列比：比面唔要面

六楼后座 · 发表于 2013-8-17 09:30:26

其实琴晚场波，列比想和波，原因除左希望自己部分主力能够休息一下之外，长春果边又同意将比赛提前一日，甘就做个顺水人情，大家拿一分（如果比你三分，媒体仲唔吵到翻天咩，到时又话系默契球，有排烦了）。同埋惊有莱赫维亚的奸细，所以好多位置都调乱，并且收住踢，混淆下视听。

一开始，比对方入一球，大家相安无事。列比都无乜好担心：要追和，容易啦。但一次广州球员的抢断，踢到了对方的伊萨克。位置就在列比眼皮底下，所以佢好有礼貌甘伸手，一黎可以缓和下气氛，二黎可以唔洗对方拖延时间。但结果对方竟然毫无理会，继续典地。

我大名鼎鼎的列比伸手你都不予理会？好，记住！

有一次，前场比人打反击，成队波上晒去，回防唔切，队员被迫整跌对方。于是又好有礼物甘伸手……握握手，好朋友！点知对方仲系唔领情，依然不理会。

中场休息的时候，队员向列比表达左不满。话对方无礼貌！

来广州一年几，虽然广州话唔多识听。但事不过三呢D 成语就已经明白得七七八八了。

呵闹耶~！所以下半场大旗一挥，全军进攻。于是甘就入左两个波。但列比依然希望和局收场，所以有D 替补队员都一直唔换，比个机会你反击入多球。甚至中途干卡比人扫脚，直接叫干卡：你休息下啦，我无换人名额啦，唔好受伤啊。所以最后十分钟，干卡已经处于游荡状态。小金，你就让下人啦。

无奈对方板数已尽，球员体力消耗得七七八八，射门都打偏网。

全场比赛结束。无办法，鬼叫你比面唔要面，赢左你，我都唔好意思噶~