廣州球迷聯盟

标题: 睇完省港杯最大一个感触 [打印本页]

作者: PUNKPUNK 时间: 2015-1-4 17:02
标题: 睇完省港杯最大一个感触
就系一个：相比起中超联赛既水准，大部分广东球员既身体对抗能力实在系太差了。只要稍有埋牙，技术动作就做唔出，射门挞Q，左脚拌右脚等等各种失平衡。虽说系休季期间，状态未起，不过都睇得出呢个水准打中超实在系唔得。。。

作者: calvinjohn 时间: 2015-1-4 21:51
呢个问题从叶伟超果班出道我就讲，果代至今广东培养出来嘅都係营养唔够，力量训练唔够，经唔起对抗，少少技术睇得唔打得，基品係次品

作者: 广州曼联 时间: 2015-1-5 10:06
广东球员对抗差系一直存在嘅问题，以前国仔，胡椒有意识，有技术可以填补。但系宜家连北方球员都开始重视脚底时，我滴的劣势会好明显。广东球员可以学巴塞踢法，以小组配合消耗对方体能，并坚持以小快灵的传统，为广州队提供更有特点的球员。就以鸡爷为例，广东球员也可以做到。
广州队预备组

作者: 炜迪 时间: 2015-1-5 10:48

广州曼联发表于 2015-1-5 10:06
广东球员对抗差系一直存在嘅问题，以前国仔，胡椒有意识，有技术可以填补。但系宜家连北方球员都开始重视脚 ...

咩年代嘅预备组啊？？

作者: calvinjohn 时间: 2015-1-5 10:54

广州曼联发表于 2015-1-5 10:06
广东球员对抗差系一直存在嘅问题，以前国仔，胡椒有意识，有技术可以填补。但系宜家连北方球员都开始重视脚 ...

广东好多教练孤芳自赏，中意用巴塞做例子，以为速度技术配合可以弥补身材缺陷，但睇唔到巴塞球员嘅力量训练，当然，仲要有少少以柔克刚嘅感觉同天赋。

作者: 天衣無縫 时间: 2015-1-5 13:02
我最大感慨係呢D友誼性質埠際賽, 黃威都可以被踢到重傷. 祝黃威早日康復.

作者: 广州曼联 时间: 2015-1-5 13:30
巴塞模式系好特别，未必个个都岩用。但系以中国球员普遍的足球智慧同场上应变能力而言，广东球员系呢方面会有少少优势，毕竟广东球员头脑够灵活，下三路有资本，有条件打造巴塞模式。关键唔系球员，系教练水平提升。当恒大有利比叔嘅团队坐镇，更多本地教练好应该主动学嘢。想当年费爵爷都会对每一个虚心请教的人解决问题啦。

作者: 阿泽 时间: 2015-1-5 14:24
本帖最后由阿泽于 2015-1-5 14:27 编辑

楼上几位用巴塞做例子.作为巴塞迷个人觉得并冇讲到重点...
重点唔系有冇速度有冇技术.最重要嘅系有冇足球意识...(陈熙荣: ~@#$%^&*)
好简单.用邻居日本做对比.其实单论个人技术同速度等.中国球员并唔点输俾日本球员几多.但组合埋一个球队.水平就差一大截.关键就系意识上边...点样走位.点样帮助队友.点样协防.再细致到传波尺寸脚法等都好考究.样样差小小加埋就差好远...

之前睇过tv3分析巴塞中场3人组嘅视频非常精彩.无球球员点样通过跑动.拉走对手某个防守球员制造区域空档.又或者将原来被防守球员覆盖的传球路线拉开令队友可以传波俾更具威胁嘅队友.都系极具足球意识嘅体现...

作者: saiyangfat 时间: 2015-1-5 14:46

天衣無縫发表于 2015-1-5 13:02
我最大感慨係呢D友誼性質埠際賽, 黃威都可以被踢到重傷. 祝黃威早日康復.

同感，老实讲句，卢琳果波可以红牌的，睇裁判点睇。

作者: saiyangfat 时间: 2015-1-5 14:48

calvinjohn 发表于 2015-1-5 10:54
广东好多教练孤芳自赏，中意用巴塞做例子，以为速度技术配合可以弥补身材缺陷，但睇唔到巴塞球员嘅力量训 ...

同感，呢个又系广东足球越来越差的一个原因。

作者: 广州曼联 时间: 2015-1-5 14:49

阿泽发表于 2015-1-5 14:24
楼上几位用巴塞做例子.作为巴塞迷个人觉得并冇讲到重点...
重点唔系有冇速度有冇技术.最重要嘅系有冇足球 ...

讲得岩

作者: saiyangfat 时间: 2015-1-5 14:50

阿泽发表于 2015-1-5 14:24
楼上几位用巴塞做例子.作为巴塞迷个人觉得并冇讲到重点...
重点唔系有冇速度有冇技术.最重要嘅系有冇足球 ...

基本功呢D都未得啊，唔好讲意识甘高端。日本仔基本功好扎实，可能小学鸡基本功比我哋职业球员都要好啊。

作者: saiyangfat 时间: 2015-1-5 14:53

阿泽发表于 2015-1-5 14:24
楼上几位用巴塞做例子.作为巴塞迷个人觉得并冇讲到重点...
重点唔系有冇速度有冇技术.最重要嘅系有冇足球 ...

唔多认同话技术可以同日本仔比

作者: 阿泽 时间: 2015-1-6 09:43

saiyangfat 发表于 2015-1-5 14:50
基本功呢D都未得啊，唔好讲意识甘高端。日本仔基本功好扎实，可能小学鸡基本功比我哋职业球员都要好啊。
...

基本功同意识唔应该分开论.唔系话要有基本功先再讲意识.反而如果有足球意识再练基本功更容易...系外国.通常好细个已经接受整体足球阵形等等嘅教育.Lamasia.Ajax等都如是.反而国内更多关注嘅系D小球员身体条件好唔好啊.又或者基本功得唔得.例如di波(颠球)可以di到几多下.几十米传波可唔可以准备跌落个圆圈之类.对意识方面就唔系好重视...

作者: 阿泽 时间: 2015-1-6 09:51

saiyangfat 发表于 2015-1-5 14:53
唔多认同话技术可以同日本仔比

啲足球圈专家教练球员都有类似讲法.我亦都认同咁嘅讲法...
前几日仲睇到日本上年唔记得对边队嘅入波集锦片段.连续N次两过一配合入到禁区得分嘅超精彩表现.按技术来讲.中国球员都完全可以做到.就系好简单嘅近距离短传之嘛.但中国球员点解打唔出咁嘅配合?好简单.啲球员都意识唔到跑到咩位置能更好咁接应配合到队友嘅突波.两过一回传时亦唔知用咩力度传到咩位置令队友更舒服咁接波继续杀入...

作者: 天衣無縫 时间: 2015-1-6 13:52

saiyangfat 发表于 2015-1-5 14:46
同感，老实讲句，卢琳果波可以红牌的，睇裁判点睇。

最後球證比黃牌.

我重點唔係紅定黃, 而係呢D友誼賽, 有需要咁狼咩? 只怕盧琳第時比人咁樣踢傷, 佢有苦自己知咋.

作者: 天衣無縫 时间: 2015-1-6 14:05
本帖最后由天衣無縫于 2015-1-6 14:07 编辑

阿泽发表于 2015-1-6 09:51
啲足球圈专家教练球员都有类似讲法.我亦都认同咁嘅讲法...
前几日仲睇到日本上年唔记得对边队嘅入波集锦 ...

足球意職同技術可以分開訓練, 重點係教導既係咪正確.

中國球員意識問題有兩項, 一係走位企位做唔夠好, 二係做決定果時腦筋出問題, 例如省港盃有次左閘接到波, 明明可以帶去邊線帶鬆佢, 反而忽然回傳門將, 門將差D失拖. 呢個唔係技術問題, 而係基本意識做決定既問題-後衛切忌在唔肯定情況下橫傳中路.

反而我唔怪球員, 尤其是幼苗, 只怪教波既. 足球係"執生", 唔係死板.

