廣州球迷聯盟

标题: 一个唔算老嘅老会员嘅话 [打印本页]
作者: jerry@garry    时间: 2013-7-13 02:59
标题: 一个唔算老嘅老会员嘅话
2007年6月23日，我第一次踏足越秀山体育场，当时我只系一个懵懂嘅少年，我之所以去越秀山睇波，只系单纯咁钟意足球。当我行完越秀山体育场牌坊个条楼梯之后，我听到左个一下震撼心灵嘅呐喊声：“广~州~队~”，你想像下，一个16岁嘅少年，去承受呢一下冲击，对呢嘅细路嘅影响会几大。入场后，经过23区，整齐嘅蓝色制服，一字排开嘅鼓，飘扬嘅旗帜，一幅幅画面不断咁吸引我目光。比赛过程中，呢班人又唱又跳，几乎我嘅注意力去晒距地度。当我翻到屋企，我冧，究竟系乜嘢令距地有咁嘅热诚去做呢样嘢？就系个一日，“球迷会”呢个概念第一次走入我嘅生活，“广州球迷大联盟”呢个组织第一次比我记住。开始我仲只系觉得距地咁样好好玩，所以我先去关注距地，但当我深入了解之后，我渐渐明白到距地存在嘅意义。我其实到宜家我都唔知点解自己每场波都好有冲劲咁去助威，去唱去跳，或者系因为系我心目中呢支球队承载住我作为一个广州人嘅自豪感，不管距潮高潮低，改名易主，但系距永远不变嘅，系距对于“广州”两个字嘅传承。我唔知自己系咪属于死忠，或者其实自己只系喜欢并且可以去凑这种热闹。我唔明确知道死忠嘅定义，我只系知道自己作为球迷会嘅一员，应该去做好一个球迷会会员应该做嘅嘢，但系呢个“应该”，唔系契约，唔系命令，而系责任。我唔知几时开始钟意研究看台文化，我成日都想我地嘅看台可以做到甚至做得比人地更好，好多人无法理解，但系，我拣得呢条路，我就唔需要人地理解。最近天体嘅看台发生好多嘢，我自己感觉自己开始有啲无力，讲真话个句，中层旗我有叼，对大理我有坐。我自己都唔知我点解会咁，感觉今个赛季开始，我就变得随大流…当我见到联盟嘅忠义组设系中层带动助威，8区就变到只有中层大概三排人系做到全场又唱又跳，每次我助威我都会周围望，然后发现四周围冷漠嘅目光，我觉得好心淡。对东亚个场网盟无鼓点嗌广州队嘅气势，我不自觉咁对周围嘅人嗌左声“你地惭唔惭愧？”网盟虽然好多人对距地印象唔好，但系我半季嘅结论就系13区做得比8区好！对大理嘅上半场，我依旧助威，但系当我发现依旧系嘅三排人系度助威嘅时候，我心淡到极点，于是下班场我上左山顶做坐低党，我接受任何批评同责骂，但系个场波我真系好心淡好心淡，我知道呢个唔应该成为我上去做坐低党嘅借口，其实下半场助威比上半场好，我几次企起身望落去，但系发现都系个三排人最落力，点解？点解联盟壮大左但系就比以前差左？我哋嘅路应该点走？我应该坚持定系比时间自己调整反思？我2011年成为会员，我自问呢三年场场都落力助威（除左大理呢场），亦都睇到联盟发生嘅事，我当初以为助威部出走，对于联盟来讲影响唔大，因为总有新鲜血液加入，但系宜家睇来啲新鲜血液大多为凑热闹的人。曾经想超越人地嘅理想渐渐磨灭，好似自己已经无左团火咁，我唔一定系最有热诚嘅会员，但我自问尽左自己嘅责任去做好一个会员。我真心希望联盟发展得更好，我并唔善于出谋划策，但至少我心入边仲想为联盟出一份力。我唔系道德帝，我只系一个普通嘅，为联盟出一份绵力嘅会员，如果有咩讲得唔啱嘅，欢迎大家一齐探讨，但系唔好变成骂战，一切成功都源于和谐。
作者: 军佬    时间: 2013-7-13 03:30
老话题，为左有好位置看波  便宜的球票 会员服，真正的有几个死忠，来来去去都系前面个几排人，好怀念越秀山的情景！
作者: 西关马骝仔    时间: 2013-7-13 03:48
2007年6月23號，廣州隊2:1江蘇舜天，吳坪楓一個搏咗廣州隊5張黃牌。令人窒息嘅下午…
作者: 人猎乐快    时间: 2013-7-13 06:45
西关马骝仔 发表于 2013-7-13 03:48
2007年6月23號，廣州隊2:1江蘇舜天，吳坪楓一個搏咗廣州隊5張黃牌。令人窒息嘅下午…

非常经典既记忆。
作者: 阿泽    时间: 2013-7-13 07:56
信仰好重要.信念好重要...
坚持广州队哩个信仰.坚守全场又唱又跳助威能为球队赢波贡献力量嘅信念...

