廣州球迷聯盟

标题: 不解！ [打印本页]

作者: 116wei 时间: 2014-4-23 09:25
标题: 不解！
一不解为何大家要在季初的时候浪费差唔多成千蚊来买年票以及排几个钟队的时间来入会？而且就睇波的角度同视觉以及舒适度来讲，起码系屋企睇或者出去食饭睇，可以唔使日晒雨淋，挨贵价水，而且仲要系路程上逼公共交通工具，即使你开私家车都要烦塞车以及停车难同停车费贵的问题！而且系屋企睇可以有慢镜同高清的转播以及旁述。而且如果你系4、5个朋友一齐的话，哽就可以集资4、5千蚊，够出去食饭睇波足一年啦~~~
二不解琴日系工作日，我本人都要偷鸡早走一个钟赶去球场，但当我大概5点45分入左八区之后，发觉八区的上座率已达6、7成，难道大家都唔使上班上课吗？我相信大家应该都系一样，多数都系请假或者偷鸡过去的，但我不解为什么大家都愿意去冒比老世闹或者扣工资、奖金的情况下，提早赶去球场呢？
综合以上两点，我认为大家都系热爱呢支球队的，但为何到了琴日的生死战，大家一样可以无动于衷呢？
1.我指的并不是中上层，前排亦都有唔少哽样的人系度，任凭我地指挥点样去哎都好，拒都可以无反应的。
2.请大家唔好误会，呢张并唔系指责贴，系上边我都讲到，大家都系因为爱广州呢支球队先千辛万苦哽来到球场，所以我发贴的目的只系想了解清楚大家的真实想法，或者有无一D我地系做得不足的或者唔够的地方，又或者点样的睇波方式先系你地所追求的，希望大家都可以提下意见或者建议，毕竟8区同球迷会都系属于大家的！
最后我想讲的就系，每个人都话去球场睇波追求的就系气氛，如果连我地呢D制造气氛的人、呢D制造气氛的团体都无所作为，球场有何来气氛可言呢？一个可以坐立6~8万人的球场气氛，一个可以容纳2200人的8区，距地的气氛并不单单靠我地几个指挥或者工作人员就可以撑得起或者营造得起，而系要靠大家，靠我地呢2200名会员，以及其他球迷会和散客观众、大家所共同努力先可以制造出来的成果！

作者: 不夺亚冠不改名 时间: 2014-4-23 11:01
中国人保守，广东人更内敛，要求每个人都满腔热血的去喊，不现实，我说的都是实话，事实就是这样，每个国家每个地区文化不一样。

作者: yyant 时间: 2014-4-23 11:38
我有跳我有嗌我有坚持～因为我见到球队,联盟工作人员都好努力好辛苦～我都要搏命嗌搏命支持～再攰再辛苦都要！加油！

作者: 人猎乐快 时间: 2014-4-23 11:59
享受你地现场伟大既声场、视角制造，见证球队全视角作战过程，相信这群人不在少数。

作者: 天衣無縫 时间: 2014-4-23 12:31
球迷有熱烈打氣亦有集中睇波，表達方式不同，支持球隊都是一樣，否則平日何來球迷這麼多？

一再強調，打氣由自己做過，氣氛由自己帶動，入場由自己安排，這些都需要時間，有信心有恒心自然有時間。

作者: 广州俊仔 时间: 2014-4-23 12:45
个人认为1.系为左平飞亚冠飞 2，系睇场次入场霸位

作者: 肥龙 时间: 2014-4-23 14:46
其实你讲噶完全就喺事实

有好大部分人，纯属喺为咗平价年票先入会。
比相同区域噶年票要平，又有件波衫同围巾发，亚冠淘汰赛又可以买最平噶票，呢D仲唔够诱惑？
而且D人又唔情愿斋静坐睇波，又希望有high high哋噶气氛，所以咪入球迷会咯，平时就翘手，入波噶时候又可以一起high，几好啊，加埋啱先讲噶年票又平，仲好。理得你规定喺点，我睇我噶波就得了。

