廣州球迷聯盟

标题: 对于14赛季防空薄弱问题，大家讲下办法 [打印本页]

作者: conca2011 时间: 2014-3-25 17:05
标题: 对于14赛季防空薄弱问题，大家讲下办法
广州队新赛季前所未有噶6场失8波，而以前甚至季中先会失球超过10个，。其中，防空问题最为严重。
第一，中坚能力不足？冯潇霆、金英权，公认队内最佳噶后防组合。但系，防空薄弱噶问题璃次暴露无遗。究竟系2人实力不如从前，定系心态冇摆正。而且此时为何冇有任何一个替补后卫能企出离？恒大重金买噶人就系感噶水平？记得之前12赛季，唐德超曾经有过出色噶表现。亚冠、中超连续首发，表现出色，高波完全冇对距造成威胁，地波噶防守亦都可圈可点。如果唔系打浙江绿城果镇比阴湿噶汪嵩搞伤尾龙骨，恐怕距能继续大放异彩，唔至于最尾要比人卖到河南块烂地。
仲要提噶就系外租噶宝隆。广州队中超第一季噶时候，宝隆在阵。虽然有时会有无厘头噶传控失误，但系距出场时，恒大噶高空防守无人能够攻破。如果有急切必要解决问题，系咪应该稍作人员调整哎宝隆翻离顶住当先呢？唔系话金英权唔得，我都话金英权比宝隆劲，但系讲到防空及身体强硬度，宝隆必胜。金英权噶实力可能有更多体现在断球后长传反击噶速度，同埋一种犀利噶组织、攻击能力。不过用人应该讲究时机，我觉得金英权如果唔能胜任防空，感距就未必适合宜家噶广州队。
最尾要讲噶就系守门员曾诚。距之前好劲璃个冇人能够质疑。但系如果睇过晒广州队每一场波噶波友就应该发觉：自从旧年亚冠打柏雷素尔开始，曾诚出现过无数次致命噶失误。打柏雷素尔，曾诚有3次出击扑空气，如果唔系队友赶到，恒大未必赢到8：1.跟住打首尔又系，主客场各有一次失误，好彩冇造成失球。联赛亦系如此......但系运气唔系永远噶，过得到初一都过唔到十五。曾诚本赛季好似还债感，高球出击噶失误，往往造成失波。这个绝对唔系恒大水平有噶门将，如此差劣噶表现恐怕中甲都冇人收。相对过去噶杨君，真系唔够班。甚至替补噶李帅，状态都要比宜家噶曾诚好，我斗胆向列比提个意见，近牌噶比赛上李帅会更稳定。最起码李帅唯一出场打河南建业3：0零封对手就系好好噶证据。而且，之前打泰国武里南，人地举手投降都话李帅水平太高了，根本射唔入波。李帅噶特点就系敢于出击，防守范围广大。

大家都讲i下啊你地噶睇法。

作者: 人猎乐快 时间: 2014-3-25 17:14
很好既一张帖，先顶一下！

作者: xiexieshaojun 时间: 2014-3-25 17:44
好怀念保隆，他在的日子里，刚好与冯6互补，虽然偶尔会在后防线玩火，其他的都很好，身体一流，防空都好劲。可能不会再回来了

作者: 梦迷羽球 时间: 2014-3-25 17:49
进得很有道理，后卫就应该找个高大威猛的作中坚，亚援应该由奥大利亚的较为合适。

作者: 天衣無縫 时间: 2014-3-25 19:35
本帖最后由天衣無縫于 2014-3-25 19:39 编辑

從樓主的觀點看，小弟跟閣下有頗多概念上的分別，所以都很多地方可以討論。

首先，我們是否真正地重視防守呢？

我看廣州恒大防守高空波的弱點，早在中甲時已出現，這從球員的特點去說，甚至是中國聯賽球隊防守高空波的通病來說。面對面拼身材，很多本土與外援都很好，但搶點企位防範盲眼位甚至於聯防的意識又如何呢？反而建議各位起碼看看中超各場精華再想想，會否出現這麼的情況，就是中超球隊防守仍然是重身材輕技術呢？防守是另有一套獨特的技術，可是球會球員甚至球迷又是否同意呢？進一步說，我們是否明白防守的重要性，不是建基於幾場的失利，而是建基於自己地方的足球整體上的進步呢？

作者: baogangdadao 时间: 2014-3-25 19:53
防守问题一直都存在，只不过今年换咗个发动机，进攻差咗，先显得特别明显嗻。

作者: 人猎乐快 时间: 2014-3-25 21:19

天衣無縫发表于 2014-3-25 19:35
從樓主的觀點看，小弟跟閣下有頗多概念上的分別，所以都很多地方可以討論。

首先，我們是否真正地重視防 ...