理解楼主对大理场波嘅行为.身边都系翘手党嘅话.自己一个人想坚持又唱又跳真系唔容易.楼主唔想被翘手党影响嘅话.不妨加入忠义组.系现场去到中层平台稳几个组长沟通下.忠义组欢迎能够坚持全场90分钟甚至120分钟又唱又跳嘅兄弟加入...
作者: MyLoveWinne    时间: 2013-7-13 08:59
西关马骝仔 发表于 2013-7-13 03:48
2007年6月23號，廣州隊2:1江蘇舜天，吳坪楓一個搏咗廣州隊5張黃牌。令人窒息嘅下午…

绝对系经典中既经典，下午有晒又热，越秀山全场爆满，真系坐到山顶都有人。当年既黑仔真系好劲，好怀念越秀山阿。总是觉得越秀山既气氛比天体好。
作者: PUNKPUNK    时间: 2013-7-13 10:14
好多人理解唔到，唉！
作者: jerry@garry    时间: 2013-7-13 10:26
标题: RE: 一个唔算老嘅老会员嘅话
阿泽 发表于 2013-7-13 07:56
信仰好重要.信念好重要...
坚持广州队哩个信仰.坚守全场又唱又跳助威能为球队赢波贡献力量嘅信念...

我就系忠义组，个日我系忠义组嘅最边嘅位置，亦即系助威同翘手嘅交汇处…
作者: jerry@garry    时间: 2013-7-13 10:29
标题: RE: 一个唔算老嘅老会员嘅话
阿泽 发表于 2013-7-13 07:56
信仰好重要.信念好重要...
坚持广州队哩个信仰.坚守全场又唱又跳助威能为球队赢波贡献力量嘅信念...

当我呢几场都系处于呢种交汇处嘅位置，发觉自己无论几投入都好，你身边要翘手嘅人，都系唔会在乎你嘅目光
作者: 西关马骝仔    时间: 2013-7-13 17:15
标题: RE: 一个唔算老嘅老会员嘅话
jerry@garry 发表于 2013-7-13 10:29
当我呢几场都系处于呢种交汇处嘅位置，发觉自己无论几投入都好，你身边要翘手嘅人，都系唔会在乎你嘅目光

唔需要理會人哋嘅眼光，06、07年嘅南看台，一樣有好多人對我哋白眼，我哋都係堅持至今。只要愛廣州隊，想助威，喺看台邊個位置旁邊咩人都唔重要。捍衛所愛嘅力量唔需要在乎週遭嘅冷漠。
作者: 西关马骝仔    时间: 2013-7-13 17:18
标题: RE: 一个唔算老嘅老会员嘅话
MyLoveWinne 发表于 2013-7-13 08:59
绝对系经典中既经典，下午有晒又热，越秀山全场爆满，真系坐到山顶都有人。当年既黑仔真系好劲，好怀念越 ...

地形、矩離原因，各有不同。但去過浦和之後先發覺，呢D都唔係問題，根本在於廣州球迷的愛，還是太含蓄
作者: pipi    时间: 2013-7-13 22:03
西关马骝仔 发表于 2013-7-13 03:48
2007年6月23號，廣州隊2:1江蘇舜天，吳坪楓一個搏咗廣州隊5張黃牌。令人窒息嘅下午…

我心中最经典都系：2006.9.9.广州队VS杭州  ，冲超关键战，广州队主场久违葛爆场
作者: 西关马骝仔    时间: 2013-7-13 23:09
标题: RE: 一个唔算老嘅老会员嘅话
pipi 发表于 2013-7-13 22:03
我心中最经典都系：2006.9.9.广州队VS杭州  ，冲超关键战，广州队主场久违葛爆场

可惜後來被揭發係假波
作者: 阿泽    时间: 2013-7-14 01:36
jerry@garry 发表于 2013-7-13 10:29
当我呢几场都系处于呢种交汇处嘅位置，发觉自己无论几投入都好，你身边要翘手嘅人，都系唔会在乎你嘅目光

翘手党系唔会在乎你目光嘅.如果你叫佢一起助威.叫多几次佢分分钟会X7你添...唔洗理咁多.做好自己就够...



欢迎光临 廣州球迷聯盟 (http://www.gzfa.cn/club/) Powered by Discuz! X3.1