幻想亚冠同联赛发展（纯粹娱乐）

以下内容纯属虚构，如有雷同纯属巧合。
    首先从亚冠形势入手分析，恒大进入淘汰赛后嘅对手将会系柏雷素尔或者中岸水手或者贵州人和。有个好搞笑嘅形势就系我地呢组就我地掌握日本仔希望，隔离组就日本仔掌握我地希望。所以会唔会有个可能就系互利呢？其实都有可能。点解咁讲呢，睇翻恒大对浦和场波，大家都知道下半场恒大完全落下风，最终输波，先撇除裁判因素同日本仔D矛招。一个可能性，列比心中有条底线，就系输冇紧要，但唔可以输超过三波以上，系列比眼中，保留体力应付周末打吡先系最关键，出生于足球强国嘅列比绝对比我地任何一个人都要了解到打吡嘅重要性，所以有理由相信输俾浦和呢场波系有组织有预谋，最后张5嘅红牌只能讲系意外，只日本仔可能改唔到平时D坏习惯。好扯唔扯扯人地头发，抵叼，抵佢后备。再结合隔离组形势，由于今年16强改制所以打两回合，咁大家认为飞去日本或者澳洲悭体力定直接系国内打悭力，咁就梗系国内打悭力喇。再加上恒大嘅目标好明确，就系要攞亚冠冠军！唔系一定每场赢先可以攞冠军（当然，我地作为球迷梗系想佢每场都赢喇）问题黎喇，点样先可以俾到贵州出线吖？答案就系柏雷素尔帮拖，条件就系恒大搞掂全北，帮拖关键人物：施奥！科普了一下施奥系柏雷素尔攞到亚冠资格后先租借过去嘅，亦即系话柏雷素尔已经事先知道16强淘汰赛将会对恒大呢组嘅出线球队，而且租借条款应该规定咗一旦恒大对柏雷素尔施奥两场波都冇都上，再加上柏雷素尔根本唔够恒大踢，喂大佬吖，我借个劲人翻离都系为咗攞好成绩啫，所以只有一种可能性，就系16强淘汰赛一定唔会出现恒大对柏雷素尔，可以预期恒大对全北一定唔会输、柏雷素尔会尽力踢赢中岸水手、施奥会入波。贵州人和你自己就执生喇，水原都出唔线喇，仲要主场添。仲有就系中国足球嘅大环境。今年四支中超球队到最后一轮都未有一队确定淘汰，进步几鬼大吖！国安果边就应该出线唔成问题，再加埋恒大同贵州，哇！16强有三只中超球队喔，新闻头条喇！中国足球几有FACE吖！所以，小组赛最后一轮，恒大赢全北、浦和赢孟通联、柏雷素尔赢或低比分打和中岸水手、贵州赢水原（如果柏雷素尔打和咗咁贵州就要赢2比0以上），16强将会出现中国同日本国内打吡。
    讲翻联赛，根据之前所讲嘅可以唔使担心体力问题，关键系场外因素，众所周知，咸菜个主人张老板系加印老板拉入离足球圈嘅，两者关系非比寻常，叼你咸菜依家又唔系垫底，恒大放条毛分吖！上年已经放咗6分喇，今年仲放？你咸菜咁柒鸠屎使恒大放分？所以恒大一定唔会输，其实恒大根本唔需要话留力打全北，全北仲惊过你吖！赢咸菜系主旋律，唔好彩就打和！一定唔会输！！！！
    幻想完，瞓醒噜！

俾你知道点捻咩

虽然有点阴谋论，不过确实恒大宜家搞的2个组几个队都想人非非，以前系别人高得我的想入非非几好啊宜家我的一个队搞的个个想入非非，无得顶真系

几乎写晒我心声。好嘢！

本来咁长唔想睇.睇到评论之后好有耐心咁睇晒楼主写嘅嘢.讲得都唔错.有意思.哈哈...
BTW.如果10几个钟之后广州队真系输俾咸菜.我就真系相信有送分哩样嘢...

请注意分段，文字过长睇得辛苦哇

其实人和基本冇出现机会，个人分析如下：

1.亚冠柏雷索尔11分，中央水手7分，柏雷索尔根本冇必要喺呢场比赛放任何心思，练兵走过场即可，最紧要唔好有伤兵或者红黄牌。
2.日本飞澳洲至少7-8个钟，还未算转机时间，柏雷索尔是否需要全员出动？
3.J.League，柏雷索尔5月6日主场备战横滨水手，依家柏雷索尔联赛第8，横滨第1，现阶段柏雷索尔嘅精力喺联赛度，为联赛留力，柏雷索尔未必所有球员去澳洲添。
4.Cleo虽则係恒大人，但人哋已经係为柏雷索尔效力，我哋唔好YY咁多无间道有间道嘅谂法喇。
5.中央水手7分，贵州5分，两队分别喺主场击败对方2：1，成绩其实係打和，更甚目前净胜球都一样，作为中央水手梗係需要力拚一场胜利先确保自己出线，相反人和就被动啲，除咗要赢水原，仲要捞净胜球，还要睇柏雷索尔面色。

所以计返条数，人和出现机会甚微。当然，作为国人，都希望亚冠多支中国球队嘅身影嘅。

纯阴谋论。

哈哈  幻想基本 实现！