廣州球迷聯盟

标题: 想问下D买过牛牛嘅球迷，我有冇机会赢我朋友哩五百大元？ [打印本页]

作者: sunlwf 时间: 2013-9-22 14:04
标题: 想问下D买过牛牛嘅球迷，我有冇机会赢我朋友哩五百大元？
我就绝对恒大忠实fans，揸年卡，场场必到，亚冠门票几钱我都会买，而且都係通过官网买。

而我朋友就係果种凑热闹嘅人，拣场次嚟睇，而且次次都係买黄牛，佢之前联赛去过几次，买亲都可以八十至一百嘅价钱，仲要坐亲都主席台附近D位，当然佢係等开波十分钟先买。

今次我朋友话睇柏雷素尔哩场肯定又係如此，但我话哩场你冇可能再有哩个价买到牛牛，坐到靓位，佢死都唔信，话佢好有经验，叫我唔好用忠实fans眼光去同佢评论，之后我就同佢对赌五旧水了

想问下D有经验嘅买过牛牛嘅球迷，我有冇机会赢哩五百大蚊

不过其实就算我朋友真係输畀我，但佢呃我话买到，我都无从考究，因为我係冇可能睇住佢买唔买到，等埋佢开咗波先入场，我係提早最少半个钟入去的。当然我完全不旨在哩五百蚊，寸D讲句，本人收入也不低

只不过突然唸到哩个问题，不如喺度咨询下。

不过我见官网座位图，见到譬如1区同19区，哩两个区係不卖票的，会否哩两个区係属于赠票，而D员工摞D赠票出嚟卖，收得几多算几多，所以有时真係一旧水都得呢？

作者: michelai 时间: 2013-9-22 14:55
你输梗了，大把赠票卖

作者: ruanbohua 时间: 2013-9-22 15:24
根据经验，广州队历史上第一次杀入亚冠四强，所以以前的经验不作为经验参考，不过按常识去分析，你朋友的赢面比你大好多，既然你收入唔少，甘未当你请朋友睇波咯，另外，我是否可以落注你朋友身上？

作者: sunlwf 时间: 2013-9-22 16:02
真係咁多赠票？咁使鬼官网抢票抢得咁辛苦吖？不如我都等开场后10分钟再买票，悭唔少啦。迟10分钟睇又有乜所谓。

作者: 单行本 时间: 2013-9-22 16:44
你输紧啦，佢400买黄牛都赚你一旧啦！

作者: sunlwf 时间: 2013-9-22 22:08

单行本发表于 2013-9-22 16:44
你输紧啦，佢400买黄牛都赚你一旧啦！

佢係话继续能够八十至一百哩D价位，买靓位，开波十分钟内买。

作者: 吖傑--X 时间: 2013-9-22 23:15
若买到，叫巨自恋一下，企天体场内对住自己同球场拍一张

作者: ccanson 时间: 2013-9-22 23:45

你输梗了，大把赠票卖

作者: 番茄炒蛋 时间: 2013-9-22 23:52
一句讲晒，黄牛太贵出不了票，越到开场越着急的会是黄牛，会有跳楼价的，你这500刀没戏了

作者: mqb361 时间: 2013-9-23 00:16

sunlwf 发表于 2013-9-22 22:08
佢係话继续能够八十至一百哩D价位，买靓位，开波十分钟内买。

问题系佢点样证明佢系使左100以内的价钱买到左票呢？

作者: allay2 时间: 2013-9-23 00:26
估计呢场的价格会坚硬点，但开场后就好难讲。

作者: 单行本 时间: 2013-9-23 08:14
个问题关键系我地证实唔到佢用几钱买，你明吗？

作者: trouble 时间: 2013-9-27 15:46
好简单，收走佢荷包同银行卡，只留100蚊俾佢，入到来咪本事咯

作者: 阿泽 时间: 2013-9-29 20:29

trouble 发表于 2013-9-27 15:46
好简单，收走佢荷包同银行卡，只留100蚊俾佢，入到来咪本事咯

佢预先放定5旧水响underwear度就得啦...5旧水楼上买票入场.然后呃楼主100蚊搞掂.纯赚几多睇到时行情.So.楼主输硬鸟~~~

欢迎光临廣州球迷聯盟 (http://www.gzfa.cn/club/)