廣州球迷聯盟

标题: [助威歌样本]《天体已满座》DEMO [打印本页]

作者: 深秋的子文 时间: 2013-5-25 13:13
标题: [助威歌样本]《天体已满座》DEMO
本帖最后由深秋的子文于 2013-5-25 13:25 编辑

http://ok.wo99.com/play.swf?songid=13598810

天体已满座（OT：重口味）
词：深秋的子文
唱：深秋的子文

凌厉身影通道走过
奋斗的路替你骄傲
决意今天要发光（快拍掌）
要你的命要距的命
杀四方（破八方）

强大信念一直高涨
气势依旧战意依旧
要胜出不靠冥想（有重奖）
哪怕风浪战意激荡
破八方（杀四方）
哪怕是场硬仗
也会尽全力上
不必畏惧创伤
永未退让

看我挽手打气放声高唱鼓声交错
看你漾开三个过左七个数翻五波
发力有如猛虎远射
场上你罗波转身建功同伴拍掌庆贺
看我挽手打气放声高唱鼓声交错
唯愿能中超称霸冠军宝座
车身粒过吊射妙传
来大叫好波好波好波
跳又唱欢呼再庆贺

无敌金靴速度奔放
距似闪电距够想像
吓到乜安要压惊（太过惊）
每次出术惯了出术
去踢伤（够晒伤）

哪怕是场硬仗
也会尽全力上
不必畏惧创伤
永未退让

看我挽手打气放声高唱鼓声交错
看你漾开三个过左七个数翻五波
发力有如猛虎远射
场上你罗波转身建功同伴拍掌庆贺
看我挽手打气放声高唱鼓声交错
唯愿能中超称霸冠军宝座
车身粒过吊射妙传
来大叫好波好波好波
跳又唱欢呼再庆贺

亚冠是场硬仗
你怕换恒大上
广州血液里边
永未退让

看我挽手打气放声高唱鼓声交错
看你漾开三个过左七个数翻五波
发力有如猛虎远射
场上你罗波转身建功同伴拍掌庆贺
看我挽手打气放声高唱鼓声交错
唯愿能中超称霸冠军宝座
车身粒过吊射妙传
来大叫好波好波好波好波好波好波
博命嗌天体已满座

作者: 深秋的子文 时间: 2013-5-25 13:17
本人琴日所写，由于喉咙嘶哑，不能立即唱。于是唱左呢个DEMO，大家都应该听到我前面吾够力度，因为把声拆晒。等过几日我状态好翻再唱一次正式版。另外有个别词我都作左修改，例如后面一句拟改为“博命嗌天体已满座
”。

作者: 深秋的子文 时间: 2013-5-25 13:25
本帖最后由深秋的子文于 2013-5-25 13:29 编辑

另外，仲想请教各位制作视频既高手，由于我既制作视频能力有限，所以想请各位高手帮手为呢两首歌出个MV，多谢大家。 QQ：199007590 或者 lonelykingfifa@qq.com , 我新浪微薄： @深秋的子文，音乐主页： http://www.5sing.com/691206/。

作者: 阿泽 时间: 2013-5-25 15:47
听晒楼主发嘅3首歌.觉得哩首最啱听...

But...恕我直言.个人觉得楼主似系度show紧自己嘅填词多D.而唔系真系为咗创作助威歌...
希望我咁讲唔会打击到你.而系刺激你可以纯粹从助威实用性出发.去创作更多适用于助威的作品...

作者: 深秋的子文 时间: 2013-5-25 16:38

阿泽发表于 2013-5-25 15:47
听晒楼主发嘅3首歌.觉得哩首最啱听...

But...恕我直言.个人觉得楼主似系度show紧自己嘅填词多D.而唔系真 ...

好明显，我确实系度SHOW自己既作品，我觉得无咩吾妥。作为广州队既忠实拥护者，我创作呢D歌吾系单纯从助威角度出发，之所以我称为“助威歌”，只不过我觉得呢D都系另一种角度既助威。我好坦诚地，无去过现场睇过几多次波，但系我作为广州人，无时无刻都系度关注广州足球。我写既每字每句都系发字内心，我希望去表达左一种情感，一种对广州足球既归属感，又或者系每个球迷既对广州足球既感情。呢D歌吾一定可以成为助威歌，但系我觉得作为广州球迷可以传唱落去，用歌声去感染更多人，令更多人关注广州足球。

作者: z87933658 时间: 2013-5-25 17:49

阿泽发表于 2013-5-25 15:47
听晒楼主发嘅3首歌.觉得哩首最啱听...

