦下头罗

---

作者: benny1021    时间: 2013-5-22 14:14
球场，论坛都应该加强下

气势！

---

作者: 人猎乐快    时间: 2013-5-22 16:46

ruanbohua 发表于 2013-5-22 08:29
安全兄是谁？

ID：安全地带。近期有发图片的，请查阅。

---

作者: 人猎乐快    时间: 2013-5-22 16:50

tam 发表于 2013-5-22 14:00
另外，可唔可以搞几张贴介绍下指挥手、鼓手等助威主力比大家认识下，同埋真系希望距地可以系论坛多D浦下头 ...

支持呢个做法，一方面可以正面互动，了解佢地既感受，了解佢地既困难，同心同德，搞好球场同论坛。

---

作者: K-So-哲政    时间: 2013-5-23 09:47

人猎乐快 发表于 2013-5-22 06:35
再者我一向认为在喜欢在网上叫嚣的,上到场都未必有POWER的....————哲政兄原話。
呢句講對了我。雖然我 ...

对唔住 得罪晒 有怪莫怪 细路仔唔识世界

---

作者: k.o.p    时间: 2013-5-23 16:37

ruanbohua 发表于 2013-5-22 08:29
安全兄是谁？

安全地带

---

作者: 人猎乐快    时间: 2013-5-23 17:07

K-So-哲政 发表于 2013-5-23 09:47
对唔住 得罪晒 有怪莫怪 细路仔唔识世界

千其咪咁講，我一直拜讀你既文字，贊賞你既分析能力。個人認爲，閣下係論壇上爲數不多既正能量之一！向你致意！！

---

作者: 人猎乐快    时间: 2013-5-23 17:16

tam 发表于 2013-5-22 13:55
旧人去，新人来，可惜技术帝接唔上班，影相帝接唔上班，剩返D散装吹水帝系度苦苦支撑

七哥發視頻、圖片帖喇~~~~~~~~~~！

---

作者: ruanbohua    时间: 2013-5-23 21:06

k.o.p 发表于 2013-5-23 16:37
安全地带

你讲安全地带就记得了

---

作者: 三聚氰胺    时间: 2013-5-23 22:10
日日都有上来睇下！

---

作者: 123456    时间: 2013-5-26 16:26
我都今年入会噶 无熟人 所以每场波我都会尽量企系前面就算同个D人5识都无所谓(因为个度D人就算5系助威组都会好HI)  就算甘岩隔离企佐个翘手党 我都一样会好HI甘跟住指挥个边系度跳系度嗌

---

作者: jman4    时间: 2013-5-26 17:19
本人非会员，也不在广州，确实上论坛也少了。不过论坛经常发现互喷，冇瘾。另外，也不知道设置了什么河蟹词，发帖麻烦，都懒得写长贴。

---

作者: ruanbohua    时间: 2013-5-26 18:31

jman4 发表于 2013-5-26 17:19
本人非会员，也不在广州，确实上论坛也少了。不过论坛经常发现互喷，冇瘾。另外，也不知道设置了什么河蟹词 ...

你以前都成日发帖架，呵

---

作者: tam    时间: 2013-5-26 23:46

jman4 发表于 2013-5-26 17:19
本人非会员，也不在广州，确实上论坛也少了。不过论坛经常发现互喷，冇瘾。另外，也不知道设置了什么河蟹词 ...

动感超人都怕俾人喷？

---

作者: kennyzhz    时间: 2013-5-27 11:04

jman4 发表于 2013-5-26 17:19
本人非会员，也不在广州，确实上论坛也少了。不过论坛经常发现互喷，冇瘾。另外，也不知道设置了什么河蟹词 ...

认同，呢度某部分人只有谩骂，不懂尊重人！！！

---

作者: louts    时间: 2013-5-28 09:49
论坛多了，百度贴吧

---

作者: 西关马骝仔    时间: 2013-5-30 19:47
标题: RE: 论坛噶冷清系咪翘手党越来越多噶写照呢？请领导们三思

K-So-哲政 发表于 2013-5-22 00:14
莫非以后要在会规里规定大家多久就一定要来论坛签到吗??

再者我一向认为在喜欢在网上叫嚣的,上到场都未 ...

刀仔好嘢！加油！

---

作者: 西关马骝仔    时间: 2013-5-30 19:48
标题: RE: 论坛噶冷清系咪翘手党越来越多噶写照呢？请领导们三思

K-So-哲政 发表于 2013-5-22 00:14
莫非以后要在会规里规定大家多久就一定要来论坛签到吗??

再者我一向认为在喜欢在网上叫嚣的,上到场都未 ...

刀仔好嘢！加油！

---

欢迎光临 廣州球迷聯盟 (http://www.gzfa.cn/club/)

Powered by Discuz! X3.1