同意。不一定高，最紧要诡。

作者: 亚历山大 时间: 2014-3-25 21:40
长期来讲，当然系通过引援来解决，但短期来讲，有两个办法：1、加强中后场的拦截，特别系对两肋的保护，尽量将对手的传中和高球绞杀系萌芽状态；2、启用身材更高大、对抗更好的中卫队员。

作者: tam 时间: 2014-3-25 22:55

亚历山大发表于 2014-3-25 21:40
长期来讲，当然系通过引援来解决，但短期来讲，有两个办法：1、加强中后场的拦截，特别系对两肋的保护，尽 ...

纵观前几场噶失球，有一半系输定位球，第一个办法未必系对症下药；引进高大中卫当然好，但国内似乎无更加出色噶球员可选，如用外援又占用一个名额，实在难以取舍。

有个想法唔知有无道理，弱队平时训练肯定重点练防守，而强队是否反而防守练得过少呢？尤其系死球噶防守，反正我去甘多次基地，都系见佢地以练运动战为主，似乎未见过里皮专门练习自由球、角球噶防守，所以系对高空球落点判断，同对第二点噶保护总系唔可以令人放心。其实冯6和张5已经系国内最好后卫之一，但甘鲜明噶缺陷总觉得唔可以用娇兵去理解。

作者: 亚历山大 时间: 2014-3-25 23:57

tam 发表于 2014-3-25 22:55
纵观前几场噶失球，有一半系输定位球，第一个办法未必系对症下药；引进高大中卫当然好，但国内似乎无更加 ...

第一种并非无，辽宁噶杨善平、青岛的栗鹏都系唔错噶高大中卫，甚至我哋租借在外的弋腾、目前在队中噶梅方都系唔差噶人选，关键仲系要睇点用至于训练噶问题，我个人理解系强队并非防守练得少，而系着重点唔同，弱队整体实力相对差，所以更重视个人能力同对抗噶培养，而强队更多时候更重视整体协同作战，强调稳健同出错少，对于一对一噶能力反而唔系咁睇重，所以先会俾你咁样噶印象。列比作为意大利教练同一贯噶带队风格（麾下经常囤积着一对铁血战士），话佢无重视防守基本上系无可能的。冯潇霆的身体已经不足以支持其对抗冲击力强大噶对手已经系既成事实，如何针对尼点保护门前系非常有必要的；而张琳芃则系遇到一个自加盟以来噶又一个瓶颈——如何从一个勇猛噶后卫成长为一个聪明噶后卫，尼系亦系其能否从亚洲优秀噶后卫成长为亚洲一流乃至顶级后卫噶关键，而且我认为列比所谓噶佢有实力留洋但又表示唔会放佢留洋噶讲法，并非系话真系唔俾佢出去，而系指佢噶球技已经达到可以去欧洲的标准，但佢系其他方面（例如阅读比赛的能力、领导能力等，简单来讲就系球商）仲未可以支持其具备系欧洲联赛生存噶能力。

作者: 天衣無縫 时间: 2014-3-26 01:14

人猎乐快发表于 2014-3-25 21:19
同意。不一定高，最紧要诡。

什麼叫詭？

作者: 人猎乐快 时间: 2014-3-26 06:28

天衣無縫发表于 2014-3-26 01:14
什麼叫詭？

请从古兵法解读呢个字，会有答案既。

作者: 天衣無縫 时间: 2014-3-26 09:06

人猎乐快发表于 2014-3-26 06:28
请从古兵法解读呢个字，会有答案既。

在孫子兵法而言，詭有奇招與部署的意思。防守當然需要針對對手最危險的球員以及整體佈防了。

作者: Gavin 时间: 2014-3-26 11:33
或者我地换个思维，点解甘多机会比人地罗倒D禁区肋部既任意球，甘容易比人系边路传中？
数据我无去查到，但从直觉上觉得呢个赛季，系控制力同组织上差左，失去CONCA既问题突现。
即使控球率高但系去到葫芦顶外，以及禁区角既既进攻组织就明显不如去年，运作得差左，而且比人抢断既次数都增多。
我地既打法，两个边后卫经常系助攻到好前既位置，一旦失控球权两条边同禁区肋部就比人打反击。自不然对方传中同任意球既机会就增多。

睇左几场波，其实梅方既防空能力都可以。金英权既组织能力系不可或缺既，暂时黎睇，如果冯潇霆状态唔掂既话，稳梅方打打都可以。
仲有就系曾诚既问题，系组织任意球防守上，后防要有个人出黎统筹，曾诚能否胜任？对全北果场波，同张琳芃果个失误好明显系沟通统筹不足。要稳个人出黎组织大家做好补位、协防先得。
当然最后系有个组织又掂，身体又强壮，抢得顶得既中卫就最好，但国内始终唔系甘容易稳倒。
所以觉得目前都系响中前场既控制力同攻防转换上多下D功夫，

作者: tam 时间: 2014-3-26 11:46

亚历山大发表于 2014-3-25 23:57
第一种并非无，辽宁噶杨善平、青岛的栗鹏都系唔错噶高大中卫，甚至我哋租借在外的弋腾、目前在队 ...

