廣州球迷聯盟

标题: 今年恒大的表现之个人见解 [打印本页]

作者: LAMSUN 时间: 2014-5-23 01:52
标题: 今年恒大的表现之个人见解
本帖最后由 LAMSUN 于 2014-5-23 01:56 编辑

表现：
      1. 场面唔好睇，精彩配合少，场面控制力差。无以前几乎全场压迫对手的霸气！
         2. 进攻缺乏章法，似乎打到边度算边度。
         3. 防守漏洞多，经常出现漏人现象。
         4. 前场后场好似分开两班人，缺少整体性。
原因：
         1. 干卡走左，
            虽然唔可以放大干卡嘅作用，但系不可否认干卡系度嘅时候他的精神面貌可以感染全队，距回防积极，中场组织张弛有道，奔跑积极，传球精确又合理（呢个特别重要，当前锋努力走位却得唔到输送，好大打击的，严重影响积极性），尝试代入角色思考，当你积极跑出好位，无人传波比你或者想传传到离行离揦，你跑多几次出现同样情况，可能你下次都懒得跑。
         2. 奖金降低
            最现实嘅问题，绝对影响积极性。（作个比喻，你入职时月薪3000，做几个月老板赏识你提高到8000，你开心积极。然后年底拿50000奖金，第二年老板话减薪，得翻4000，你落差都好大。）我有好几次觉得球员系球场上用消极来表达不满，希望系我多心。
         3. 节奏分快慢两个档位
            当特别重要嘅比赛，某种力量令全队集中精力又表现几好。典型例子系客场5:1杀大阪樱花，全队跑位积极，速度快。呢个系快速档
            当其他场次，球队今年出现好多次跑步慢条斯理，唔积极现空位，无压力下传球失误频频出现。呢个系慢速档
         4. 起用新人唔够大胆
            除左廖力生，似乎对其他新人无乜印象。
            无足够新鲜血液的补充，过于依赖一套主力阵容，精神疲倦就自然产生。
         5. 此消彼长
            当广州足球旧年获得最大荣誉，系今年自然系众矢之的。每个球队打我哋广州恒大，战斗力都增加至少30%，结合以上分析的情况。所以就出现今年诸多问题。
          PS:  个人唔认同比赛赛程密集造成体力消耗过大呢个因素，好简单，你睇下迪亚文迪满场飞，你睇下寻晚对贵州人和郜林几好体力带波企图过人，如果体力唔够完全可以多传波，何必要如此浪费体力！？所以我觉得唔系体力问题。

      以上个人睇法，欢迎各位交换意见。

作者: 阿泽 时间: 2014-5-23 10:30
最大的原因系冇咗Conca...唔认同楼主话Conca回防积极.Conca回防基本上都系求其伸下脚.防守作用除护空门外基本可忽略...但进攻时飘忽的走位.合理的组织分球同埋前插等等.系之前进攻咁华丽的最重要因素...

其次系球员心态.俱乐部层面几乎各项赛事冠军都攞过了.追逐荣誉的欲望降低.加上奖金又少咗.就冇之前咁搏咁专注...

如果球员们都攞出客战大阪的精神状态.即使冇咗Conca.横扫中超各对手仲系冇乜问题嘅.点会响主场都一平两负...

作者: 穗均力 时间: 2014-5-23 23:05
基本上认同！的确对手多了 30%的气力，就是来干你恒大。

作者: ruanbohua 时间: 2014-5-25 21:02
其实宜家先至系意大利足球的节奏

作者: MyLoveWinne 时间: 2014-5-25 21:34

ruanbohua 发表于 2014-5-25 21:02
其实宜家先至系意大利足球的节奏

唔好刻意強調意大利節奏，當年列比帶領嘅祖雲踢得好燦爛嘅。就是上年嘅恆大亦是。conca始終都係恆大最重要嘅一員。現階段衹能慢慢摸索後conca時代要點踢。

作者: ruanbohua 时间: 2014-5-26 19:33

MyLoveWinne 发表于 2014-5-25 21:34
唔好刻意強調意大利節奏，當年列比帶領嘅祖雲踢得好燦爛嘅。就是上年嘅恆大亦是。conca始終都係恆大最重 ...

注意，系节奏：无传统中场、打反击、减少控球，上年有干卡系度先迫不得已打中场控制

作者: MyLoveWinne 时间: 2014-5-26 22:07
唔係唔想，係冇呢類球員。列比唔係傳統嘅意大利教練，祖雲時中場控製力好強嘅。要搵到一個好似conca咁又肯黎中超嘅其實真係唔多，磚石睇意甲時就覺得佢麻麻，起碼唔係一個傳統十號。如果雞爺身體好翻啲，佢摞個波踢應該會好啲。再說，我唔覺得廣州係度踢緊防反，只係中場唔給力遮。

作者: tam 时间: 2014-5-26 23:32

MyLoveWinne 发表于 2014-5-26 22:07
唔係唔想，係冇呢類球員。列比唔係傳統嘅意大利教練，祖雲時中場控製力好強嘅。要搵到一個好似conca咁又肯 ...

隐约觉得里皮在模糊“核”噶概念，亦就系把球队逐渐过渡到“无核”。

作者: ruanbohua 时间: 2014-5-27 06:03

MyLoveWinne 发表于 2014-5-26 22:07
唔係唔想，係冇呢類球員。列比唔係傳統嘅意大利教練，祖雲時中場控製力好強嘅。要搵到一個好似conca咁又肯 ...

当年祖记中场控制力强缘于球员实力强，就好似去年的广州队，你信唔信列比夏季转会再继续稳球员依然唔会稳转统中场球员返来？当然列比毋庸置疑系一个好强的教练，但意大利足球真唔系我杯茶

欢迎光临廣州球迷聯盟 (http://www.gzfa.cn/club/)