But...恕我直言.个人觉得楼主似系度show紧自己嘅填词多D.而唔系真 ...

同感..

作者: 迷失的自我426 时间: 2013-5-25 20:05
我觉得歌词唔错啊，但系就系太快了，唔适合大家一齐唱，坚且歌词太多了，唔够简单

作者: liuxuan 时间: 2013-5-25 20:27
非常不错的一首歌，旋律轻快，歌词很好，唱过扎实。。。。。。但不适合用作助威歌，助威歌最紧要简单的歌词够了，这首歌适合作为个人演唱，不适合合唱。

总体唔错。

作者: ZHANGHAOXIAN 时间: 2013-5-25 21:20
非常好听.

歌词制作得好好. 加油~ 齐为广州队加油

作者: 深秋的子文 时间: 2013-5-25 22:47

liuxuan 发表于 2013-5-25 20:27
非常不错的一首歌，旋律轻快，歌词很好，唱过扎实。。。。。。但不适合用作助威歌，助威歌最紧要简单的歌词 ...

确实出发点真系吾系用离助威~

作者: 傑_Kevin 时间: 2013-5-26 09:30

我第一时间系啉起足球小将哇·····

都几好听啊····

作者: 阿泽 时间: 2013-5-26 19:21

深秋的子文发表于 2013-5-25 16:38
好明显，我确实系度SHOW自己既作品，我觉得无咩吾妥。作为广州队既忠实拥护者，我创作呢D歌吾系单纯从助威 ...

er...总体上又冇咩大唔妥嘅.
不过用 [助威歌样本]就有小小标题党咯.
毕竟连你自己都承认首歌唔系以用嚟助威为出发点...

所以.我话你show紧自己嘅填词多D.
哩个show一方面系指展示作品.
另一方面就好似show紧你自己填词如何叻咁.

我谂.既然你觉得自己填词OK.
咁何不发挥你嘅特长.
尝试从球迷助威角度出发去选择一D真正适合用于助威嘅歌嚟再填词.
例如Beyond<不再犹豫>等等广为传唱深入民心又较激昂且节奏合适嘅歌曲...

作者: 深秋的子文 时间: 2013-5-27 00:08

阿泽发表于 2013-5-26 19:21
er...总体上又冇咩大唔妥嘅.
不过用 [助威歌样本]就有小小标题党咯.
毕竟连你自己都承认首歌唔系以用嚟 ...

我反问一句，为何我写既呢两只歌唔可以叫助威歌？唔通真系要系去到现场唱既先至叫助威？难道我地无入场睇波既球迷，系场外默默支持广州队既球迷，对球队就毫无价值？唔算一种助威？我觉得真正既助威只要发自内心，并唔一定要系现场大声叫出离。我地用自己既一颗心去支持住广州足球，我认为，甘样毫无疑问系一种助威，只系形式不同而已。
当然，我以后可能会继续写其他类型，比如系适合现场合唱既助威歌，但系又如何？难道就要否定关于广州足球其他风格既音乐？好似呢种歌，我觉得可以表达到一个球迷对广州队既心，我觉得意义重大。我觉得呢种表达广州足球感情既音乐应该系多种风格既，唔应该只系局限系一种。
另外，我当然系度SHOW自己既作品，每一个人发表左作品都系系度SHOW噶啦？我唔认为有咩问题，甘系理所当然既。唔系如何展示作品？至于我填词叻定唔叻，好定唔好，大家心中自有公论。或者每个人对每件事既睇法唔一样，正如好似大家对我写既呢两首歌既睇法一样，或赞或弹，我唔觉得有乜野，因为我只系系度做自己想做既野，写我想写既，表达我想表达既……
如果再比我发多一次帖，我依然会用助威歌呢三个字。因为我心中正默默地为我深爱既广州队助威，而呢两首歌正系送比广州队同广州球迷既歌；亦因为距地表达左我心中既林法，表达左我对广州足球既感情。

作者: 阿泽 时间: 2013-5-27 00:51

深秋的子文发表于 2013-5-27 00:08
我反问一句，为何我写既呢两只歌唔可以叫助威歌？唔通真系要系去到现场唱既先至叫助威？难道我地无入场睇 ...

