廣州球迷聯盟

标题: 恭喜，又一个冠军！！ [打印本页]

作者: PUNKPUNK 时间: 2014-11-2 17:53
标题: 恭喜，又一个冠军！！
今日虽然部分球员状态欠佳，不过凭借挨神世界波救主，总算有惊无险拿到四连冠。实在系可喜可贺。
不过欢喜之余可以睇到，今时今日呢队广州恒大，有太多太多问题暴露响我地面前。
首先系系战术方面，无论系之前固定用开既果一套，定系歇暑买基拉翻黎，列比号称会有焕然一新既恒大都好，广州队衣家呢种短传渗透，推进节奏较慢既战术好快已经被摸透。明年系继续根据呢个战术理念补强阵容，定系换个新打法，首先从大局方面应该优先要考虑。

外援方面，挨神单天保至尊固然可喜，不过照呢个表现，冬季转会期去国外联赛发展既可能性大增。应该系留唔住了。如果留唔住既话，近年来令人闻风丧胆既孔卡，挨神，摸你鸡时代正式作古。其次，外援除雷内之外，现时两个意大利人就状态同作用黎讲，配唔上呢支冠军球队。呢个引援我觉得系失败既。所以，外援大幅度清洗会系大概率事件。至于能唔能够买到完全适合中超球队心水既外援，依里皮团队既性格，我觉得几率比较细，相反为保意大利足球面子，钻石同基拉其中一个留队既可能性会比较高。至于金英权，都系上升期，响有球队求购既情况下恒大会唔会轻易放人呢？我觉得都系一个变数。

内援方面，我觉得不足之处就更加明显了。最主要就系，又老一岁。孙二哥，zz，黄博文，冯7，郜林等等既球员，早就已经出现左状态下滑既迹象。有部分球员状态下滑得会比较明显。呢个并唔系球员既错，系足球运动规律中既其中一个。不过足球规律既另外一个就系，即使你有一班传奇球员，距地都唔可能全部响球队退役。如何进行更新换代（必须指出，国内愿意接恒大球员盘既球队并唔系太多，主要原因一个系球员工资高，二个系国脚其实就系禁上下水平，贵既卖唔去）我觉得系一个重要既课题。最唔希望就系好似秦升禁，最后被租去乙级队踢。比较凄凉。

总而言之，今年广州队问题比较多，而且好多都系既重要，又着急既问题。呢个冬假唔变，明年系唔可能保持到竞争力。

作者: 阿泽 时间: 2014-11-2 19:51
人员变动未知性太多.但现有球员方面.强烈希望李学鹏顶替二哥打主力左后卫...

作者: allay2 时间: 2014-11-2 20:07
艰难，难得，恭喜！

作者: lazykobe 时间: 2014-11-2 20:14
今日上半場球員表現真喺俾人覺得壓力太大好多失誤，所以導致11分鐘俾劉彬彬打咗個反擊入咗，全靠埃神世界波追平，如果5喺下半場可能踢得仲急，分分鍾會輸！

作者: wason10 时间: 2014-11-2 21:24
最难明的就是澳洲佬拿左亚冠

作者: tam 时间: 2014-11-3 01:58
今朝有酒今朝醉，唔理场面打成点，几大都高兴下先。

下季希望，就希望廖仔坐稳主力位，多啲新鲜血液补充上来，比球队增加多啲活力。

外援吧，仲系果句，相信里皮，尽管佢将退居幕后，但相信可以更加等佢清晰球队噶路该点样走，到底需要点样噶外援，点样评估两个意大利老将，里皮系假期一定会有思考。

最后，忽然觉得一个赛季甘就结束了，有啲唔系几适应甘，好似十月份俱乐部还欠左一次开放日，唔知有无得补呢？

作者: 广州坚仔 时间: 2014-11-3 08:52
写得很有营养，，谢谢贴主的分享，，，，谢谢！

作者: seasunsky 时间: 2014-11-3 09:09
今年的恒大系最差的一年，两条意大利佬长期令球队好似10个打人地11个甘，甘艰苦都可以拿到中超冠军，实属不易。

展望下季，今年引入的，明年有能力入选主力阵容的新援：于汉超、李学鹏、梅方（最后两轮打中卫表现很稳健，赞一个）。

唯一的担心系球队可能甩唔到两条意大利老男孩。

作者: shawn84527 时间: 2014-11-3 09:48
恭喜广州队四连霸！！国安是冠军？？一定不可以！！！如果卡纳瓦罗到来，传授点防守经验，稳固下后方先。

作者: PUNKPUNK 时间: 2014-11-4 21:04

阿泽发表于 2014-11-2 19:51
人员变动未知性太多.但现有球员方面.强烈希望李学鹏顶替二哥打主力左后卫...

有荣昊啊

作者: PUNKPUNK 时间: 2014-11-4 21:05

wason10 发表于 2014-11-2 21:24
最难明的就是澳洲佬拿左亚冠

系咯，就算系做波，都无理由做俾澳洲球队啊！！

作者: rexzmc 时间: 2014-11-5 14:48

PUNKPUNK 发表于 2014-11-4 21:04
有荣昊啊

荣昊的防守有点儿令人不放心，且补位的能力不强。

作者: lixiuhai1980705 时间: 2014-11-6 11:44
恭喜恭喜！广州未赢够！

作者: 阿泽 时间: 2014-11-6 11:50

PUNKPUNK 发表于 2014-11-4 21:04
有荣昊啊

荣昊打边后卫都系边锋嘅感觉.防守唔多掂.遇到边路高手实俾人打爆...
李学鹏防守好好多.传中似乎亦都算OK.(感觉起码好过二哥)虽然个人突破冇荣昊咁有威胁.但边后卫本来就较少采取个人突破.多与队友配合同走位寻找助攻机会...
至于荣昊.如果后防唔缺人.我觉得佢都系稳定咁踢返前场位置好啲...

作者: ruanbohua 时间: 2014-11-6 14:50
自从某场波荣昊打边后卫在自己禁区脚后跟传球而差点导致失球之后，我再也不想距打后卫了

欢迎光临廣州球迷聯盟 (http://www.gzfa.cn/club/)