廣州球迷聯盟

标题: 为何我支持王老吉抵制加多宝（粤）- 深秋的子文 [打印本页]

作者: 深秋的子文 时间: 2013-7-9 09:27
标题: 为何我支持王老吉抵制加多宝（粤）- 深秋的子文

为何我支持王老吉抵制加多宝（粤）
——观《凉茶始祖（OT：日出东方）》评论后有感

      睇到甘多评论，虽然，评论都系每个人既主观角度，但系我觉得我有必要再讲两句。
      首先，关于歌词，我做过详细既资料搜集，我所写每字每句均有根有据各有出处，写呢首歌，系为左歌颂前人所留低既历史文化遗产。
      再者，关于王老吉同加多宝既问题。其实对于凉茶本身而言，口味喜好各有不同，主观问题，呢度暂不讨论。而对于生产企业本身，我发觉有好多朋友有好多排斥国企既观点，呢度我不明所以。我都系国企员工，系我既心目中，国企既体制无疑系落后既，制度问题导致一D非垄断性既国企市场竞争力低下，往往一D原本显赫既老国企就因此没落。对国企内部员工同埋同国企打交道既企业而言，当然唔系一件好事。然而，对消费者而言，国企绝对系负责任既，因为只要出左事，单位领导就无可能走得甩。我心目中，大部分国企单位领导，都系想平安无事直到退休而已，当然，在职期间如何如何，就不得而知喇。但系正正因为甘样，所以无人会冒呢D风险去生产的劣质产品，所以系呢点上面我绝对相信国企，亦绝对相信广药。起码王老吉既原料药材如甘草等，都绝对系一等品。
      反观加多宝，加多宝无疑系一个擅长市场营销的公司，距确实将王老吉呢个品牌做到全国知名，销量激增。呢一点确实厉害，而广药亦应甘拜下风。然而，首先商标始终系广药既，呢一点毫无疑问，依法合法，我认为唔应该以仇视既角度去睇当年“公私合营”政策，因为呢个系一个历史阶段，如果无左“公私合营”王老吉呢个品牌是否可以生存至今仍未可知。有人话，无当年既加多宝，就无今日既广药王老吉，甘样既话，无当年既王老吉授权，又何来今日既加多宝？如果吾系获得呢个“凉茶始祖”老字号品牌，单凭当年“清凉茶”既品牌，加多宝公司会有今日声势？应该感恩既系广药定系加多宝？难道错既就一定系广药？其实当中对错，根本无法讲清。再则，加多宝既经营手段却未必光彩。第一，加多宝虽然基地系香港，其实质却系英资企业，并非我国注册公司，一是国货，后者是洋货，所谓声称国企欺压民企云云，只系一派胡言。第二，加多宝公司经营者陈鸿道因触犯法律长期潜逃在外，被广州检察院通缉多年，系一个不折不扣既通缉犯；而自称王老吉“传人”的王健仪亦曾在香港因7次犯诈骗罪而获刑。甘样既人说野既可信度，可想而知。第三，加多宝呢个曾获“中国最受尊敬企业”奖既企业，曾涉及多次行贿。当然，受贿都有广药领导份，但系，行贿受贿岂不同罪？国企仲可以撤换，国企仲有底线，而加多宝呢种法人潜逃海外既企业，却毫无底线可言。于是乎，呢个一而再再而三愚弄民众既加多宝，利用种种手段，不断博取民众既同情心。暗地里，又用好多不法、暴力手段及各种阴谋诡计打击广药王老吉。包括暴力伤害王老吉销售人员，包括高卖低卖以此打击王老吉既民众信任度，又包括前排既“口味维权”案，如此违反大众思维既事件，明显系诡计之一。唔通你真系认为有人会因为买左罐饮料发觉同之前既味有D唔同就去告状打官司？你地口中无良又无耻既国企，面面种种手段，却只能一次又一次甘去打官司。加多宝既企业文化入边，写满左作假，写满左内通，写满左违背人类道德的种种。一个逃犯跑左，距既公司仲继续运营，赚既钱每日源源不断地进入距荷包；一个公司被判违法，却利用法律程序既滞后性，每日继续违法勾当，难道你愿意做呢种公司既消费者？
   我认为，作为中国人，应该支持继承中国凉茶文化既王老吉、白云山、和其正、黄振龙、邓老、沙溪等国产凉茶，而唔系稳中国人钱既外资企业加多宝。外资加多宝争利手段无底线，国企王老吉起码饮品质量有保障。
      于是乎，两者之间，我果断选择左王老吉。

篇外话：
      我系广州人，对中山既情况，我个人吾系太了解。然而系我身边，广州足球队由最早广州白云一直传承至今，当中经历数次冠名，又有数个企业接手，直到依家既广州恒大。当年日之泉同香雪，亦曾经接手过广州队，依家又去赞助其他球队。当有机会两军对垒之时，我相信大部分广州人都会支持广州恒大，依家恒大威振海外，可谓打响左广州既品牌，但系就算以后恒大撤资，去外省成为敌人，我相信我地都只会支持翻广州队，而对恒大不屑一顾。因为系我地心目中，只有一支真正既广州队。广州人当然依然系广州队。王老吉亦一样，中国人心目中，应该只有一个王老吉。

深秋的子文
2013年7月8日

作者: 总统 时间: 2013-7-9 10:16
讲得对！！！

作者: wangruimin 时间: 2013-7-9 16:26
我还是支持加多宝！国企点解能打赢官司？因为有中国特色的国企保护！

作者: 深寓 时间: 2013-7-9 17:04
我睇唔过广药在加多宝烧钱打响名堂再抢返来做,有无统计过加多宝用紧红罐时，广药出左几多绿包装王老吉啊？我仲记得个句广告语：“王老吉还有绿色装！”

作者: 阿泽 时间: 2013-7-9 21:22
"睇到甘多评论"

词人.回复数唔过5都可以叫"甘多评论"?

作者: sgq2640 时间: 2013-9-23 22:35
我不管他正不正宗，反正加多宝现在很好买，也很好喝。

作者: ljbljb0308 时间: 2013-11-6 16:58
两种都饮。。。

欢迎光临廣州球迷聯盟 (http://www.gzfa.cn/club/)