我所指噶防守训练，主要系话对死球（角球、自由球）噶防守训练。

俾我感觉：
老李时代，前场死球噶机会好多，但睇唔到有咩专门噶战术，大多都浪费掉，好似平时没点专门训练过甘，所以每次死球机会都无咩期望；
而家到里皮时代，就轮到死球防守上，同样感觉好似平时没点专门训练过甘，每次都提心吊胆。

正如你讲，可能系时候补充后防新血了，冯6虽然话年龄都未算太大，但基本噶技术特点都已经定型，要想佢变得更硬朗，似乎可能性唔大；而张5够硬朗，但对高球落点噶判断，同补位意识，都系应该从小就打落噶基础，技术成型后唔系甘易去提升。

作者: zeoheileon 时间: 2014-3-26 12:00
曾诚噶出击的确有问题~

作者: shanliangsolo 时间: 2014-3-26 15:36
上位噶时候到啦！！梅3顶婷婷，帅哥顶增城！

作者: 人猎乐快 时间: 2014-3-26 17:49

天衣無縫发表于 2014-3-26 09:06
在孫子兵法而言，詭有奇招與部署的意思。防守當然需要針對對手最危險的球員以及整體佈防了。

正是这样。禁区防守所谓既盯人，其实非常讲究，并且无经书可寻。在远离犯规危险既前提下，封堵对手头球、起脚既位置，假如讲要形成一个锁链般既防守体系，呢个只不过是一种假想，前扑后补，左贴右防，都在瞬间完成，从球起动到落点，能有几多时间作判断并合理移动？呢个问题，我，无计。

作者: 人猎乐快 时间: 2014-3-26 17:51
再有就係，通常最后完成攻门既，多数唔係“危险球员”，执鸡者切勿忽略！

作者: 人猎乐快 时间: 2014-3-26 17:52

shanliangsolo 发表于 2014-3-26 15:36
上位噶时候到啦！！梅3顶婷婷，帅哥顶增城！

同意此观点，要轮换一下。

作者: 阿泽 时间: 2014-3-26 19:54
我唔认同"金英权噶实力可能有更多体现在断球后长传反击噶速度，同埋一种犀利噶组织、攻击能力。"
我觉得金英权最大嘅优点系防守意识.预判对方进攻.提前化解险情或者补位等.而婷婷嘅特点亦都类似.更多系靠意识靠预判.一对中坚嘅类型好相似.冇乜互补.不过金英权后生.高球防守问题都唔大.但就冇可能有暴龙咁霸气.而婷婷身体原因.所以会差啲...
我都觉得.不妨系联赛多啲轮换试下唔同组合.特别系身体质素好嘅梅方.俾佢响中卫搭住金英权.值得一试...

作者: 阿泽 时间: 2014-3-26 19:55
我唔认同"金英权噶实力可能有更多体现在断球后长传反击噶速度，同埋一种犀利噶组织、攻击能力。"
我觉得金英权最大嘅优点系防守意识.预判对方进攻.提前化解险情或者补位等.而婷婷嘅特点亦都类似.更多系靠意识靠预判.一对中坚嘅类型好相似.冇乜互补.不过金英权后生.高球防守问题都唔大.但就冇可能有暴龙咁霸气.而婷婷身体原因.所以会差啲...
我都觉得.不妨系联赛多啲轮换试下唔同组合.特别系身体质素好嘅梅方.俾佢响中卫搭住金英权.值得一试...

作者: 亚历山大 时间: 2014-3-26 21:54

tam 发表于 2014-3-26 11:46
我所指噶防守训练，主要系话对死球（角球、自由球）噶防守训练。

俾我感觉：

无错，就系因为平时强调整体防守、少犯规，唔俾对手有发死球噶机会，所以相对来讲，系防死球方面就显得少了。

作者: Kaki_Ng 时间: 2014-3-27 10:16
全部回来协防，以后打532啦

作者: trouble 时间: 2014-3-27 10:31
我觉得可以适当俾多D机会梅方，佢身体同判点似乎极好，不过就係转身慢

作者: PUNKPUNK 时间: 2014-3-31 17:00
以前压住人地响半场黎打，呢个现象就好似无禁严重禁。依家打法变了，要放人地出黎攻，自然就容易俾人放到高空波架啦！

欢迎光临廣州球迷聯盟 (http://www.gzfa.cn/club/)