助威与助毁——致现场广州球迷朋友

好耐无到天河现场睇波，只係从电视上，网络上关注现场实况，现场各大小球迷会及散装球迷，你地最有发言权。
助威点解叫做助威？助威同助毁差别係边度？天河係广州队既圣地，亦係广州队球迷既圣地，一切既成功全赖于各位多年来一直不懈既努力，全亚洲都知道呢度既利害，甚至于有个讲法：呢度係亚洲第一主场。白云山并唔高，只有三百几米，天河既声誉高，高到连所有对手都服晒[北京工体除外]！由此可见大家既奋斗得到左普遍既认同。
成耀东话可能广州球迷习惯于最低消费，达唔到就发泄下[掟嘢]。客气啦！
广州拒绝激光笔，一经发现，全场共诛之！而掟嘢呢？场场几万人，个个心中都有数，掟嘢既，来来去去都係果几个。佢地入场睇波并唔係首要既事，掟嘢反而觉得係有预谋在先，如果唔係，点解手中有可掟之物？因此，我个人认为呢几位朋友属于助毁行为，不可取。假如某日因为掟嘢被判清场作赛，大家点霖？对球队何益？对年卡何益？纵然裁判乌天黑地，对手球员、工作人员嚣张挑衅，掟嘢可改变啲咩嘢？发泄係个人既事，天河利益係大家既事，唔知列位坛友点睇？欢迎留低脚印。
助威既正负能量，大家不妨心平气静讨论下，向左向右，无人可以左右。

唔知点解嗰啲人可以带到塑胶水樽入场咯

希望球迷朋友真系要头脑清醒D！
发泄情绪可以，但系唔好伤害到至爱既球队！

近来扔东西的，主要是位于 2、3区的。恐怕他们都看不到本文。

总统 发表于 2014-9-22 14:05
近来扔东西的，主要是位于 2、3区的。恐怕他们都看不到本文。

呼吁全场抵制呢种行为，因为不属于“内讧”，所以无须担心人地指责。就近既南粤会，对面既大联盟、网盟等组织对呢种行为应当有所反应，你地既奋力助威无理由比呢几只老鼠屎抹黑，功亏一篑。