作者: 活力的陆小凤 时间: 2015-1-6 16:07
识用力同大只系两个范畴，我经常看J直播，日本球员基本上都不会牛高马大，但打起球来，下盘非常稳，做动作很合理，我地踢波的称之有根！下盘无根，系唔会踢得好的，下盘有没有根，这就要从小打下的基本功，现在年纪越大，坏习惯越难纠正，我认识许多足球界特别是从事教练工作的人士，话以前有一个争议：到底先练技术还是先练体能？许多SIR为了急功近利，早出成绩，选的都是有身材有力量的，甚至以大打小，许多技术好，身体差的排除在外，这就陷入一个误区：过分注重力量而忽视最重要的东西！所以讲，省港杯里面的广东球员踢得那么吃力，主要原因缺的不是力量，而是技术!

作者: 广州坚仔 时间: 2015-1-7 09:37
这个讲法个人非常同意，

作者: saiyangfat 时间: 2015-1-7 12:53

阿泽发表于 2015-1-6 09:51
啲足球圈专家教练球员都有类似讲法.我亦都认同咁嘅讲法...
前几日仲睇到日本上年唔记得对边队嘅入波集锦 ...

足球圈d教练甘讲系为中国足球为借口，而且以前中国球员基本功确实又唔差，但系今时今日呢班就算啦。仲有，基本功绝对可以同意识分开来练习。你没基本功，比你有意识都没用，因为你根本做可能连个波点出脚或者点停都唔识，唔好讲进一步d野了。好似加减剩除都未识，你去学中学数学？

作者: saiyangfat 时间: 2015-1-7 12:55

天衣無縫发表于 2015-1-6 13:52
最後球證比黃牌.

我重點唔係紅定黃, 而係呢D友誼賽, 有需要咁狼咩? 只怕盧琳第時比人咁樣踢傷, 佢有苦 ...

我相信阿Lo唔系有意的，肉紧过头。不过确实好难睇。

作者: saiyangfat 时间: 2015-1-7 15:36

阿泽发表于 2015-1-6 09:43
基本功同意识唔应该分开论.唔系话要有基本功先再讲意识.反而如果有足球意识再练基本功更容易...系外国.通 ...

国内而家个情况就系过度重视身体，身体唔够就年龄补救（用超龄），所以唔好讲到意识呢个层面了，小球员连基本功都唔得啊。仲有一点颠波只不过系练习基本功，唔系就代表基本功。停传控射先系最基本的，但系你见到而家有几多个国内球员停传控射做得好的！？？更加唔好讲系有对抗的情况做好呢D动作了。
同日本仔小学生比可能都不如啊，唔好讲人地职业球员啊。

作者: 阿泽 时间: 2015-1-8 13:35

saiyangfat 发表于 2015-1-7 12:53
足球圈d教练甘讲系为中国足球为借口，而且以前中国球员基本功确实又唔差，但系今时今日呢班就算啦。仲有 ...

做得职业球员.基本功差极.停球传球之类都唔应该系问题...只不过好多时意识唔掂反应慢冇预判.先未能处理好个波...

作者: 阿泽 时间: 2015-1-8 13:40

saiyangfat 发表于 2015-1-7 15:36
国内而家个情况就系过度重视身体，身体唔够就年龄补救（用超龄），所以唔好讲到意识呢个层面了，小球员连 ...

冇逼抢下有充足时间嘅停传控射.我相信国内有唔少球员都能做得唔错...例如孙二哥果啲不靠谱嘅传中.如果叫佢系训练场定点传.我相信会比系比赛中嘅表现好好多...

作者: saiyangfat 时间: 2015-1-8 14:07

阿泽发表于 2015-1-8 13:40
冇逼抢下有充足时间嘅停传控射.我相信国内有唔少球员都能做得唔错...例如孙二哥果啲不靠谱嘅传中.如果叫 ...

就系啦，正常运动当中传中呢D仲唔系基本功啊！？孙二哥尚且如此，其他D二打六呢！？没人逼抢运动当中传中都唔得啊，仲要系二哥呢个级数的球员，哎，甘仲讲意识！？？

作者: saiyangfat 时间: 2015-1-8 14:11

阿泽发表于 2015-1-8 13:35
做得职业球员.基本功差极.停球传球之类都唔应该系问题...只不过好多时意识唔掂反应慢冇预判.先未能处理好 ...

我地D职业球员你觉得真系职业！？真系停传控射做得好！？基本职业球员系应该系有逼抢的情况呢D都做得好，甘先叫基本功。而家距地没逼抢的情况下都做唔好啊，系基本功的基本功唔得啊。而且意识呢样野其实话简单反而系最简单，好多业余球员意识都好好噶，但系点解做出来就唔得啊？就系因为基本功唔得，连个波都停唔好，甘意识系呢个时候就系纸上谈兵。

作者: 阿泽 时间: 2015-1-12 15:56

saiyangfat 发表于 2015-1-8 14:07
就系啦，正常运动当中传中呢D仲唔系基本功啊！？孙二哥尚且如此，其他D二打六呢！？没人逼抢运动当中传中 ...

训练时运动当中传中我估计二哥都系冇乜问题.但比赛又系另一回事.即使冇人逼抢.都仲要观察禁区内队友走位以及对方防守球员嘅情况选一个较有威胁嘅落点嚟传.哩个就属于意识范畴.张5系哩方面就好好多.通常望一眼个禁区就大概知道要传去边.二哥经常有种情况就系.同队友配合之后冇乜人逼抢佢.个波一路滚向底线.佢就插上一路望住个禁区一路跑准备传中.但通常嚟讲边有话望成两三秒咁耐噶.我就觉得佢系到传中果一刻.都未谂好个波要弯去边.所以好多时落点都好差...

作者: 阿泽 时间: 2015-1-12 15:59

saiyangfat 发表于 2015-1-8 14:11
我地D职业球员你觉得真系职业！？真系停传控射做得好！？基本职业球员系应该系有逼抢的情况呢D都做得好， ...

我觉得你似乎过于看轻意识哩样嘢...
好简单.按宜家打紧亚洲杯哩班球员嘅基本功.如果有日本队波嘅意识.小组出线绝对唔系问题.边洗赢个沙特都咁兴奋...

作者: saiyangfat 时间: 2015-1-14 09:41

阿泽发表于 2015-1-12 15:56
训练时运动当中传中我估计二哥都系冇乜问题.但比赛又系另一回事.即使冇人逼抢.都仲要观察禁区内队友走位 ...

从你呢翻话就明白点解你会有觉得中国球员缺意识而唔缺基本功的论点了。张5基本功就真系唔想多讲，不过你完全可以去了解下徐老教育出来的中国球员，距地D特点。

作者: saiyangfat 时间: 2015-1-14 09:51

阿泽发表于 2015-1-12 15:59
我觉得你似乎过于看轻意识哩样嘢...
好简单.按宜家打紧亚洲杯哩班球员嘅基本功.如果有日本队波嘅意识.小 ...

系讲日本球员意识之前，请先了解距地D基本功。人地淋到做到，中国球员几多个可以淋到做到。比赛当中中国队起码有2次以上非常有威胁的进攻因为一个停波失误而浪费左，好简单，就系停好个波估计弱智的都识得之后点传，但系就系停失左而没左机会。
意识可以提高当然好，但系对比意识来讲，中国球员而家最最缺乏而又最急需提升应该系基本功。

作者: 阿泽 时间: 2015-1-14 10:10

saiyangfat 发表于 2015-1-14 09:41
从你呢翻话就明白点解你会有觉得中国球员缺意识而唔缺基本功的论点了。张5基本功就真系唔想多讲，不过你 ...

我谂系你嘅理解有小小错误...
我并唔系话中国球员基本功好好.我嘅意思系.基本功唔系现时影响中国球员水平发挥嘅最大因素.意识先系...
假设基本功同意识满分都系100分嘅话.如果基本功有60分.咁意识最多得40分.按照木桶理论.提高意识水平更能提升表现.否则.基本功再好.响更强调整体嘅现代足球都难有咩作为...

作者: 阿泽 时间: 2015-1-14 10:19

saiyangfat 发表于 2015-1-14 09:51
系讲日本球员意识之前，请先了解距地D基本功。人地淋到做到，中国球员几多个可以淋到做到。比赛当中中国 ...

