尋找廣州隊的助威方式

我進現場支持廣州隊只從恒大時代，但之前一直有關注廣州隊，發貼只為尋找一些有廣州特色的助威方式，不喜勿插

我知道助威是跟球場上進展而變化，所以我不討論開波後既助威，認同指揮唔容易，大家要多配合

想討論下開波，之前開場時會唱歌拋紙條圍巾，我覺得睇落好有氣氛，有鼓舞作用，但現在只是步入場拍掌加嗌廣州隊，國歌後，唱開場歌，無左拋紙條（有部份人有），圍巾，感覺無咁有氣氛

完場前，大約85分鐘，大多會唱廣州隊，但依家越黎越少人唱，可能啲人唔識歌詞，變好細聲，建議下年會員証加歌詞，呢個應該無版權問題掛

仲有，我認為現在每人都有電話，其實好似演唱會咁，搵首歌唱個時，每人都拎住個電話着住燈，全場人都可以參與，如果4萬人全場都咁做，應該好正（我知球場係室外同演唱會室內無得比）

在這，我只為廣州隊好，尋找我地既助威方式，唔想大家話呢樣唔好，個樣唔好，我地搵一啲屬於我地既助威方式

电话真可以考虑，开住手电模式，肯定好过瘾！

有创意。

开手机系件好事
+1

抛纸条、彩带都是消耗品，一次就玩完，而且会造成卫生问题，难以清理，纵使会费有余，也应该少玩。
手机灯基本无用，因为现场灯光太强，自己睇就好似唔错，远睇无太大效果。
好多嘅建议都係立足于视觉，但助威真正嘅震撼係声浪，更多考验嘅係个人嘅态度、意志与专注，当然还有发声技能。

利用手机有嘀新意；赞同开场时保留搞嘀野（抛彩带等）来活跃气氛。

西关马骝仔 发表于 2013-10-21 17:05
抛纸条、彩带都是消耗品，一次就玩完，而且会造成卫生问题，难以清理，纵使会费有余，也应该少玩。
手机灯 ...

开场时系搞气氛噶重要时机，如果嫌彩带唔够环保，可以好好利用下条围巾。

要进步，唔可以停留喺“气氛”层面，气氛，侧重嘅係令球迷享受，唔係战斗。广州有组织嘅看台7年了，如果再有好多人要气氛正、多花款，即係话，我哋嘅看台睇热闹嘅人多、输打赢要嘅人多。要朝纯粹嘅方向行，只係应该嘅道路。

搞氣氛不代表不純粹，我發貼不為爭論，只為尋找支持廣州隊既具廣州特色長遠既助威方式，要其他球隊既球迷知道廣州球迷獨特既助威，不要一味唔得唔好唔可以。。。

chunhung713 发表于 2013-10-21 17:52  搞氣氛不代表不純粹，我發貼不為爭論，只為尋找支持廣州隊既具廣州特色長遠既助威方式，要其他球隊既球迷知 ...

如果一個觀點經唔起推敲，提出就要實行的話有咩用？彩帶可以個人自己去買帶去球場，有D嘢要做唔需要依賴組織，自發更顯可貴。