廣州球迷聯盟

标题: 作为局外人讲两句 [打印本页]

作者: PUNKPUNK 时间: 2013-6-26 23:22
标题: 作为局外人讲两句
本帖最后由 PUNKPUNK 于 2013-6-27 13:52 编辑

最近见到大家为中层支旗搞到禁唔开心，我都想讲两句。点解话自己系局外人，因为呢两年都唔响广州，都无入会，但系几乎每日都上论坛睇帖呢个倒系一个习惯，发生咩事我仲系知道既。

第一，首先我想批评一下联盟。中层起旗呢件事作为一个会员反映比较频繁既问题，点解沟通得禁唔到位？搞到大家怨气禁大？可能大家平日都有正职工作，但系米都可以花多少少时间出黎同大家解释下中层政策既用意呢。有时候你唔可以唔服GCD，上世纪60年代饿死搞死禁多人，D人一样对距顶礼膜拜。点解可以做到禁样既效果呢？我觉得世界上咩团体都好，做一个决策，一定要俾成员一个愿景。呢件事我要达到咩效果，具体操作既唔一定每个人都需要知道，但呢个愿景必须要反复强调，系要令其他人觉得，你做既每一件事，都系为左呢个愿景而奋斗既。
其实系米好简单呢？联盟应该系希望通过响中层复制下层既助威环境，培养可以高强度助威同时可以带动身边朋友助威既会员。同时令中层球迷体验下层球迷既狂热。但系，从论坛既氛围上讲，仲系有比较多会员理解唔到呢个意图。个人认为，以后唔单止系中层，就连上层都要扯旗。如果仲系翘手，唔听鼓点唔助威，或者觉得挨唔住，无瘾既，禁转会米转会咯，唔系到时你连上上层都睇唔到波就唔好啦。

第二，诚实禁讲，其实企下层系有好处既。下层睇波视觉较平，通常就算扯旗最多都系遮得一部分，虽然下层旗系最多既，但系其实响下层睇波就我自己黎讲并唔觉得有咩障碍。反之中层系米就一支旗就可以从左边角球旗遮到右边角球旗呢？我未上去过，唔知，大家讲啦。

第三，各位联盟会员，下次请你地提意见既时候唔该连个解决方案一齐提埋出黎。一样米养百样人，今次就得你下次就唔就得其他人？联盟既工作人员禁努力为大家创造一个良好狂热既助威环境，出左禁多政策，讲明距地真系用心良苦。至于好唔好，大家心中肯定有唔同既意见。但系如果按照某些会员所讲，自己觉得唔好就撤走支旗啦。禁唔该你先俾个解决翘首党同唔助威党既有效意见黎听听先。讲句唔好听既，如果成个8区既球迷都自觉助威，联盟使乜扯旗，直接好似多蒙特禁连鼓都唔使起就可以从头唱到尾啦。起旗起鼓既根本原因就系因为我地普通球迷未够班，无鼓点无旗号就跟唔足全场。唔拿支旗遮住你睇波，点知边个更愿意助威啊。禁讲可能好多人会反对，但系大家可以放长双眼睇睇。响中层坚持到落黎既，将来都会成为8区助威既主力。

第四，其实本来唔想写第四，因为同支旗无咩啦楞。不过最后都想讲讲我地既助威歌曲。我地好多助威歌，好多只可以算系口号，节奏虽强而韵律不足。缺乏一种人一听到好歌，就自然而然想唱既冲动。我觉得，真正好既助威歌，创作既时候唔系净系念住鼓点节奏，朗朗上口。而系一定要强调韵律，要真正上去到“作曲”呢个境界。用一个简单既要求就系：呢支歌要做到唔需要起鼓都唱得到。联盟以前都有禁样既歌，我印象最深刻既就系老版山歌（越秀山，万人共我唱），同埋09年左右既一支全曲只有啦啦啦既曲（应该系借鉴日职联既）。当然禁既要求当然系过分苛刻，但系取法其上，仅得其中。严格要求，精益求精方系进步之道。当中讲得唔岩既肯定有，但系我亦都觉得自己讲得不无道理。