我觉得中国球员首先系谂唔到咯.而唔系做唔到咯...
你可以睇下日本2:2荷兰友谊赛嘅第二个入波.都系好简单嘅短传脚法.简单到或者你同我平时踢业余波都能够处理到.但个关键就系你谂唔谂到点做.包括领会队友意图作出合适走位.判断防守球员嘅情况将波传到合适位置令队友能更容易接应食住对方个位.都系需要系极短时间之内做出判断执行.谂到先系首要...

作者: saiyangfat 时间: 2015-1-14 16:40

阿泽发表于 2015-1-14 10:10
我谂系你嘅理解有小小错误...
我并唔系话中国球员基本功好好.我嘅意思系.基本功唔系现时影响中国球员水 ...

我觉得你的理解有好大错误，而家中国球员唔好讨论到意识呢个“大学”问题，而家系“小学”问题都未解决。你成日话系没逼抢的训练时候如何如何，距地系职业球员，没逼抢训练如何如何有咩用呢！？距地业余噶！？距地职业噶。点可以没逼抢就OK呢！？没逼抢就可以算基本功呢！？而且老实讲句啊，没逼抢距地都唔得啦。基本停船空射，距地训练你系赛前热身都睇到啦，唔好讲同鸡爷距地班鬼佬，同大家都系亚洲球员的金英权的差距唔系一点半点，你比赛当中留意小金的传接球就明了。

作者: saiyangfat 时间: 2015-1-14 16:44

阿泽发表于 2015-1-14 10:19
我觉得中国球员首先系谂唔到咯.而唔系做唔到咯...
你可以睇下日本2:2荷兰友谊赛嘅第二个入波.都系好简单 ...

琳唔到就唔好讲啦，必然做唔到啦。但系距地而家系连淋到都做唔到啊，你见日本仔几个传接好似好简单，但系如果当中一个停波处理唔好，力度处理唔好呢！？你话宅，二哥呢个级数球员传中都唔得啊，呢D唔系基本功系咩！？你老实D讲啊，比赛当中一个运动当中的传中，对于职业球员来讲，唔系基本功系乜嘢！？高级技术！？？？
如果呢D基本功提升到，中国队实力应该可以小上一个台阶，或者讲可以翻到以前老妖、将军、彭伟国距地果代的高度。

作者: 阿泽 时间: 2015-1-16 16:31

saiyangfat 发表于 2015-1-14 16:40
我觉得你的理解有好大错误，而家中国球员唔好讨论到意识呢个“大学”问题，而家系“小学”问题都未解决。 ...

我觉得你哩个谂法好错咯.意识同技术基本功相当于"语文"同"数学"两个学科.两者系冇冲突并且冇先后之后.唔系话咩"小学都未读好点读大学".而系无论提高边一科.都会对整体成绩有帮助.而我觉得提高"意识"哩个"语文"学科.能够更好咁理解"数学"题目做出更适当的解答.从而提高整体成绩...

作者: 阿泽 时间: 2015-1-16 16:36

saiyangfat 发表于 2015-1-14 16:40
我觉得你的理解有好大错误，而家中国球员唔好讨论到意识呢个“大学”问题，而家系“小学”问题都未解决。 ...

无逼抢情况下OK.表示基本技术系OK嘅...而有逼抢情况下.就涉及到意识问题.例如一个波传埋嚟.同时有防守球员过嚟抢波.唔通下下要夹硬用身位顶住防守球员然后停好个波痴响脚底先叫基本功好咩?更好的处理当然系睇住防守球员嘅抢截.轻巧咁连停带过之类啦...

作者: 阿泽 时间: 2015-1-16 16:44

saiyangfat 发表于 2015-1-14 16:44
琳唔到就唔好讲啦，必然做唔到啦。但系距地而家系连淋到都做唔到啊，你见日本仔几个传接好似好简单，但系 ...

你觉得佢哋系谂到做唔到...我觉得佢哋系谂唔到咯...

你讲嘅运动当中传中.如果你俾个固定目标孙二哥传.我相信佢都能够传得唔错...而系比赛时运动当中嘅传中.好重要嘅涉及观察队友包抄走位抢点位置.以及防守球员分布等情况.需要思考哩啲情况再选择合适落点做出传送.我觉得.二哥就系稳唔到啱嘅落点.次次都系随便踢入中间算数...

作者: saiyangfat 时间: 2015-1-17 12:54

阿泽发表于 2015-1-16 16:31
我觉得你哩个谂法好错咯.意识同技术基本功相当于"语文"同"数学"两个学科.两者系冇冲突并且冇先后之后.唔 ...

没错啊，提高语文可以帮助数学提高，你呢个讲法没问题，但系如果你语文没学好，字都唔识几个，你数学点去理解D应用题呢！？运动当中的传中唔得，职业球员哦，二哥个级别哦。死得啦。

作者: saiyangfat 时间: 2015-1-17 13:02

阿泽发表于 2015-1-16 16:36
无逼抢情况下OK.表示基本技术系OK嘅...而有逼抢情况下.就涉及到意识问题.例如一个波传埋嚟.同时有防守球 ...

有逼抢连个波都处理唔好，停唔好，面对面传唔好同意识有咩关系呢！？系现场睇广州队甘多年，只有金系后场传波用过好多种唔同的脚法，左右都有，而且准确度同埋力度都非常准确，基本没传失过，其他球员就基本每场都有几次，包括呢几场亚洲杯，国家队都有呢D无厘头失误丢失控球权，呢D同意识有咩关系呢？其实呢D就系中韩球员系基本功的差别，面对面后场传波哦，或者一个简单长传，唔系后场飞前场果种，没人逼抢都失误。你自己得闲去计算下中国队或者国内球队因为呢D失误丢失控球权的次数，你自然明白点解话基本功差。

作者: saiyangfat 时间: 2015-1-17 13:13

阿泽发表于 2015-1-16 16:44
你觉得佢哋系谂到做唔到...我觉得佢哋系谂唔到咯...

你讲嘅运动当中传中.如果你俾个固定目标孙二哥传. ...

你话包抄球员问题，甘我觉得你系稳理由了来“包庇”你个论点。广州队系禁区里面包抄的基本唔系外援就仲系外援，我唔觉得小熊距地包抄入禁区个点有咩问题，距地如果有问题就唔会入甘多波。而且二哥D传波唔系话个点唔岩，系有时离谱到根本个波唔系太高就系太低，又或者太慢，甚至出界唔知去左边，甘同包抄球员有咩关系呢！？

最后，你如果有现场睇到距地练波，你自然明白点解话距地基本功差，就系抓老鼠，你就可以分出高低。最记得当年越秀山，中国队打澳大利亚，维杜卡距地过来，我地唔系输大只啊，系输基本功啊。热过身我就重注澳大利亚了，因为根本大家对于个球感甘简单都有起码2个级数了。所以唔好用中国球员癫波厄来掩盖距地基本功，球感好呢D野。根本距地呢D差到无论啊。

再讲个事实，戴宪荣李志海我系荔体睇住距地大的，距地最后入职业队，但系讲到基本功呢D，距地系以前荔体，比唔上距地D几个师弟添。

PS：呢处没批评距地的意思

作者: 阿泽 时间: 2015-1-26 20:32

saiyangfat 发表于 2015-1-17 12:54
没错啊，提高语文可以帮助数学提高，你呢个讲法没问题，但系如果你语文没学好，字都唔识几个，你数学点去 ...

呵呵.兄台唔够细心哦..."意识同技术基本功相当于"语文"同"数学"两个学科."此比喻即为意识相当于语文学科.技术相当于数学学科...

作者: 阿泽 时间: 2015-1-26 20:35

saiyangfat 发表于 2015-1-17 13:02
有逼抢连个波都处理唔好，停唔好，面对面传唔好同意识有咩关系呢！？系现场睇广州队甘多年，只有金系后场 ...

"用过好多种唔同的脚法"系显示基本功好的表现?出名传波一流嘅碧咸来来去去多年都系脚内侧弯波噶之嘛...

