想问下D买过牛牛嘅球迷，我有冇机会赢我朋友哩五百大元？

我就绝对恒大忠实fans，揸年卡，场场必到，亚冠门票几钱我都会买，而且都係通过官网买。

而我朋友就係果种凑热闹嘅人，拣场次嚟睇，而且次次都係买黄牛，佢之前联赛去过几次，买亲都可以八十至一百嘅价钱，仲要坐亲都主席台附近D位，当然佢係等开波十分钟先买。

今次我朋友话睇柏雷素尔哩场肯定又係如此，但我话哩场你冇可能再有哩个价买到牛牛，坐到靓位，佢死都唔信，话佢好有经验，叫我唔好用忠实fans眼光去同佢评论，之后我就同佢对赌五旧水了

想问下D有经验嘅买过牛牛嘅球迷，我有冇机会赢哩五百大蚊不过其实就算我朋友真係输畀我，但佢呃我话买到，我都无从考究，因为我係冇可能睇住佢买唔买到，等埋佢开咗波先入场，我係提早最少半个钟入去的。当然我完全不旨在哩五百蚊，寸D讲句，本人收入也不低只不过突然唸到哩个问题，不如喺度咨询下。

不过我见官网座位图，见到譬如1区同19区，哩两个区係不卖票的，会否哩两个区係属于赠票，而D员工摞D赠票出嚟卖，收得几多算几多，所以有时真係一旧水都得呢？

你输梗了，大把赠票卖

根据经验，广州队历史上第一次杀入亚冠四强，所以以前的经验不作为经验参考，不过按常识去分析，你朋友的赢面比你大好多，既然你收入唔少，甘未当你请朋友睇波咯，另外，我是否可以落注你朋友身上？

真係咁多赠票？咁使鬼官网抢票抢得咁辛苦吖？不如我都等开场后10分钟再买票，悭唔少啦。迟10分钟睇又有乜所谓。

你输紧啦，佢400买黄牛都赚你一旧啦！

单行本 发表于 2013-9-22 16:44
你输紧啦，佢400买黄牛都赚你一旧啦！

佢係话继续能够八十至一百哩D价位，买靓位，开波十分钟内买。

若买到，叫巨自恋一下，企天体场内对住自己同球场拍一张

你输梗了，大把赠票卖

一句讲晒，黄牛太贵出不了票，越到开场越着急的会是黄牛，会有跳楼价的，你这500刀没戏了

sunlwf 发表于 2013-9-22 22:08
佢係话继续能够八十至一百哩D价位，买靓位，开波十分钟内买。

问题系佢点样证明佢系使左100以内的价钱买到左票呢？