讲左禁多，纯属一时兴起，勿喷。

作者: Eagles 时间: 2013-6-26 23:31
好嘢好嘢！

作者: cy15 时间: 2013-6-26 23:45
讲得对，化解矛盾既能力有D弱，巩固信念既力度亦未够！有信仰既时候就无敌了，这个应该系目标！

作者: PUNKPUNK 时间: 2013-6-27 00:01

cy15 发表于 2013-6-26 23:45
讲得对，化解矛盾既能力有D弱，巩固信念既力度亦未够！有信仰既时候就无敌了，这个应该系目标！

主要系希望可以互相理解，如果唔得都好聚好散。旗肯定系要扯既，尽量稳个大家都开心既渠道啦。

作者: lcc 时间: 2013-6-27 00:12

PUNKPUNK 发表于 2013-6-27 00:01
主要系希望可以互相理解，如果唔得都好聚好散。旗肯定系要扯既，尽量稳个大家都开心既渠道啦。

呢位仁兄比较中肯，你可以翻阅我嘅帖，从来无话中层扯旗唔可以，亦提出过可否系中层扯支细旗，大联盟又唔系行ULTRAS路线，点解佢地可以咁懵塞呢。至于忠义组的问题，我一贯的立场系佢地自娱自乐，根本带动唔到其他会员，需知道一样野系：一般球迷都会根据球场上的气氛来起哄继而助威的，助威指挥应该根据场上的实际情况来适当带动情绪助威，而唔系一味地重复着几首助威曲目，好似复读机一样。久而久之，会连带其他客观因素入侵，翘手党只会越来越多，最后只剩一个所谓的忠义组玩晒，讲完。

作者: jman4 时间: 2013-6-27 00:18
同样不在广州，同样上论坛！

对于歌曲方面，确实需要改善！

作者: 麦donlo 时间: 2013-6-27 00:22

lcc 发表于 2013-6-27 00:12
呢位仁兄比较中肯，你可以翻阅我嘅帖，从来无话中层扯旗唔可以，亦提出过可否系中层扯支细旗，大联盟又唔 ...

朋友点解你唔可以回复我噶问题呢我非常之愿意与你现场沟通你能否系现场与我解决有关小组噶问题呢？我非常之有礼貌咁系宜家第二章帖请朋友你有好噶建议同我现场沟通

作者: tam 时间: 2013-6-27 01:03
第四点我觉得可能系最关键因素，有好噶助威歌，可能翘手党问题迎刃而解都唔定，不过亦都系最有难度噶，主要系联盟无专业音乐人士（我估）。

作者: ruanbohua 时间: 2013-6-27 09:58
标题: RE: 作为局外人讲两句

麦donlo 发表于 2013-6-27 00:22
朋友点解你唔可以回复我噶问题呢我非常之愿意与你现场沟通你能否系现场与我解决有关小组噶问题呢？我非 ...

其实点解一定要让提意见的人现场沟通呢，我觉得好多人之所以系论坛“敢于”提意见，系基于论坛的虚拟身份证，当然唔排除一些借虚拟身份恶意漫骂的人，你叫个D既系会员身份又提对立意见的人现场当住甘多对立立场的人提意见，确实需要无比大的勇气，如果联盟真系需要多点人提意见帮自己改进，就无必要非要人现场提意见，举个不恰当的比喻，检察院都设立匿名检举途径啦

作者: benny1021 时间: 2013-6-27 10:04
写得好好！~

顶上去希望领导们同埋翘手党可以睇睇再讨论讨论

万事有得商量！

作者: 潮人蜜語V 时间: 2013-6-27 10:26
写左几百字..都颇为用心良苦..系个有心人！！！

但....某些人发帖..就以君子之腹度小人之心..心机太重！就完全唔可以接受

作者: ChuYinYan 时间: 2013-6-27 10:38
凭着响中层坚持到落黎既，将来都会成为8区助威既主力。呢句！！！我顶！LZ好野！

作者: topmantom 时间: 2013-6-27 10:51
楼主真心为大联盟好，希望大家能互相体谅，从越秀山后，我已好多年无去现场睇波俾唔到意见了。希望越秀山的真挚与真诚能在天河延续

