我在淘宝与黄牛噶对话！！！大联盟！你解析啊！！！

一句讲晒，各位会员，够胆话自己冇卖票俾黄牛嘅有几多人？你哋持有会员证同年卡，我哋按照俱乐部要求同自己已经明示咗嘅规定卖俾你哋，你哋究竟有几多人系真系自己买嚟睇波？一人一证买票，限购一人一张，就会有人话我哋唔人性化；一人限购两张，可以代其他会员购一张，需求大就冇办法控制！有几多人系借唔得闲去现场睇波嘅朋友嘅会员证嚟买票，跟住将多余嘅散俾啲黄牛，利益自己同朋友分，大家自己心知肚明！咪话我睇死某啲人，球迷会入边有好多人都系咁做！有冇问过自己良心？！冇钱搵就出嚟屌球迷会？你当大家真系傻嘎？当然，我哋作为球迷会---今次卖票嘅组织者，肯定会从今次呢件事反省并且以后出台更加适宜嘅方案嚟保障各位会员嘅利益，但系都要麻烦各位会员自觉遵守规定！唔好借机抽水！就算你买咗票突然唔得闲睇想转手，最好都系自己球迷会内部消化，搵其他买唔到票嘅又真正想睇波嘅会员（交易嗰阵要佢出示会员证，睇清佢个样，确认系会员先卖俾佢）进行交易，唔好因为黄牛出高价就心动。球迷会需要正确嘅政策指引运作，但系会员同样系呢个球迷会最重要嘅组成部分，会员嘅行为都会或多或少咁影响成个球迷会嘅运作！所以希望各位买唔到票嘅会员，闹我哋嘅同时为我哋霖下，你哋要翻工，我哋都要翻工，俱乐部又冇补贴俾我哋，好多工作人员要请假或者尽量早走过嚟基地帮手卖，我哋唔使搵食？总言之，希望大家互相理解下，成个五区唔止我哋一个组织，票只有一部分喺我哋手，其他几个区嘅票都系得少量，我哋系主力助威，当然要集中精力卖助威区，其他区我哋都系见部分会员有咁嘅需求先会要求俱乐部俾少量我哋，你估俱乐部好想？佢都要搵钱，俾晒咁多平价票你佢点算？信任同进步都要建立喺双方理解嘅基础上，所以希望大家继续支持、鼓励联盟，而唔系逞一时之火气嚟做啲过激嘅行为，冲动是魔鬼！