廣州球迷聯盟

标题: 关于搬区，我都想讲讲我既睇法 [打印本页]

作者: PUNKPUNK 时间: 2014-11-8 15:39
标题: 关于搬区，我都想讲讲我既睇法
本帖最后由 PUNKPUNK 于 2014-11-8 15:42 编辑

      之前见到有兄弟发表左自己关于搬区既睇法。距当然讲左好多好友道理既说话，有好多我都感同身受。
      不过，即便如此，我都系赞成搬到龙门后面。
以下讲讲我既理由
      首先，我认为，球迷联盟衣家发生既种种问题，同搬唔搬区根本无关系。搬去龙门后面，同大部队汇合，对于联盟，同埋整个助威视角黎讲，都系百利而无一害既。
之前发帖果位兄弟讲得好岩。衣家D领导唔同我地老友，会员年纪增大，要顾及工作，同埋会员黎睇波既目的性，都系导致助威唔好既原因。但系唔系唔搬区既问题。相反，呢个正系要搬区，换个新气象既最大原因。
换个新区，同其他球迷会同声同气，声势更加浩大。视觉上，听觉上对整体助威就系有帮助既。
      其次，唔知大家有无翻屋企睇过录像，开声音听听就知道，之前助威鼓点真系7国禁乱。因为作客球迷区旁边仲有两个会，成个球场你有你敲我有我敲，搞到成锅粥禁，联盟刚好就响正两种鼓点既中间，助威得好就有鬼啦。衣家趁住呢个契机，俾吴川同网盟一个台阶，搬过黎，你好我好大家好，点解唔做姐。呢一两年，因为各种原因联盟已经唔可以独大了。如果响呢个关头领导仲唔俾翻D魄力黎睇睇，敢于改变，高调改变。联盟既助威只会越黎越差，联盟响8个球迷组织里面既声望只会越黎越低。树挪死，人挪活。
      最后，我想谈论一下球迷会存在既意义。”忠诚，传承，唯一“呢六个字响几年前就一直作为球迷会既立会宗旨进行推广。等我地黎仔细推敲一下。无论系细忠诚，传承定系唯一，指向既都系球迷会同球队之间既关系。但系作为一个聚集作禁多球迷既团体，球迷会同球迷之间既关系究竟系应该点既呢？换句话讲，作为运作紧呢个球迷联盟既领导同管理人员，应该系同普通会员建立一个点样既关系呢？以前我既观点系，球迷会规模每年壮大，只要规范管理，就可以解决问题。但系随住自己阅历既加深，自己系逐渐认识自己既错误，同时理解到集体文化（企业文化）响管理上面起到重要作用。如果只从现象对比既话，可能会有偏颇，但系我认为都足够说明问题。
   以联盟建立既头两年同最近呢两年作个比较。头两年，俾我最深印象既就系，唔理我识唔识D领导，总之个个人都面熟。下午3点半既波，中午十二点半走去买完票，排队等入场。时不时就会遇到D工作人员埋堆，大家倾下波经，亦都无必要自我介绍。然后就系等领导叫起鼓，磨柱，入场。入到场，见到靓女起起哄，见到裁判问声好。到真正开波入戏既时候，大家都系怀住既放松，又高昂既心情去睇波助威。所以以前d助威歌好多系有歌词既，望住前面班领导，起鼓两三次，绝对识唱，有听唔清词既，问问左右隔离，绝对ok。最经典就系”裁判你正hi狗，裁判你正7头“根据我记忆，就系当时领导即兴创作既产物。所以我总系好期待周六下午去越秀山睇波，每次都一早就去同班唔系f但系又好老友既人倾波经，有机会埋身都捉捉领导去摸柱。
      最近两年，大家比我清楚，不赘述。
      然而总之又终上所述，球迷会需要传承以前所拥有既优良传统，同时又需要根据现时既情况厉行改革，从而沉淀出新既传统。搬区系一个改变，唔做好呢个改变，球迷会就无新气象，二层三层继续大把人翘手。好多野要变，如果其他野唔系一朝一夕可以做得到，先做好呢样，起个好头，以后既变革先会更加顺利。

作者: 西关马骝仔 时间: 2014-11-8 15:52
赞！顶一个！

作者: PUNKPUNK 时间: 2014-11-8 16:04
落班翻黎临时临急写既，关于最后一点表达得唔系好充分。
管理者究竟要同普通会员建立一个点样既关系上，其实最主要系想问：第一，球迷点解要入球迷会。第二，点解一定要入联盟而唔系南粤又或者其他组织。第三，我地既组织有咩魅力，有咩系独一无二既。点样做到既，将来又要点改进？
呢几个问题普通会员同领导既视点必然系唔一样既，如果禁问既话，其实答案大家都心中有数。不过好似太大口气，对于已经辛苦为我地D普通会员服务既各位指指点点唔系太好。
希望大家对于我语气同埋表达得唔清晰既地方多多包涵啦哈哈，多谢多谢。

作者: operrte 时间: 2014-11-8 16:44
睇到“裁判你正hi狗，裁判你正7头“，不自然会心一笑。

作者: 阿泽 时间: 2014-11-8 20:17
顶！赞一个！

作者: PUNKPUNK 时间: 2014-11-8 20:40

operrte 发表于 2014-11-8 16:44
睇到“裁判你正hi狗，裁判你正7头“，不自然会心一笑。

集体回忆啊

作者: keystam 时间: 2014-11-9 03:19
而家乜都讲文明了~~~

作者: 傑_Kevin 时间: 2014-11-9 12:00
我就知一点，搬区，肯定对所有噶球迷会助威有帮助！所以我支持

作者: shawn84527 时间: 2014-11-9 13:07
赞，支持！

作者: PUNKPUNK 时间: 2014-11-9 23:07

keystam 发表于 2014-11-9 03:19
而家乜都讲文明了~~~

唔俾磨柱唔嗨森

作者: PUNKPUNK 时间: 2014-11-9 23:09

傑_Kevin 发表于 2014-11-9 12:00
我就知一点，搬区，肯定对所有噶球迷会助威有帮助！所以我支持

我觉得必须支持既，更近龙门后面，重现亚冠果种气势，对球队球迷都好！

作者: tam 时间: 2014-11-9 23:52
乜都唔使讲，跟住组织走。

作者: 116wei 时间: 2014-11-10 01:12
点赞！

欢迎光临廣州球迷聯盟 (http://www.gzfa.cn/club/)