廣州球迷聯盟

标题: 关于助威既个人霖发~ [打印本页]

作者: conca妹_刘嘉玲 时间: 2013-7-12 13:23
标题: 关于助威既个人霖发~
以前好无知好眼浅，以为天体上座率高场场爆满就觉得自己主场系亚洲第一主场，宜家霖翻起，真系好面红好搞笑。最近几个主场都有去，几乎每场都见到皮爷好出力甘打鼓，个指挥好大声甘嗌，想叫滴翘手党、坐低党企起身助威，但就算甘样做，依然系有人一直坐住系度睇波！我唔知果滴人其实系点霖，如果真系想舒舒服服甘坐住，唔唱唔跳唔流汗甘睇波，你大可以系淘宝买张其他区既年卡（听人讲只要800蚊）坐住睇波无人会要求你企起身助威，亦唔会比人叼！
以前主场有比赛如果去迟左，就会坐到中上层去睇波（因为当时前排好似系要留俾忠义小T）然后比赛果时隔离左右有时都系得廖廖数人企起身，当时我霖：系咪我自己做错左唔应该企起身？定系系中上层唔洗企起身助威？我企住助威人地会唔会以为我好傻？！当时既我真系好不解。
琴晚见到皮爷发微博果滴相，其中一大片人坐住系度，我仲以为系中场休息果段时间！但原来唔系。
其实我都霖唔明滴人点解唔愿意企起身唔愿意举高手，当初入会既时候唔系已经预左要去做哩样野了咩？甘点解宜家又唔愿意去做咧？系米因为太攰太辛苦哩个原因？！我记得联盟个指挥唔知系系现场指挥果时讲过定系发博讲过：我知你地攰，但哩个远未到你既极限！我好记得哩句说话。攰，个个都会，但鼓手可以坚持，指挥可以坚持，旗手可以坚持，点解我地企系度举高手既唔可以？！
发哩张帖出黎可能有人会问：你自己又做得几好啊？讲真我真系唔敢讲自己做得好，因为毕竟系新丁，但宜家既我可以做到最基本既野：企起身、助威！
不过其实有样野我一直都做唔好，亦一直想同大联盟讲声对唔住，因为屋企比较远又得自己一个人既原因，所以好多时都要提早离场，真系唔系有心想做快闪党，确实系因为个人原因所以要早走，系哩度讲声对唔住！唔可以留到最后，希望可以被理解！
我知自己唔系咩大人物唔系滴咩领导，讲哩滴野可能有滴自以为是，但系以上既野确实系一直以来都好想讲既，哩篇野亦都打左好耐，希望睇到既人，可以霖霖，我地自己系米可以做得再好滴！

作者: 阿泽 时间: 2013-7-12 16:08
刘嘉玲好嘢...梁朝伟见到哩篇嘢都要俾个手指公你...点赞...

作者: ChuYinYan 时间: 2013-7-12 16:24
如果联盟多D你呢种坚持的人，我相信一定会更好！！

作者: conca妹_刘嘉玲 时间: 2013-7-12 16:28

ChuYinYan 发表于 2013-7-12 16:24
如果联盟多D你呢种坚持的人，我相信一定会更好！！

作者: zq2329575a 时间: 2013-7-12 17:35
系中国，真正称得上全场助威既，只有工体

作者: 西关马骝仔 时间: 2013-7-12 21:51
标题: RE: 关于助威既个人霖发~

zq2329575a 发表于 2013-7-12 17:35
系中国，真正称得上全场助威既，只有工体

唔好太迷信工體，平常比賽，工體能保持助威只有御林軍，綠色狂飚一般

作者: zq2329575a 时间: 2013-7-13 11:08
标题: RE: 关于助威既个人霖发~

西关马骝仔发表于 2013-7-12 21:51
唔好太迷信工體，平常比賽，工體能保持助威只有御林軍，綠色狂飚一般

五系迷恋，只系将睇到既野讲出来。今年远征工体之前，我都认为天体系中超应该最好，工体只有骂声。但翻黎之后先睇清事实，人地基本上每个区域都有小团体带动助威，御林军同绿色狂飙系正中央气势好劲，散客基本上系全场站立睇波。讲到骂声系有，但都系只限于场上，五似东北主场甘野蛮。赛后都有同国安球迷打招呼，北京本地人确实有人情味！

作者: 西关马骝仔 时间: 2013-7-15 16:04
标题: RE: 关于助威既个人霖发~

zq2329575a 发表于 2013-7-13 11:08
五系迷恋，只系将睇到既野讲出来。今年远征工体之前，我都认为天体系中超应该最好，工体只有骂声。但翻黎 ...

我指嘅係，工體嘅火爆都只係睇對手，對廣州隊嘅工體係全國最爆嘅之一，無可否認，平時都係一般

作者: zq2329575a 时间: 2013-7-16 09:04
标题: RE: 关于助威既个人霖发~

西关马骝仔发表于 2013-7-15 16:04
我指嘅係，工體嘅火爆都只係睇對手，對廣州隊嘅工體係全國最爆嘅之一，無可否認，平時都係一般

但助威方面真系值得学习囖。比赛中，除左骂声，工体一直都会有歌声，试问我地除左得闲哼几句上山睇波，仲有无歌仔唱？

作者: 西关马骝仔 时间: 2013-7-16 16:41
标题: RE: 关于助威既个人霖发~

zq2329575a 发表于 2013-7-16 09:04
但助威方面真系值得学习囖。比赛中，除左骂声，工体一直都会有歌声，试问我地除左得闲哼几句上山睇波，仲 ...

