廣州球迷聯盟

标题: 仲系要讲下入球之后嘎庆祝 [打印本页]

作者: mrcamel 时间: 2014-2-27 13:59
标题: 仲系要讲下入球之后嘎庆祝
平时场场炒对方几粒波，入波当食饭，可以话拥护下了事。
但琴晚呢场惊天逆转，波波精彩。特别系迪亚文迪追平果波，同艾基反超果波，放系欧洲五大联赛，D球员早就蜂拥而上，起码都要按低入波果个，激情庆祝下。但琴晚真系无呢D咯，就得前场几个球员慢吞吞甘埋去拥抱下算数。好多时净系见到艾基同迪亚两个率先拥抱庆祝，其他人好似好冷淡甘。
翻来看翻回放，迪亚入波之后，独自一人系冲去边界手舞足蹈庆祝，林住队友应该疯狂冲过来庆祝，点知另过头看下，即刻茫然，无人过来。系得啊张5过去同距撩下手指，跟住先有几个人埋去拥抱下。
我估迪亚都觉得奇怪，一场甘精彩嘎逆转，粒粒精彩，但好似都唔多兴甘。

另外，落后情况下，好多时见到迪亚不断拍手扬手激励队友打起精神，振作D，特别黄博文追翻第一球时，距果种鼓动动作好明显。

呢种情况唔系第一日系甘，好希望见到球员入波时果种相互鼓励庆祝嘎场面，但恒大里面好少呢种场面。唔知迪亚回头茫然果下会唔会觉得好奇怪。

作者: benny1021 时间: 2014-2-27 18:09
讲过好多次啦

国内球员缺乏咁既气氛

希望以后会有改善

激情d

作者: kyo1011 时间: 2014-2-28 10:35
我都想讲好耐噶啦，人地入波10个人庆祝，我哋入波2,3个人庆祝～

作者: PUNKPUNK 时间: 2014-2-28 11:30
一D激情都无，我都觉得有D错愕，难道追翻唔开心？？刘总应该执下呢D风气问题。最起码老李带队既时候唔会禁！

作者: 西关马骝仔 时间: 2014-2-28 15:42
人的性格问题，改不了，不过今场比上赛季好，几个外援、廖力生、黄博文、郜林、荣昊、张琳芃都系比较有激情相拥噶

作者: mrcamel 时间: 2014-2-28 16:51
一支球队系落后之下，仲要系两波，追和果波，同反超果波，呢种庆祝绝对系提高球队士气嘎表现来。就好似出左一啖恶气甘，球迷同球员同时在看台同球场上忘情咆哮果种气势，对手见到都惊啊！

作者: 西关马骝仔 时间: 2014-2-28 17:15

西关马骝仔发表于 2014-2-28 15:42
人的性格问题，改不了，不过今场比上赛季好，几个外援、廖力生、黄博文、郜林、荣昊、张琳芃都系比较有激情 ...

平时荣昊算系开朗嘅球员，佢会上去庆祝。肯定系性格问题，难道庆祝都要强制要求？咁同谢场嗰阵嘅态度有咩唔同？情绪系带动起身嘅，迪亚文迪嘅激情带动到孙祥、黄博文，一样带动到其他人

作者: 天衣無縫 时间: 2014-2-28 17:33
球員慶祝這回事，請讓他們自由發揮吧。

作者: 人猎乐快 时间: 2014-2-28 17:52
无论点，一定一定要万分清醒：比赛仲未结束！！迅速返到自己位置准备战斗係必须既。下一个进球，更重要。

作者: 天衣無縫 时间: 2014-2-28 18:29

人猎乐快发表于 2014-2-28 17:52
无论点，一定一定要万分清醒：比赛仲未结束！！迅速返到自己位置准备战斗係必须既。下一个进球，更重要。

完全同意。獲勝後的熱烈慶祝，正是球隊努力其中一個動力。

作者: Kowalski 时间: 2014-2-28 19:05
果晚見到迪亞文迪第二波之後一個人慶祝我就呆咗仲咩冇人沖上去攬嘅好似覺得輸贏都冇咩所謂咁冇曬氣勢

作者: 人猎乐快 时间: 2014-2-28 19:23

天衣無縫发表于 2014-2-28 18:29
完全同意。獲勝後的熱烈慶祝，正是球隊努力其中一個動力。

大多数球迷愿球员分享胜利快乐既心情完全可以理解，呢个亦係球场激情既一个重要组成部分。球员可能未必咁霖，未收工喔！等到收工了，本来亦当尽情热烈庆祝，却因放落重担，整个人都累得想趴街，最多只係象征性咁向球迷挥挥手，鼓鼓掌，就拖住脚往更衣室走去、、、球迷唔卖酱！！

作者: 人猎乐快 时间: 2014-2-28 19:29
我个人觉得，就近队员一定、必须要有动作！国内球员更要主动啲上前，外援拼力为我地争得荣耀，我地决不能等闲视之。建议俱乐部为此事作一个硬性规定，作为球员互动也好，与球场互动也好，、、、、

各大方阵！起鼓~~~~~~~~~~~~~~~~~！

作者: 阿泽 时间: 2014-3-10 00:06
性格问题...文化问题...
巴塞入波.几乎每一个入波.无论边个入波.其他球员距离几远.都会跑过去拥抱庆祝.而庆祝完后.入波者仲会向龙门VV打手势.VV亦都会回应.俾人觉得佢哋好享受入波嘅过程同结果...
国内哩啲文化真系需要更进步先得...

作者: 蓝海大少 时间: 2014-3-10 01:06
为钱打波，谈何激情？如果系奖金度加一条，入波后要热情庆祝的条例，估计睇在钱钱份上，都可以消除下外援们的诧异

作者: robinhointer 时间: 2014-3-10 18:30
你睇睇我地郑大队长举起亚冠奖杯个下几咁木独就知啦，无D兴奋！根本比不过一支中学小队拿校际冠军那般激动.....

欢迎光临廣州球迷聯盟 (http://www.gzfa.cn/club/)