我反问一句，为何我写既呢两只歌唔可以叫助威歌？唔通真系要系去到现场唱既先至叫助威？
咁你对助威歌嘅定义系咩?只要系为咗广州队写嘅歌.全部都算系助威歌?

难道我地无入场睇波既球迷，系场外默默支持广州队既球迷，对球队就毫无价值？
我完全无表达过任何相关类似的意思.唔知你为何突然嚟一句咁嘅反问?

我觉得真正既助威只要发自内心，并唔一定要系现场大声叫出离。我地用自己既一颗心去支持住广州足球，我认为，甘样毫无疑问系一种助威，只系形式不同而已。
我谂你对"助威"同"支持"嘅理解有小小误区.
助威.助长已队士气.提高已队威势.
打个比喻.天体坐满观众睇波.但全场静蝇蝇.无一人出声.咁样都算系为球队助威?广州队球员就会士气高昂奋勇战斗?
你理解完"助威"同"支持"哩两个词分别之后.我觉得你哩句话应该改为以下咁样合适啲:
我觉得真正既喜爱只要发自内心，并唔一定要系现场大声助威叫出离。我地用自己既一颗心去喜爱广州足球，我认为，甘样毫无疑问系一种支持，只系形式不同而已。

难道就要否定关于广州足球其他风格既音乐？
我几时有否定过其他风格既音乐?我只系建议楼主你可以创作多啲适合助威嘅音乐啫...

另外，我当然系度SHOW自己既作品，每一个人发表左作品都系系度SHOW噶啦？我唔认为有咩问题，甘系理所当然既。唔系如何展示作品？至于我填词叻定唔叻，好定唔好，大家心中自有公论。或者每个人对每件事既睇法唔一样，正如好似大家对我写既呢两首歌既睇法一样，或赞或弹，我唔觉得有乜野，因为我只系系度做自己想做既野，写我想写既，表达我想表达既……
同上.我冇话有咩问题喔.我仲讲咗哩首系三首中比较啱听添...只不过楼主你既然话首歌系助威歌.咁我觉得首歌唔适合用于助威.于是俾小小意见.建议楼主可以创作一啲更适合现场合唱嘅助威歌啫.你show得作品出嚟都希望得到反馈信息嘎...

如果再比我发多一次帖，我依然会用助威歌呢三个字。因为我心中正默默地为我深爱既广州队助威，而呢两首歌正系送比广州队同广州球迷既歌；亦因为距地表达左我心中既林法，表达左我对广州足球既感情。
er...哩段总结略显浮夸...
anyway.咁正如我有表达我睇法嘅自由一样.你当然都有你用词嘅自由啦.
我都系果句啦.希望楼主真系可以多啲从"助威"角度出发去创作多啲歌曲...
论坛宜家发贴嘅人越嚟越少.好似你哩啲原创而有内容嘅就更加少.希望你能坚持.唔会因为我嘅小小意见打退堂鼓啦...

作者: IM.xiong 时间: 2013-5-27 21:39
楼主。首先比掌声你先。。同样肯定佐你。。我一开始听仲以为系边个歌手唱。。你唱得几好。。歌语也好。。讲真如果呢首歌系天体放，，可能气氛几好，，但系吾系助威哥。。。用黎推广广州足球，本人觉得几好

作者: IM.xiong 时间: 2013-5-27 21:39
本人好期待你

作者: benny1021 时间: 2013-5-28 13:56
赞！只不过唔适合作为天体助威歌，真系太快，太多词要记咯

作者: cango 时间: 2013-5-28 14:05
本帖最后由 cango 于 2013-5-28 14:08 编辑

真系唔算助威歌。。。lz 充其量叫做球迷歌。。。。
而且一开头就好快。。。吸引度五足够，例如广州队，先系有掌声（呢个就真系一个题外要求），之后从慢节奏开始。

但lz呢首歌，一开始就快，比较似DISCO。。。。

作者: 思想走了光S 时间: 2013-6-26 18:05
正啊

作者: Russell 时间: 2013-8-15 00:23
正~~！撑~~！

欢迎光临廣州球迷聯盟 (http://www.gzfa.cn/club/)