关于寻晚嘅助威

我想问下助威嘅目的系为左咩？我霖无非两点，壮主队声威挫客队锐气，我先坦白，我自认无法战斗90分钟，所以我坐左去八区，但系我由头至尾都系企系度好想配合联盟嘅助威，無错，主队进攻时我可以配合得到，但好多时我发觉我主观上真系好难配合，因为客队进攻之时助威区仲系度起鼓又唱又跳摇旗呐喊，甚至乎直至客队进攻终结，搞到好似帮客队助威咁，我真系好难认同，我亦都见到好多人望住助威区发出异样嘅眼神，我好想发出嘘声，但系成个球场嘅节奏完全掌握系你哋果度，你哋一起鼓，根本就嘘唔起来，我真系好无奈，我霖我d感受都代表左好多人嘅心声，無错，你哋助威系非常之卖力，亦都非常之辛苦，我都非常尊敬助威区可以坚持全场卖力助威嘅兄弟，但系你哋有无霖过好多时都净系你哋两三个区自己玩得好hi，完全唔顾场上形势嘅发展，依旧我行我素直至一段助威结束，唔通非要等到某个助威方式结束先可以进行下一个？可唔可以因应场上嘅形势来改变助威方式？譬如对方进攻之时就发出嘘声，無错，助威方式同埋d歌曲全场球迷好难配合得到，但嘘声我敢保证只要联盟助威区一发出，全场球迷都会配合到，绝对声势浩大。我霖系米指挥嘅问题，我就唔信由助威声改为嘘声有几甘艰难，我唔知寻晚系边个做指挥，我亦都无针对边个人，我只系希望联盟嘅助威对于球队嘅帮助会越来越好，或者有人会喷我you can you up，或者话我自己唔助威仲责怪辛苦助威嘅兄弟，我预左比人喷嘅啦，你可以叫我收声甚至收皮，ok，我认，我自认我无德无能兼且无法坚持战斗90分钟，但我都仲系要讲出我个意见，我只系希望联盟越来越好~~一个普通会员嘅心声