广州队需要真正嘎球迷需要我地嘎支持

      对澳洲呢场波，其实输波也唔意外，所以虽然心UP，但系好理解。牌面上迪亚文迪同郜林、郑智无上，已经人员上唔足。再加上墨尔本胜利呢队波，真唔算差，看距第一场波就知，有D英伦球队功架，真系唔系你话随便赢就赢嘎啦。场波未打都估到结果，最多系打平。所以输波之后都好平和去林。
     球场无常胜将军呢家野嘎，看下人地欧洲球会，点样打造百年俱乐部。球迷系点样支持球会嘎。列比我觉得距系好有水平嘎，宜家球队系距调教下正改变整体打法套路，呢个调整系有过程嘎，乱又好、配合生疏都好，比D时间同空间球队。列比旧年帮广州队罗到甘多殊荣，证明距嘎水平，所以我地可以发泄，但无理由去质疑距嘎指教水平。鸡爷虽然无入果几波，但无理由去质疑距，试问电光火石间，处理球，同对方门将反应都系唔确定嘎。边个话单刀就一定要入硬？你甘卵O力比你上场对住个门将啊，比够10次你啦。无论点，鸡爷呢几年帮广州队立下几多汗马功劳，宜家何况人地仲要带伤上场，有伤在身训练少左，做到甘已经好唔容易啦。看下飞机林都看唔过眼发微博撑鸡爷。球员系人唔系神呢个道理无需再多讲。球队状态有起伏好正常。成日话无干卡点点点，老实讲一支真正嘎强队系要有多变嘎战术嘎，旧年干卡呢种中场控制打法系其他球队未熟悉时可以杀遍球场，但系包赢咩？其他球会傻嘎，看到你呢种打法唔会有针对性调整同改变？如果人地冻结左干卡你点啊，等死啊。所以我地要看到球队打法上系度改变紧，之前全部外援入球，宜家国产都系度入波，看唔到？呢D就系改变。巴塞之前靠美斯够恶啦挂，宇宙队啦，宜家呢，有美斯又点啊，其他球队系度变化紧，摸透你巴塞嘎打法，针对性战术，你巴塞仲恶得到咩？足球场上无一本通书读到老嘎，你唔变就人地会变。列比就深知呢点。
      有时唔怪得其他地方话我地广州队伪球迷多，赢开就要赢过世嘎，输铺都唔得嘎。赢嘎时候就系神，输嘎时候踩落地，好似宠坏嘎细佬仔甘。我想知广州隊降级嘎时候你地系边？浮躁！！面系人地比嘎，架系自己丢嘎，无比北方球队D球迷看低我地，输又好赢又好，都系我地呢个城市嘎球队，我地忠心支持嘎球会。成日林住世界无敌，称霸宇宙，甘你去打FIFA啦，系游戏世界里面满足晒你嘎虚荣。广州队比赛时你米7来占住个位，留翻比真球迷。最好屋企电视都米卵看，去看脑残级果D都教授啦。
     闹下发泄下算啦，无谓去指责教练、球员点点点。我净系知道，广州队就算沦落到要打护级战嘎时候，我地都要坚定企系看台呐喊，因为呢支系我地广州嘎球会，所有球队嘎球员教练都系我地呢支广州队嘎家人。

tam 发表于 2014-4-17 21:44
赞同呢种态度

批评要有主见，跟风媒体就大为不必了。
比如呢场波媒体话赵旭日点点点，帖吧有人发出截图分析，判断係权仔传球方向、目标不对，责不在赵，习惯性将球传比后腰策动进攻，却不料赵既周围都有对手，落点狭窄，且背身拿球、、、、、咁既分析好到位。批评完了，比啲鼓励，而唔係顺住媒体既脚印再踩上去。

足球当然系有输有赢，批评完都要继续支持！

睇番阿雞第一個單刀，步伐唔順拮下拮下，就係呢下，個心好唔舒服。

Gavin 发表于 2014-4-17 17:24
足球当然系有输有赢，批评完都要继续支持！

赞同呢种态度

支持针对球队目前状况有个人独得见解啲帖，某些人成日以旧年目光看待今季球队表现，阵容配置，走位踢法不足可取！前几场鸡爷虽然受伤但是明显缺乏斗志经常系中场散步，由于大舆论无评判声音，我地某些习惯跟风球迷完全无意见，对澳洲依场，一有媒体声讨错失三单刀，跟风球迷们就随声附和，完全无视球员对待比赛态度啲良好转变，如果鸡爷继续中场散步何来单刀，一个努力积极改变啲球员反而俾大家责备，令人心寒！

人猎乐快 发表于 2014-4-17 22:08
批评要有主见，跟风媒体就大为不必了。
比如呢场波媒体话赵旭日点点点，帖吧有人发出截图分析，判断係权 ...

上半场倒没有觉得有什么问题，主要系下半场确实拼劲不足（指的是全队），中前场丢球后几个球员都站定不回追、不反抢的镜头不止一次见到，按以往都会有，但赢紧球所以就无太计较了，但输住球都一样就一定要批评了。

至于赵旭日，我更觉得系失误而非态度，所以我一直都没批评佢啊。

唔使劳气既！ 真正既球迷系无论如何都爱自己既球队，而不是“赢赞抬，输踩闹”的！ 世事无绝对，曼联咪一样甘既款。使乜理睬D伪球迷，彭彭话斋，你有你观点佢有佢睇法，就系因为果D cheap人唔系真球迷，睇波自然心态同我地不同，才会讲甘多废话的！ 球队需要球迷，需要我地，只要我地做好，球队总有恢复既一日。柴九话人生有几多个十年！ 球队也可以甘讲，广州队我地已经陪伴左佢10几年了。升降沉浮都见过，单单就输两三场波就给人讲度好似世界末日甘... ... 哈哈，在我睇来，清者自清， 广州队加油

bbxmen 发表于 2014-4-18 13:10
唔使劳气既！ 真正既球迷系无论如何都爱自己既球队，而不是“赢赞抬，输踩闹”的！ 世事无绝对，曼联咪一样 ...

识嘢哦

楼主讲的野99%都认同，唯一一点唔认同，就系胜利呢队波真心差，好多门前机会比我地多得多，都入唔到波，比做其他队有甘多机会，广州队一早就大比分落后了