作者: 阿泽 时间: 2015-1-26 20:42

saiyangfat 发表于 2015-1-17 13:13
你话包抄球员问题，甘我觉得你系稳理由了来“包庇”你个论点。广州队系禁区里面包抄的基本唔系外援就仲系 ...

你嘅理解又错咗啦.我唔系讲紧包抄球员有问题...系.嚟嚟去去都系稳外援.但你唔系传中时望到个外援系咩位置.就直接传到佢头顶噶嘛.而系要有一定预计量.分析埋防守球员防守的重点系边.再结合自己攻击手位置.传去一个较有利于自己攻击手争顶嘅位置.先更有利于个进攻...你可以留意下外国球员传中.基本都系望一眼.已经谂好个波要传去边.而孙二哥.好多时佢都系一路望住个禁区跑.望望望望成3\4秒咁长.所以我会觉得佢直至出波个一刻.佢都未谂好个波要点传...

作者: saiyangfat 时间: 2015-1-27 00:55

阿泽发表于 2015-1-26 20:32
呵呵.兄台唔够细心哦..."意识同技术基本功相当于"语文"同"数学"两个学科."此比喻即为意识相 ...

你位先生对于意识先定系基本功先有比较邻人难以理解的见解哦。

基本功唔系基本！？？语文唔系基本！？如果系甘请先好好理解基本功的定义先。

作者: saiyangfat 时间: 2015-1-27 00:57

阿泽发表于 2015-1-26 20:35
"用过好多种唔同的脚法"系显示基本功好的表现?出名传波一流嘅碧咸来来去去多年都系脚内侧弯波噶之嘛...

碧咸弯刀出名大家都知，但系距比赛当中真系得一个弯刀！？你自己翻去睇睇距最远距离的吊射系咪用弯刀！？距同样掌握好多种唔同的踢球方法噶。
估唔到一个睇波甘多年的球迷竟然可以有甘低级的问题的。

作者: saiyangfat 时间: 2015-1-27 01:10

阿泽发表于 2015-1-26 20:42
你嘅理解又错咗啦.我唔系讲紧包抄球员有问题...系.嚟嚟去去都系稳外援.但你唔系传中时望到个外援系咩位置 ...

甘睇来真系错得好紧要，觉得中国D后卫淋到就可以做到。没人逼抢个转中最后入唔入到距想个位都未必得啦，没人逼抢个波都可以打飞机的一场波你自己翻去计下你睇到几多次，广州队了哦，二哥呢个级别球员，仲讲计算提前量，仲讲有人逼抢。甘深问题同小学生讲！？
一场波中国后卫因为基本功问题自己无厘头失误没控球权的事大把，10个里面9个同意识没关。

最后简单一句，有人逼抢完成唔到，绝对系基本功问题。如果呢D唔算基本功，你讲我听呢D算咩！？一个职业球员有人逼抢传中唔好讲咩提前量。

基本来讲，你就系用一个业余球员基本功要求一个职业球员，但系同时又要有巴赛甘的意识来睇中国球员。

非常奇怪的论点。

作者: 阿泽 时间: 2015-1-28 09:03

saiyangfat 发表于 2015-1-27 00:55
你位先生对于意识先定系基本功先有比较邻人难以理解的见解哦。

基本功唔系基本！？？语文唔系基本！？ ...

将意识和基本功代入语文数学只系一个比喻.我从一开始就已经讲"基本功同意识唔应该分开论".而你就话"基本功呢D都未得啊，唔好讲意识甘高端。"就按你所讲当"基本功"系"语文"呢.难道你小学读书时系先将一至六年级语文学晒.然后再学一至六年级数学嘅?

作者: 阿泽 时间: 2015-1-28 09:05

saiyangfat 发表于 2015-1-27 00:57
碧咸弯刀出名大家都知，但系距比赛当中真系得一个弯刀！？你自己翻去睇睇距最远距离的吊射系咪用弯刀！ ...

"只有金系后场传波用过好多种唔同的脚法"...你所谓的低级问题.系我由你哩个低级表达所引申出来的...

作者: 阿泽 时间: 2015-1-28 09:15

saiyangfat 发表于 2015-1-27 01:10
甘睇来真系错得好紧要，觉得中国D后卫淋到就可以做到。没人逼抢个转中最后入唔入到距想个位都未必得啦， ...

我就想知道.你觉得孙二哥谂唔谂到传去边?谂到嘅话点解佢传波前都一直望住个禁区直到传波果一刻?(相信你睇咁多年广州队.都知我讲紧嘅系左路经过小组配合.个波好舒服咁慢慢流向底线.二哥慢慢追上去传中嘅情况.)可以对比下右路张5.张5基本上都系望一眼个禁区.然后望返个波.出波质素明显较好...二哥一路望住个禁区.个波都唔得闲望下.步点都踩唔准.想传得准真系唔易...

至于打飞机了喔.C朗拉莫斯都唔知打几多飞机啦...

作者: 阿泽 时间: 2015-1-28 09:18

saiyangfat 发表于 2015-1-27 01:10
甘睇来真系错得好紧要，觉得中国D后卫淋到就可以做到。没人逼抢个转中最后入唔入到距想个位都未必得啦， ...

如果你觉得基本功系咁严重咁阻碍中国队员嘅水平发挥嘅话.咁啲球队请D青少年教练教基本功好有一套嘅去带班球员练好基本功就能大幅提高球队水平啦.何需列比哩啲战术大师嚟提升球队嘅战术意识呢...

作者: saiyangfat 时间: 2015-1-30 10:35

阿泽发表于 2015-1-28 09:03
将意识和基本功代入语文数学只系一个比喻.我从一开始就已经讲"基本功同意识唔应该分开论".而你就话"基本 ...

按每年级数学语文来讲都没问题啊，系你自己理解唔好者。
你一年级语文没学好，跑去搞二年级数学！？一年级数学当然同一年级语文配合啦。

中国球员基本功差，一早就出名了，当年个巴西球员停球英国球员停球中国球员个笑话其实大家都明晒嘎啦。你要距地意识可以几高呢！？
讲明基本功基本功，系最基本的，你没呢个基础就要距提高意识！？一个系没咩可能，第二个系搞个空中楼阁，没基础支持。
成绩一样上唔到去。

作者: saiyangfat 时间: 2015-1-30 10:42

阿泽发表于 2015-1-28 09:05
"只有金系后场传波用过好多种唔同的脚法"...你所谓的低级问题.系我由你哩个低级表达所引申出来的...

没错，呢个的确系个低级问题，一个职业球员用唔同选择唔同教法，唔同力量来进行传波本身就系一个低级野，其实就系基本功。但系中国球员好多都做唔到，得几种脚法来处理，呢个就系讲明距地基本功差。
真系好低级的问题同埋好低级的职业球员要求。

但系阁下的理解变成DB得一种脚法入波，对于本身来讲好低级的问题，你个理解或者讲答案系咪显得有D弱智呢！？

作者: saiyangfat 时间: 2015-1-30 10:45

阿泽发表于 2015-1-28 09:15
我就想知道.你觉得孙二哥谂唔谂到传去边?谂到嘅话点解佢传波前都一直望住个禁区直到传波果一刻?(相信你睇 ...

张5传波的质量比2哥高我都只能讲系一时时，其实呢个同样系因为练习唔够所致。讲到底就系基本功差
突然有D觉得悲哀，张5基本功竟然可以变成系榜样，真系而家中国球员基本功差到咩程度啊。
同埋觉得真系同你没咩好讨论落去，张5可以做成榜样就知道大家对足球理解去到一个咩程度了

作者: saiyangfat 时间: 2015-1-30 10:50
本帖最后由 saiyangfat 于 2015-1-30 10:57 编辑

阿泽发表于 2015-1-28 09:18
如果你觉得基本功系咁严重咁阻碍中国队员嘅水平发挥嘅话.咁啲球队请D青少年教练教基本功好有一套嘅去带班 ...