作者: 麦donlo 时间: 2013-6-27 11:14

ruanbohua 发表于 2013-6-27 09:58
其实点解一定要让提意见的人现场沟通呢，我觉得好多人之所以系论坛“敢于”提意见，系基于论坛的虚拟身份 ...

小弟希望以上噶朋友对于忠义小组有好噶提议点解会想系现场交流呢 1中层噶几位指挥中有三名系上年噶时候加入联盟有好多野确实唔识得点做又无专人噶教导都希望从其他朋友去学取将自身噶激情感染其他人 2若有朋友系能够有激情而又能够感染到其他球迷噶话我相信距地都非常之愿意咁做 3指挥煽动噶言语以及动作并唔系能够从网上噶文字能够表达出黎只能从其他人当中做出示范而慢慢改善4有关于小组噶发展亦都希望有更多有心人士提出更好噶建议 5我本人觉得文字噶表达同面对面噶表达确有唔同可以系减少大家文字上噶误会 6但我系呢个论坛礼貌上请教呢位ICC噶朋友确实呢位ICC噶朋友唯独唔理我并唔系我唔接受距噶意见

作者: ruanbohua 时间: 2013-6-27 11:26
标题: RE: 作为局外人讲两句

麦donlo 发表于 2013-6-27 11:14
小弟希望以上噶朋友对于忠义小组有好噶提议点解会想系现场交流呢 1中层噶几位指挥中有三名系上年噶时候加 ...

我唔系话你唔接受距的意见，也唔系话距的意见就一定岩，我只系想讲表达意见同埋接受意见的方法有好多种，我也都觉得你会系一个愿意交流、愿意接受别人意见的人，但未必每个人都同你一样，你睇下跟你贴的人系咩态度，呵，所以面对面交流未必适每一个人

作者: 麦donlo 时间: 2013-6-27 11:49

ruanbohua 发表于 2013-6-27 11:26
我唔系话你唔接受距的意见，也唔系话距的意见就一定岩，我只系想讲表达意见同埋接受意见的方法有好多种， ...

有关朋友你所讲噶问题或者大家系论坛上噶文字字眼会有所冲突但正系如此我先想同各位有对小组噶一切建议噶朋友面对面噶交流在此如有得罪我代表之前小组噶人所讲噶野同大家讲声对唔住而小组噶一切事情可以同我面对面噶交流

作者: PUNKPUNK 时间: 2013-6-27 13:58

ChuYinYan 发表于 2013-6-27 10:38
凭着响中层坚持到落黎既，将来都会成为8区助威既主力。呢句！！！我顶！LZ好野！

希望果D日日嘈支旗挡住自己睇波既朋友落去一层视察下，问下自己点解人地俾人遮住就得自己就唔得。如果真系觉得支旗虾到自己既，禁就真系要好好考虑下将来咯。不过我系衷心希望大家可以坚持落黎，牺牲少少，将来就会发现，黎现场唔系睇波禁简单既。

作者: 两冀齐飞 时间: 2013-6-27 14:09

PUNKPUNK 发表于 2013-6-27 13:58
希望果D日日嘈支旗挡住自己睇波既朋友落去一层视察下，问下自己点解人地俾人遮住就得自己就唔得。如果真系 ...

完全赞同!!!

作者: 广州坚仔 时间: 2013-6-27 14:28
我都觉得。去现场吾系睇波甘简单。。。。

作者: 阿泽 时间: 2013-6-27 16:53
路过...点赞...

欢迎光临廣州球迷聯盟 (http://www.gzfa.cn/club/)