从翻屋企一战到球迷

风中起舞 · 发表于 2013-4-28 09:56:16

翻屋企的一战，两波完胜，郁咗成年的冤屈气终于顺翻晒。

琴日临时决定同埋同事落班后去稳个地方吃饭睇波，结果订5到位，就匆匆吃咗D野，去同事屋企边饮沙示边睇波。就成场波来睇，上半场我哋是有2次明显的失误，幸好虚惊一场，裁判同样都吹咗我哋2次的成功突破同埋一个入波。埃神就5使讲啦，一如既往哋发挥出超强的把握能力，尤其第二波，好耐无见到咁的踩单车过人射门啦。

呢场波5想讲太多，想讲讲球迷。94年的时候开始去现场睇波，后来因为工作原因一大段时间无再入球场。上年给好友七哥扯翻我去现场睇波，今年因为工作原因没买到年票入场甚至乎连电视直播有2场都没睇到。自己觉得都算是一个老球迷吧。一支球队对于一个球迷来讲，是信仰，无论高低起伏，始终伴随。呢个是一种伴随至今的信念，即使越秀山5再是广州队的主场，呢个记载广州足球历史的地方肯我哋的心入边依然是我哋的屋企，所以琴晚名为客站对于我哋来讲是翻屋企踢波。球迷文化可能对于近年来少咗入场睇波的我来讲比较虚无，需要不断学习，亦都曾经对助威提出过好多建议，呢度5详细描述，想讲的是球迷的沉淀同埋积累。好多人中意广州队或者讲广州恒大，因为好波，亚冠扬威，所以球迷捧场人数自然众多，俗话讲是睇热闹。相反蓝军，一个赛季越秀山除咗琴晚一战，难得满座，入场人数比起我哋仲肯中甲的时候都大大不如，我哋经历多年的中甲沉浮越秀山是经常过两万人爆满全场，呢个并5因为球队的成绩或者打假波而有所改变，呢种是球迷对一支球队的感情同埋积累。记得2000年9月23日东较场，如果5是曾庆高临完场的一脚，广州队已经跌落乙级彻底沉沦，对比翻以家的成绩，概叹唏嘘之余感叹中国足球从赞助到体制的不完善是困扰一支球队消失或者改变属地的主要原因。5论历史恩怨，蓝军搬来广州，想获得球迷的支持，除咗成绩会吸引球迷，做少D伤害球迷的心的野啦，例如上年为面子的售票，得罪好多广州的球迷，呢个亦上座率一直上5去的原因。今年的售票大为改观，客观来讲启用邮政售票值得一赞。无论边支球队，肯咩地方，都需要时间沉淀的，5是买几个籍贯球员就可以解决的，讲好容易，亦都好好听，做多D脚踏实地的野先真正可以吸引球迷入场睇波。希望贴吧，论坛少D挑拨，多D足球原素，还球迷一片净土。呢个先是球队之福，球迷之福。亦希望大家好好维护属于我哋的呢片净土。