列比系成功改造中国球员的，呢点毋庸置疑。
但系你讲得出一个列比，甘系列比前面倒下的千千万万个外教又如何呢！？甘唔通讲距地都系水货！？得列比一个真！？
而且广州队的成功你就真系觉得单单系列比提升左中国球员D意识！？

基本功再好，当然要有高层次D野来先可以发挥。

但系距地基本功唔得，你国家队够请甘多教练来啦！？有边个成功过啊！？
你话列比得，列比有外援哦，俱乐部，唔得就买翻来可以解决。国家队呢！？
呢届话好D，但系遇到澳大利亚一样死到臭。
波都罗唔住，你话呢场比赛中国球员你给个巴塞意识距地，距地可以赢到！？

作者: chamayto 时间: 2015-1-30 12:08
亚洲杯就看得出…国内多数球员身体对抗都比较弱

作者: 阿泽 时间: 2015-1-30 18:11

saiyangfat 发表于 2015-1-30 10:35
按每年级数学语文来讲都没问题啊，系你自己理解唔好者。
你一年级语文没学好，跑去搞二年级数学！？一年 ...

按兄台的理论.六年级数学要同六年级语文配合?
我谂.四年级语文的水平够睇明白同理解六年级数学的题目要求了吧...

按你所讲当基本功系语文.咁语文有50分呢.(我已经唔俾60哩个合格分够满足你所想了吧)
咁所谓意识的数学如果先得20分.咁点解唔系急切提高数学成绩.令两科加埋总成绩更进步.而系不断强调语文得50分合格都未到.讲咩数学啊.而要不断去提高语文成绩呢?

作者: 阿泽 时间: 2015-1-30 18:25

saiyangfat 发表于 2015-1-30 10:42
没错，呢个的确系个低级问题，一个职业球员用唔同选择唔同教法，唔同力量来进行传波本身就系一个低级野， ...

系你理解错咗.我只系针对你"只有金系后场传波用过好多种唔同的脚法"哩个讲法.表示Beckham系比赛中好多时都只系用一种脚法嚟传波.用过几多种唔同的脚法传波.唔系用来判断基本功好唔好的准则.就好似巴塞的Busquest.基本上.佢从来只有脚内侧传波.难道以此嚟说佢基本功唔好...而我更从来没讲过Beckham只识一种脚法.你嘅逻辑思维真系要加强一下...

作者: 阿泽 时间: 2015-1-30 19:16

saiyangfat 发表于 2015-1-30 10:45
张5传波的质量比2哥高我都只能讲系一时时，其实呢个同样系因为练习唔够所致。讲到底就系基本功差
突然有 ...

兄台理解能力实在堪忧...
我只系用张5同二哥对比嚟分析为何二哥的传中如此差.你却理解为我将张5列为中国球员榜样.兄台这种理解能力实在异于常人...
并且.你一直在忽略我所对比的情况:张5望一眼然后望返个波-传中...二哥就望望望望望-传中(再唔传就出底线)...

作者: 阿泽 时间: 2015-1-30 19:19

saiyangfat 发表于 2015-1-30 10:50
列比系成功改造中国球员的，呢点毋庸置疑。
但系你讲得出一个列比，甘系列比前面倒下的千千万万个外教又 ...

或者你简单直接咁答咗我先.俱乐部请列比嚟.系为咗着重提高以下边样: A.意识 B.基本功

作者: 阿泽 时间: 2015-1-30 19:21

saiyangfat 发表于 2015-1-30 10:50
列比系成功改造中国球员的，呢点毋庸置疑。
但系你讲得出一个列比，甘系列比前面倒下的千千万万个外教又 ...

即使有外援.无论亚冠定中超.场上都起码仲有8个中国球员.以你所讲佢哋基本功咁唔掂.点解唔请教练教佢哋基本功呢?11人中占咗8个喔.提高咗佢哋嘅基本功.仲唔劲到飞天?

作者: saiyangfat 时间: 2015-2-2 10:08

阿泽发表于 2015-1-30 18:11
按兄台的理论.六年级数学要同六年级语文配合?
我谂.四年级语文的水平够睇明白同理解六年级数学的题目要 ...

数学语文个成绩好简单理解，你话距语文够用，事实够唔够用啊！？
职业足球当中有逼抢停传控射都唔得，你米就系等于唔识字理解唔到个应用题的意思，甘你有咩可能做到条题目呢？
你日日去坐应用题有咩用啊，日日学数学都没用噶，因为你根本唔识得晒D字。

基本功同埋意识系相互相乘的，但系基本功点都系行先，因为讲明系基本功，者系基础，你没基础，上面点好都没用，因为你做唔到。
你而家就算给距地提高到巴塞甘的意识都没用，因为没基本功支撑。
当然，距地呢班人提高就没咩可能因为都定型，所以中国足球呢代人甚至下代都基本没得救。

作者: saiyangfat 时间: 2015-2-2 10:12

阿泽发表于 2015-1-30 18:25
系你理解错咗.我只系针对你"只有金系后场传波用过好多种唔同的脚法"哩个讲法.表示Beckham系比赛中好多时 ...

你用中国球员来对比DB呢D级别的球员本身都系有问题啦，直接就系思维问题，唔好讲逻辑。

DB距地用得少，唔代表距地唔识其他脚法，而系距地就算只用一种脚法都可以支持到距地系正常的职业比赛停传控射。
金没甘水平，自然要多种方法来配合。
至于中国球员，直接讲就系唔识，或者系用得好差。

作者: saiyangfat 时间: 2015-2-2 10:17

阿泽发表于 2015-1-30 19:16
兄台理解能力实在堪忧...
我只系用张5同二哥对比嚟分析为何二哥的传中如此差.你却理解为我将张5列为中国 ...

你D基本中国足球常识基本到岩开始睇波的阶段，难怪会轻重不分。张5系国家队主力，上届国奥的队长，2哥系留样代表，中国足球没记错应该系唯一欧冠正赛代表。
距地两个唔可以做现今中国足球边后卫榜样边个可以啊！？
其他又有好多可以超越或者达到距地水平！？
距地都系只能如此，2哥都给你批评到甘的地步，其他D仲识讲。

作者: saiyangfat 时间: 2015-2-2 10:23

阿泽发表于 2015-1-30 19:19
或者你简单直接咁答咗我先.俱乐部请列比嚟.系为咗着重提高以下边样: A.意识 B.基本功

选择系C，列比系最大限度甘发挥左呢班中国球员的能力，配合到外援成就亚洲冠军。
呢班人的基本功没得救，就系甘，你提高几多意识都好，大概就只能如此，因为距地基础没办法支持距地D意识，都系果句，你给巴塞意识距地，成绩都唔会有咩提高，因为距地基本功差。

最简单果个你又来回答我啊，之前系咪所有外援外教都系水货啊！？
没外援的国家队或者广州队，呢次国家的拼搏精神进步之外你见到有咩进步啊？！
没左外援的广州队热身赛0比2水源啦。上左外援两连胜，你觉得距地意识有好大提升！？

作者: saiyangfat 时间: 2015-2-2 10:40
本帖最后由 saiyangfat 于 2015-2-2 10:45 编辑

阿泽发表于 2015-1-30 19:21
即使有外援.无论亚冠定中超.场上都起码仲有8个中国球员.以你所讲佢哋基本功咁唔掂.点解唔请教练教佢哋基 ...

呢位朋友，11-4=7
系有7个中国球员，呢D就系日日眼高手低的又一个例子，就系语文唔好所以搞到数学都唔得的道理，你自己亲自演绎一次了。多谢你的精彩表演。同中国足球一样，日日话学呢个学果个，最后其实原来自己D基本功都没学好，学边都一定唔得一样。总之翻去小学定系幼儿园补习下，先再讲D高小小的问题。

你一直以为最错误的地方就系，认识中国足球的基本功够用，系因为距地地点传波同埋颠球OK，所以可以单方面提高距地意识就能提高成绩。
但系事实呢！？意识系要有基本功为前提先可以发挥作用，但系呢班大帝呢！？可以直接讲距地都意识基本功一样甘衰。距地两样野系相吻合的。

所以可以直接讲系你提高左意识都没大作用。就算你给巴塞甘意识距地，西乙保组估计都难。
因为距地根本处理唔到个波，就系甘简单。

至于基本功提升系没可能飞天，呢个道理就更加简单。

作者: 阿泽 时间: 2015-2-2 13:39

saiyangfat 发表于 2015-2-2 10:08
数学语文个成绩好简单理解，你话距语文够用，事实够唔够用啊！？
职业足球当中有逼抢停传控射都唔得，你 ...