唱歌又係另一問題了，依家廣州球迷嚴重缺乏合唱嘅感覺

作者: zq2329575a 时间: 2013-7-18 03:08

西关马骝仔发表于 2013-7-16 16:41
唱歌又係另一問題了，依家廣州球迷嚴重缺乏合唱嘅感覺

大佬，你都要比首歌仔黎唱唱啦，成日系度啦啦啦啦，你5闷我都闷啦

作者: 西关马骝仔 时间: 2013-7-18 07:35
标题: RE: 关于助威既个人霖发~

zq2329575a 发表于 2013-7-18 03:08
大佬，你都要比首歌仔黎唱唱啦，成日系度啦啦啦啦，你5闷我都闷啦

揀歌唱嘅心態已經唔正常了，如果係曼聯、熱刺主場，可能得兩只歌唱，你米仲無癮？廣州無咗80尾90初嗰種音樂氛圍，唔似北京藝術環境，創作方面的確有欠缺，不過最緊要嘅係有人意識到會去諗，做同改變至有希望

作者: zq2329575a 时间: 2013-8-4 05:22

西关马骝仔发表于 2013-7-18 07:35
揀歌唱嘅心態已經唔正常了，如果係曼聯、熱刺主場，可能得兩只歌唱，你米仲無癮？廣州無咗80尾90初嗰種音 ...

有几多歌唱其实问题5大，其实都5算系拣歌黎唱，一开始我就希望联盟可以加多D助威词落去，而5系得D口号，又稳翻31号晚场波黎讲，你觉得我地有边次口号系齐既兼且有气势既，除左广州队，我觉得就系国安是傻逼呢句话，可以听到回响好大，全场好多人都跟住叫，终于有少少工体既环绕声道既感觉，但系反观唱山歌，到后面都得翻几条友唱，完全无气势系度。要激起散票党既参与，发掘D类似xx是傻逼既正能量有气势既口号，真系要稳人捻捻。另一个问题，工体开场前几句口号“这里是哪儿？北京。我们的球队是？国安”之所以得到全场球迷既回应，除左有气势外，我觉得距地对城市，对球队既归属感要比我地强，你觉得呢？

作者: 西关马骝仔 时间: 2013-8-4 17:03
标题: RE: 关于助威既个人霖发~

zq2329575a 发表于 2013-8-4 05:22
有几多歌唱其实问题5大，其实都5算系拣歌黎唱，一开始我就希望联盟可以加多D助威词落去，而5系得D口号，又 ...

對嗌呢個係唔啱廣州人噶，廣州人含蓄內斂，北京腔調又有個特殊優勢，所以工體得廣州唔得。依家問題係助威者唔識發音，唔識丹田用氣發聲，保持持久嘅戰鬥力，呢個要教育。你有無上越秀山打比？有的話你應該有留意有群人拖音唱，其實係想話俾人知點樣去唱同助威。歌其實一直在創作，都想有歌可以多翻D歌詞，只係依家嘅助威形勢并唔利於推新歌。而根據經驗，舊嘅助威歌換新詞係難實現噶，大家都有先入為主嘅唱法。

作者: zq2329575a 时间: 2013-8-4 19:24

西关马骝仔发表于 2013-8-4 17:03
對嗌呢個係唔啱廣州人噶，廣州人含蓄內斂，北京腔調又有個特殊優勢，所以工體得廣州唔得。依家問題係助威 ...

都好似几有道理甘，不过甘样讲好似觉得有D悲哀，觉得我地已经发展到一个瓶颈，好难再有大既提高，唯有希望下季有更多新野出黎啦。今晚有时间可以睇睇国安主场，留意下D助威，真系好多歌声。。。

作者: 西关马骝仔 时间: 2013-8-4 20:22
标题: RE: 关于助威既个人霖发~

zq2329575a 发表于 2013-8-4 19:24
都好似几有道理甘，不过甘样讲好似觉得有D悲哀，觉得我地已经发展到一个瓶颈，好难再有大既提高，唯有希望 ...

20年前日本球迷團體開始形成，到2002後一段時間到達高峰，最近兩三年都退步咗，當然，再退步都比中國任何一個球迷組織好。廣州球迷團體7年，呢個時候係沉淀期，好多嘢要經得起考驗，要進步，但唔急得。

作者: 徐小包 时间: 2013-8-29 13:18
讲得好，讲出好多人心声。我唔系会员，自己买左张7区套票。每次一眼望过去8区9区，只睇到前几排既人系度助威，中后排既人都系度坐住，当时就觉得好失望。如果我系会员坐系联盟区，一定会落力助威既。虽然我系由佛山过去睇波，但基本上我都会睇完先走。

作者: conca妹_刘嘉玲 时间: 2013-8-30 10:13

徐小包发表于 2013-8-29 13:18
讲得好，讲出好多人心声。我唔系会员，自己买左张7区套票。每次一眼望过去8区9区，只睇到前几排既人系度助威 ...

其实讲再多都无用噶，只有用行动去影响身边既人，用行动去证明自己，先系最好既做法！

欢迎光临廣州球迷聯盟 (http://www.gzfa.cn/club/)