听讲，明年大联盟要搬去4区，网盟要进驻8区，替代大联盟享广州球迷会的领导地位！...

或者根据我既了解回答一下楼主既问题啦
1、难道楼主你唔觉得宜家8区同以前有咩唔同吗？当初球迷联盟创立之初依个会只系联合大家一起系8区坐定定睇波既咩？如果楼主唔觉得宜家球迷联盟有咩问题咁就系一个大问题啦，如果你每一场都坚持助威既话你就会发觉宜家助威人数越来越少，翘首党同坐定定睇波既人越来越多，点解咁多人会入来8区睇波唔助威，系因为8区都算系一个唔差既区，而且我地球迷会又有俱乐部既优惠政策，所以先会咁多人入来睇波，所以我觉得搬去4区我系支持既，甘样可以减少好多唔助威既人，招收更加多有力量既年轻会员，对球迷会既发展有利。
2、有人同你讲过可以投票吗？好似无喔。如果有得投票点解论坛无既？我觉得应该系球迷会内部已经达成共识。难道天河做广州队主场我地可以投票？难道广州恒大淘宝足球俱乐部依个名我地可以投票？唔好甘天真啦。
3、无投票何来结果，依个问题忽略。
4、如果我地搬去4区，第一就系我地一定有大部分座位嘎啦，如果唔系何来搬区啊？但系都唔代表唔少部分散票噶，只要座位方面俱乐部安排得好，我觉得依个唔系问题，只系工作人员方面就要加强管理甘咯，你要记住，当初南粤果边第一年都系甘噶。
5、同上面果个问题答案都系差唔多，只要座位方面俱乐部安排得好，工作人员加强管理。搬去4区点都要经历同散票一起依一步嘎啦，慢慢以后就会整个区都系我地嘎啦。
6、我支持搬去4区我就系唔想睇住大联盟灭亡，如果我地坚持继续落去，而唔去改变既话，问题只会越来越多，死得仲快，难道楼主安逸惯了，就接受唔到改变？
7、反问翻楼主一个问题，点解你系要坚守8区？难道你觉得宜家8区好好？睇波视线好？票价有俱乐部照顾觉得好优惠？如果宜家既8区都觉得好既话，相信楼主都系一个“睇波”既人，如果真正助威既就会睇得出宜家既问题。