我就觉得够用了.普通嘅日常常见嘅字已经掌握咗.只系部分多笔划嘅字唔识啫...我又想问下.对应返"基本功语文"同"意识数学"满分都系100分.你会俾中国球员哩两项各几多分?

作者: 阿泽 时间: 2015-2-2 13:43

saiyangfat 发表于 2015-2-2 10:12
你用中国球员来对比DB呢D级别的球员本身都系有问题啦，直接就系思维问题，唔好讲逻辑。

DB距地用得少 ...

呵呵."金没甘水平，自然要多种方法来配合。"哩个说法真系一流.难道唔系因应场上需要而用佢自己觉得适当并且有把握的脚法嚟处理个波.你哩个讲法将你原来"用多种脚法系基本功好的体现"变成咗"用多种脚法系水平唔够的表现"?哈哈...

作者: 阿泽 时间: 2015-2-2 13:47

saiyangfat 发表于 2015-2-2 10:17
你D基本中国足球常识基本到岩开始睇波的阶段，难怪会轻重不分。张5系国家队主力，上届国奥的队长，2哥系 ...

我只系用同一球队打两条边的人嘅情况嚟说明二哥传中落点不佳与意识有好大关系这个原因.至于榜唔榜样.同我所想要表达的嘢冇关.系你觉得佢哋系榜样而已...

作者: 阿泽 时间: 2015-2-2 13:51

saiyangfat 发表于 2015-2-2 10:23
选择系C，列比系最大限度甘发挥左呢班中国球员的能力，配合到外援成就亚洲冠军。
呢班人的基本功没得救 ...

哈哈."最大限度甘发挥左呢班中国球员的能力".咪即系提高佢哋D战术意识.话俾佢哋知.咩时候需要做D咩等等之类...洗乜选C啊.直接啲A就系啦.死鸡撑饭盖...

作者: 阿泽 时间: 2015-2-2 14:15

saiyangfat 发表于 2015-2-2 10:23
选择系C，列比系最大限度甘发挥左呢班中国球员的能力，配合到外援成就亚洲冠军。
呢班人的基本功没得救 ...

"最简单果个你又来回答我啊，之前系咪所有外援外教都系水货啊！？"我又唔系好明你问哩个问题系做咩嘅.咁多外援外教.自然会有水货有行货啦...如果哩个系判断题."所有"同"都"哩两个字眼.足以俾佢一个叉咯...

"没外援的国家队或者广州队，呢次国家的拼搏精神进步之外你见到有咩进步啊？！"
小组赛三场都冇睇.包括听闻打朝鲜上半场打到巴塞一样.就睇咗对澳大利亚全场.印象最深刻嘅系.第一个失波.蔡惠康唔系旧木咁企响度.而系有啲意识飞埋去卡希尔度.卡希尔个倒挂好可能入唔到...

"没左外援的广州队热身赛0比2水源啦。上左外援两连胜，你觉得距地意识有好大提升！？"
首先.我冇睇比赛.纯以比分嚟对3场比赛做评价合适吗?(估计你都冇睇?)
其次.你嘅题目命题本来就有问题.我举个例.有冇美斯的巴塞系两队波唔知你认唔认同.美斯冇上场队波表现冇咁好.美斯有上场队波就会好好多.难道我可以话美斯上场时其他巴塞球员的基本功同意识有提升?

作者: 阿泽 时间: 2015-2-2 14:26

saiyangfat 发表于 2015-2-2 10:40
呢位朋友，11-4=7
系有7个中国球员，呢D就系日日眼高手低的又一个例子，就系语文唔好所以搞到数学都唔得 ...

好啦.习惯咗3个鬼佬.减错数了.冇错.你讲得啱.应该系11-4=7...7个仍然系占大多数.咁既然有成7个人系基本功唔得嘅因而制约咗队波嘅水平.而唔系意识.咁请教练教基本功提高哩7个人嘅基本功唔系对球队整体战斗力提升有好大帮助咩?

"所以可以直接讲系你提高左意识都没大作用。"
又想举返列比个例子.你认唔认为列比取代李章洙.系广州队攞亚冠一个好重要嘅决定.(唔系话李sir就一定唔得.但明显列比更令人有信心你也同意吧?)
列比提升咗中国球员基本功令到广州队能系亚冠更进一步?
定系列比提高咗整队波战术意识加强球队战斗力所以能称霸亚洲?战术意识嘅提高难道唔系称霸中非常重要的一环?
哩个答案.想必你也很清楚...

作者: saiyangfat 时间: 2015-2-3 10:49

阿泽发表于 2015-2-2 13:39
我就觉得够用了.普通嘅日常常见嘅字已经掌握咗.只系部分多笔划嘅字唔识啫...我又想问下.对应返"基本功语 ...

各40分
中国足球选才本身都有问题了，基本功同埋意识之类根本都唔系选择标准，所以我先觉得呢2代都没得救。

作者: saiyangfat 时间: 2015-2-3 10:54

阿泽发表于 2015-2-2 14:15
"最简单果个你又来回答我啊，之前系咪所有外援外教都系水货啊！？"我又唔系好明你问哩个问题系做咩嘅.咁 ...

自然有水货同埋系咪全部水货系两回事
如果距地基本功好，来传授意识的教练，起码都会有几个会成功的，但系除左广州队之外，其他中超球队特别前几年亚冠吃屎甘差，其实米就系基本功唔得咯。
请咩人来都吃屎，特别国家队，甘如果唔系呢班人全部都系水货，就系中国球员自身基本功唔得，教咩Q都没用。
系列比来加几个特别犀利的鬼佬，先有广州队的辉煌。

作者: saiyangfat 时间: 2015-2-3 11:03

阿泽发表于 2015-2-2 13:51
哈哈."最大限度甘发挥左呢班中国球员的能力".咪即系提高佢哋D战术意识.话俾佢哋知.咩时候需要做D咩等等之 ...

你甘讲者系之前D外教外援全部都系水货啦，甘点解中国足球吃屎甘多年啊。之前D教练全部水货？就系列比来中国球员就识得飞天？？给列比意识距地就系亚洲称霸！？？事实米就系国家队一样吃屎，意识同原来米一样，只不过列比合理利用班更加犀利的外援，跟住最大限度发挥只有40分但系又罗住亚洲定薪的中国球员的作用，就系甘了。

至于话人死鸡系因为你门外汉睇唔明门内D野者。

作者: saiyangfat 时间: 2015-2-3 11:05

阿泽发表于 2015-2-2 13:47
我只系用同一球队打两条边的人嘅情况嚟说明二哥传中落点不佳与意识有好大关系这个原因.至于榜唔榜样.同我 ...

OK咯，中国足球最有代表性的边后卫唔系目前国内同位置球员值得学习的，甘没野讲啦。
或者你觉得中国足球仲有好多好好边后卫咯。

甘又系，你要求甘高，颠波同埋定点传波OK就系职业球员了。

作者: saiyangfat 时间: 2015-2-3 11:10

阿泽发表于 2015-2-2 13:43
呵呵."金没甘水平，自然要多种方法来配合。"哩个说法真系一流.难道唔系因应场上需要而用佢自己觉得适当并 ...

啊！？？唔通金可以有DB呢D世界级球员右脚甘的水平！？？可以单脚就满足职业足球比赛的要求？！

金掌握多种脚法来应付足球比赛讲明距基本功好有咩问题呢！？因为距单脚没可能达到DB甘高技术咯。DB弯刀都已经唔系基本功啦，系世界级，中国球员学距用单脚来应付比赛！？？
或者如果你做教练会甘要求的，因为睇颠波同埋定点传波，事实上单脚又真系可以搞掂的。
都系果句，你呢D门外汉比较难明白呢D野，唔怪你。

作者: saiyangfat 时间: 2015-2-3 11:14

阿泽发表于 2015-2-2 14:26
好啦.习惯咗3个鬼佬.减错数了.冇错.你讲得啱.应该系11-4=7...7个仍然系占大多数.咁既然有成7个人系基本功 ...