而且我哋今年收新会员喺最迟收档噶（咁多球迷会之中），当时官方年票已经卖晒，想买年票噶唯一机会就喺加入大联盟，所以最后一批收会员噶时候，更加多呢一类噶人。

作者: 欲动的心 时间: 2014-4-23 15:26
确实很多是去霸位的，有些霸的位到散场都没人来。昨天我在前10排都有空位，中场休息跟别的区朋友交换意见时说到我附近有好几个空位，别人都不信，联盟区还有空位？他们区前排都爆满。
活跃人员在前排我们没意见，我们晚来也想活跃时，前排没位置，在最后面一个人活跃也没劲。

作者: 杀手的天空 时间: 2014-4-23 15:46
你打这么多字都没讲到重点，与其在这埋怨那些不助威的（其实也没什么用）不如换位思考从联盟自身找原因，我个人觉得联盟有太多问题了也不知从何说起，虽然有时不是很喜欢现在的助威方式，（个人比较激进）但我不会停止助威，我会用自己的方式去做，

作者: kanou 时间: 2014-4-23 17:42
林子大了什么鸟都有

可以提高入会续会要求，甚至搬去4区

作者: jayjj 时间: 2014-4-23 20:39
做好自己，左右隔离都会受到影响，当越系冷清就应该越系去做好自己，做好自己其实系可以改变自己的性格！！会变得开朗，外向！！

作者: ruopeng 时间: 2014-4-23 20:59
琴晚我系前两排，隔离就有条翘手鸡栋系度，面口颇为陌生，估计平时都系山顶翘，今场亚冠先落来，真想叼佢。

作者: CY1978 时间: 2014-4-24 00:38
做好自己，继续坚守8区右下角，就算唔可以最大程度感染某些坚持翘手之人，起码做到唔会俾佢地同化，如果身体抱恙唔可以继续前排战斗会自觉上山顶把最佳战斗位置留俾肯全力助威啲兄弟！

作者: keystam 时间: 2014-4-24 02:44
我都认为搬区是应该要做既事情

作者: MyLoveWinne 时间: 2014-4-24 08:41
搬去南看台就乜都解決曬啦

作者: shanliangsolo 时间: 2014-4-24 08:46

kanou 发表于 2014-4-23 17:42
林子大了什么鸟都有

可以提高入会续会要求，甚至搬去4区

严重赞成！

作者: 热摩卡 时间: 2014-4-24 18:07

kanou 发表于 2014-4-23 10:42
林子大了什么鸟都有

可以提高入会续会要求，甚至搬去4区

个人非常赞成搬去4区..走吧！留恋在八区只会自欺欺人，误人误己！

作者: chunhung713 时间: 2014-4-25 15:09
因入唔到聯盟，所以買季票，我係7區，前兩場帶個仔入場，我同個仔一直大叫大嗌，跟住聯盟助威，每逢大叫唱歌，都有一大班人望住我地兩個笑，我有啲唔好意思，但係我個仔就一路大叫大唱，哈哈，其實助威都可以一路睇波，不過唔好背住跳咯

作者: 梦迷羽球 时间: 2014-4-25 16:45
我们每个进场的球迷大多数都紧跟着足球的节奏跳跃，我们都有共同的声音，广州队，加油。

作者: Kaki_Ng 时间: 2014-4-25 16:49
不知所云！

作者: suxisuxi 时间: 2014-4-26 09:46
解决问题嘅方法好简单 1、年票按俱乐部价格，并且要入会先可以买。2、亚冠波飞无优惠

作者: jayjj 时间: 2014-4-26 15:01
支持搬去龙门后面，过滤一部分为了位置而加入大联盟，我地要最差的位置！！

欢迎光临廣州球迷聯盟 (http://www.gzfa.cn/club/)