我同意李SIR唔得
但系距问题系唔信任中国球员，攻防分开
列比合二为一

使到中国球员可以配合到D外援，就系甘。
至于提高咩技战术水平，反应到国家队，见唔到太多野。

最简单一点，外援系处，前场起码可以罗住个波，中国球员罗唔到，基本功差别就已经决定全场比赛的结果。

作者: saiyangfat 时间: 2015-2-3 11:15

阿泽发表于 2015-2-2 14:15
"最简单果个你又来回答我啊，之前系咪所有外援外教都系水货啊！？"我又唔系好明你问哩个问题系做咩嘅.咁 ...

澳大利亚场波中国队连个波都罗唔到，唔好讲意识或者其他高深小小D野，系职业球员逼抢下面，可以控到个波，中国队就唔会甘难睇。

唔好讲赢，就系场面唔好甘难睇，都唔得，唔系基本功差系咩！？

作者: 阿泽 时间: 2015-2-3 13:41

saiyangfat 发表于 2015-2-3 10:54
自然有水货同埋系咪全部水货系两回事
如果距地基本功好，来传授意识的教练，起码都会有几个会成功的，但 ...

哩几年亚冠成绩好咗.系因为基本功提升咗?一直都话郜林响几只鬼身边"长球"了.难道讲紧嘅唔系意识上嘅?

作者: 阿泽 时间: 2015-2-3 13:50

saiyangfat 发表于 2015-2-3 11:03
你甘讲者系之前D外教外援全部都系水货啦，甘点解中国足球吃屎甘多年啊。之前D教练全部水货？就系列比来中 ...

哈哈...我欣赏你一直系度讲所谓"最大限度发挥"哩种最含糊的说法.而死都完全唔提及一点点意识上嘅嘢哩种坚持.尽管你心里也很清楚...

作者: 阿泽 时间: 2015-2-3 13:55
本帖最后由阿泽于 2015-2-3 13:57 编辑

saiyangfat 发表于 2015-2-3 11:05
OK咯，中国足球最有代表性的边后卫唔系目前国内同位置球员值得学习的，甘没野讲啦。
或者你觉得中国足球 ...

好奇怪.难道我讲得仲唔够清楚?我冇话佢哋值得学习.亦冇话佢哋唔值得学习.佢哋是否值得学习唔系我想表达的话题.OK?

我只系用两个边路球员出波时的特点来说明意识对传中系有好大影响的.唔系你有碧咸的脚法.你就能够传出好有威胁嘅波...

我都搞唔清楚.你系真唔明白我想讲嘅嘢.定系避开重点耍太极...

作者: 阿泽 时间: 2015-2-3 14:05

saiyangfat 发表于 2015-2-3 11:10
啊！？？唔通金可以有DB呢D世界级球员右脚甘的水平！？？可以单脚就满足职业足球比赛的要求？！

金掌 ...

你讲哩段嘢唔怕俾人笑噶.D文字逻辑混乱到...
"金掌握多种脚法来应付足球比赛讲明距基本功好有咩问题呢！？因为距单脚没可能达到DB甘高技术咯。"
单脚冇咁高技术?即系金掌握多种脚法.系指双脚?好混乱.我都唔知点帮你解释...

作者: 阿泽 时间: 2015-2-3 14:10

saiyangfat 发表于 2015-2-3 11:14
我同意李SIR唔得
但系距问题系唔信任中国球员，攻防分开
列比合二为一

中国球员系提升咗基本功配合到外援?定系提高咗意识配合到外援?

基本功唔系决定比赛结果的唯一因素.好简单.如果比赛双方都系你所讲基本功好唔掂的中国球员.咁点决定比赛结果?如果一方意识明显更好.扬长避短发挥优势.难道就唔系更能掌握主动掌控比赛?

作者: 阿泽 时间: 2015-2-3 14:18

saiyangfat 发表于 2015-2-3 11:15
澳大利亚场波中国队连个波都罗唔到，唔好讲意识或者其他高深小小D野，系职业球员逼抢下面，可以控到个波 ...

唔知你同唔同意我讲个失波的分析?

基本功当然有影响.但如果意识好啲.场面自然亦会好啲...武球王有唔少攞波机会.但好多都系一个人带带带冲冲冲.个波就冇咗了.(当然.或者系教练安排都唔定)如果成队波意识好D.控一控节奏.起码唔洗咁被动...

作者: JACKYCHEUNG 时间: 2015-2-4 09:53
广东球员唔得啦，本身身体就没有优势，现在意识也跟不上，还是青训体系教练水平不行

作者: saiyangfat 时间: 2015-2-4 11:21

阿泽发表于 2015-2-3 13:41
哩几年亚冠成绩好咗.系因为基本功提升咗?一直都话郜林响几只鬼身边"长球"了.难道讲紧嘅唔系意识上嘅?

郜林系进步左，但系更加多系因为到左边路，我老实同你讲，我极度反对郜林打中锋。

国家队系呢次亚洲杯都有用距打中锋啊，你虽然没睇，但系你睇睇距给人闹到咩程度就大概想到你呢个“长球”的原因系因为意识进步定系回归边路。

作者: saiyangfat 时间: 2015-2-4 11:23

阿泽发表于 2015-2-3 13:50
哈哈...我欣赏你一直系度讲所谓"最大限度发挥"哩种最含糊的说法.而死都完全唔提及一点点意识上嘅嘢哩种坚 ...

我更加欣赏你完全避开我D问题，来扯到一个又一个的新问题里面。

不过我没所谓，我知道你答唔到甘多个问题，因为你心里根本唔知点答。

作者: saiyangfat 时间: 2015-2-4 11:28

阿泽发表于 2015-2-3 13:55
好奇怪.难道我讲得仲唔够清楚?我冇话佢哋值得学习.亦冇话佢哋唔值得学习.佢哋是否值得学习唔系我想表达的 ...

耍太极！？

你用DB呢班世界级的球员来比喻足球比赛可以就系用一种脚法完成，来证明虽然中国球员就系得一种脚法但系都唔够代表距地基本功差

呢个甘神奇的论点来支持你的观点，你觉得我需要耍太极！？

作者: saiyangfat 时间: 2015-2-4 11:31

阿泽发表于 2015-2-3 14:05
你讲哩段嘢唔怕俾人笑噶.D文字逻辑混乱到...
"金掌握多种脚法来应付足球比赛讲明距基本功好有咩问题呢！ ...

双脚都可以掌握多种脚法好难理解！？

甘你真系唔需要再去理解了，你继续做个欣赏足球的球迷就足够了

继续抱住职业球员只需要去掌握一种脚法，癫波叻，定点传球好就足够呢个观点啦。

作者: saiyangfat 时间: 2015-2-4 11:44

阿泽发表于 2015-2-3 14:10
中国球员系提升咗基本功配合到外援?定系提高咗意识配合到外援?

基本功唔系决定比赛结果的唯一因素.好 ...

我从来没讲过基本功系唯一因素，你又扯开或者给我观点增加D你误解的观点。

都系我前面讲的，中国球员的基本功只有40分，所以系一定程度上面造成距地意识只有40分。
就算今日给巴赛意识距地，距地都达唔到西乙的水平。
基本功系其中之一个比较大的原因，当然仲有身体素质、体能等等多个因素。

广州队甘犀利了，亚冠冠军，球员按你讲的得到甘大提高，但系国家队呢！？

对沙特、乌兹别克呢D玩意识流的，逼抢相对没甘紧，40分基本功可以确保40分的意识可以发挥出来，加上运气原因，就赢了。
唔好弱智到真系相信咩媒体讲的对住朝鲜好似巴赛甘，距地没可能有甘水平。只不过系朝鲜太差，下半场人地逼抢紧左中国队又吃屎了。

但系对住澳大利亚呢D逼抢犀利的，中国球员40分基本功唔够用了，你果40分意识根本发挥唔到，你见到个场面嘎啦。
你所讲的，给二哥望望望望再传根本没可能了，你点可能赢波！？

当双方都系中国球员，自然对比谁基本功更加扎实或者直接就系技术好，能够发挥出教练意图（当然教练水平要够，米搞个乱七八糟战术出来，呢个就系列比比其他教练犀利的地方，战术合理，唔系话提高中国球员几多几多野，系距战术合理，适合中国球员），再比较下谁的鬼佬比较犀利咯。
都系要以基本功为前提，好的果方面自然比较好发挥教练意图，去赢比赛。

PS：中超的水平系亚洲范围算中上，但都系个别球员，特别系逼抢，所以当亚冠对住韩国澳大利亚球队，包括广州队在内成绩都唔算好，北京仲唔知几连败。呢个就系最简单讲明，距地系有逼抢的情况下面，基本功连40分达唔到。

如果唔系，或者你又来解释下啊。
唔系简单甘扯开话题或者提新问题啊。

作者: saiyangfat 时间: 2015-2-4 11:51

阿泽发表于 2015-2-3 14:18
唔知你同唔同意我讲个失波的分析?

基本功当然有影响.但如果意识好啲.场面自然亦会好啲...武球王有唔少 ...

我更加觉得距系怕死多过意识，当然，呢D要问距自己先知

武磊冲冲明显就系教练意图，要求中国队死守打反击

而且我觉得佩兰好清楚个结果，所以干脆0比2 输没甘难睇就算了

因为距好清楚呢班人个程度就系佢到呢处

因为距没列比手里面D鬼佬

你唔通甘都睇唔出有鬼佬的广州队，同没鬼佬的国家队之间的差别！？？
唔通你真系就觉得请列比翻来距地意识提高左，中国球员犀利左！？？

佩兰先没甘弱智

睇住啊，明年世界杯外围赛，中国足球一样甘个衰样

PS：澳大利亚呢场波超级爽，虽然中国输都没人希望见到，不过自然重注澳大利亚稳开心的，哈哈哈哈哈。因为对住澳大利亚，中国D基本功差，发挥唔到意识，呢场一定给人追住打，90分钟一定输。

作者: 阿泽 时间: 2015-2-4 12:46

saiyangfat 发表于 2015-2-4 11:21
郜林系进步左，但系更加多系因为到左边路，我老实同你讲，我极度反对郜林打中锋。

国家队系呢次亚洲杯 ...

咁你认唔认同佢哩几年同几个鬼佬一齐训练比赛意识进步唔少?定认为佢表现进步纯粹系因为佢去咗边路活动?

作者: 阿泽 时间: 2015-2-4 12:49

saiyangfat 发表于 2015-2-4 11:23
我更加欣赏你完全避开我D问题，来扯到一个又一个的新问题里面。

不过我没所谓，我知道你答唔到甘多个 ...

呵呵.劲搞笑...麻烦请举例一下我避开咗你边个问题?我直接回答你...我唔会好似阿边个咁为咗证明自己嘅论点而明明自己心里清楚都仲专登含糊其词避重就轻嚟表达观点...

作者: 阿泽 时间: 2015-2-4 12:52

saiyangfat 发表于 2015-2-4 11:28
耍太极！？

你用DB呢班世界级的球员来比喻足球比赛可以就系用一种脚法完成，来证明虽然中国球员就系得 ...

咦.你又搞错了.我系完全冇"比喻足球比赛可以就系用一种脚法完成"哩个观点...我只系回应你基本功好唔好唔系睇可以系比赛中展现多少种脚法嚟定断同评价...

作者: 阿泽 时间: 2015-2-4 13:00

saiyangfat 发表于 2015-2-4 11:31
双脚都可以掌握多种脚法好难理解！？

甘你真系唔需要再去理解了，你继续做个欣赏足球的球迷就足够了

"啊！？？唔通金可以有DB呢D世界级球员右脚甘的水平！？？可以单脚就满足职业足球比赛的要求？！

金掌握多种脚法来应付足球比赛讲明距基本功好有咩问题呢！？因为距单脚没可能达到DB甘高技术咯。DB弯刀都已经唔系基本功啦，系世界级，中国球员学距用单脚来应付比赛！？？
或者如果你做教练会甘要求的，因为睇颠波同埋定点传波，事实上单脚又真系可以搞掂的。
都系果句，你呢D门外汉比较难明白呢D野，唔怪你。"

或者你再睇返下你自己回复嘅嘢段嘢.唔好用你已经谂好自己想表达的观点去代入.用一个旁观者的身份去读一读哩段嘢去理解哩段嘢.如果咁都觉得冇问题嘅话.我只能讲你应该考虑重新读一下小学语文...

作者: 阿泽 时间: 2015-2-4 13:07

saiyangfat 发表于 2015-2-4 11:31
双脚都可以掌握多种脚法好难理解！？

甘你真系唔需要再去理解了，你继续做个欣赏足球的球迷就足够了

我留意到你最近几条回复都有咩"癫波叻，定点传球好"的内容.或者同我最开始回复的某条post有关.不过麻烦你先睇下我原文.我讲嘅系"例如".系one of them.而唔系哩两点代表全部.OK?唉.都系果句咯.小学语文唔好.理解能力有问题啊...

作者: 阿泽 时间: 2015-2-4 13:46

saiyangfat 发表于 2015-2-4 11:44
我从来没讲过基本功系唯一因素，你又扯开或者给我观点增加D你误解的观点。

都系我前面讲的，中国球员 ...

因为语文只有40分.所以数学只有40分?哩个因果关系一流啊...
或者我换一种说法可能更合逻辑.因为语文只得40分.所以数学几多分都好.总成绩都高唔得去边...

"就算今日给巴赛意识距地，距地都达唔到西乙的水平。"
嗯.可能系.但系.系基本功不变的前提下.如果冇巴塞意识.佢哋可能只有西丁的水平.但如果有巴塞的意识.佢哋或者能达到西丙的水平.虽然都唔及西乙.但丙难道不比丁好?

战术合理?嗯.战术本来就意识的范畴...
"恒大球队整体的统治力背后，是每个球员已经渐渐地改变了自己踢球的方式——队中有球员表示：“自己长期以来对足球的认识在里皮到来后已经颠覆，里皮来了才知道，球是这么踢的。”

面对逼抢时场面被动就说明基本功唔好冇其他因素?前几年巴塞梦三巅峰时期的高位逼抢.冇边队波一场波能够有几次舒服咁keep到个波进攻.好多时后防啱啱抢到个波都系草草大脚解围而失去控球权.包括皇马拜仁等顶级球队.难道佢哋班球员基本功仲唔够好?

作者: 阿泽 时间: 2015-2-4 13:57

saiyangfat 发表于 2015-2-4 11:51
我更加觉得距系怕死多过意识，当然，呢D要问距自己先知

武磊冲冲明显就系教练意图，要求中国队死守打 ...

去到咁嘅比赛.封一个咁嘅倒挂唔会好危险.我唔觉得佢会系怕死咯.况且佢貌似出名比赛拼抢凶狠嘅...

你唔通甘都睇唔出有鬼佬的广州队，同没鬼佬的国家队之间的差别！？？
多余嚟问.又一次"你唔通甘都睇唔出有美斯的巴塞，同没美斯的巴塞之间的差别"

唔通你真系就觉得请列比翻来距地意识提高左，中国球员犀利左！？？
意识提高咗.球员系比赛中更加知道应该点做.发挥自然亦更好.唔系小组赛点会有3连胜...

作者: saiyangfat 时间: 2015-2-4 18:02

阿泽发表于 2015-2-4 13:00
"啊！？？唔通金可以有DB呢D世界级球员右脚甘的水平！？？可以单脚就满足职业足球比赛的要求？！

金掌 ...

你讲解下我讲觉得边处有问题呢！？
例如打错字之类！？或者表达唔清楚，我没咩心机睇翻。
因为要讲明个事实比较弱智。

作者: saiyangfat 时间: 2015-2-4 18:04

阿泽发表于 2015-2-4 13:07
我留意到你最近几条回复都有咩"癫波叻，定点传球好"的内容.或者同我最开始回复的某条post有关.不过麻烦你 ...

扯开话题都几叻哦

正面回答下啊

欢迎光临廣州球迷聯盟 (http://www.gzfa.cn/club/)