昨晚吹哨串区指挥的那只傻×是陕西来的

melon_z 发表于 2013-10-4 00:24
目睹佢从17区一直到5区，后来被叼走左。。。后来联盟一位工作人员将佢请左过来，护送到7区～～
个人比较佩 ...

7区之后想过8区，保安同阿sir点都唔比佢继续过去了，佢费尽口舌仲引起现场起哄都冇用

应该先同人讲清楚，但系见到既系一开口就闹人。

其实联盟个个唔比距入来系啱嘅，毕竟呢边系死忠区，无错各位仁兄系热情，但系令到距热情嘅原因系咩？就系广州队打得好，换句话说，假如国内有其他队打得好，距一样去支持，一样热情咁去试图用自己嘅力量去发动气氛，所以我觉得将距定义为中国足球嘅球迷更加适合，而死忠区，顾名思义就系忠于一支球队嘅球迷嘅区域，呢个区域系为自己所忠嘅球队助威嘅地方，而助威，需要指挥，所以个人认为指挥呢个位置，只能系死忠入边产生，而唔系一个热情嘅看客，参考今年亚冠客场对全北嘅指挥事件。假如当时比个位仁兄入左助威区而且比距带动助威区嘅人助威，我认为咁会成为足球圈内嘅笑话。所以当初联盟个位火系可以理解嘅，当然，有热情嘅球迷去带动散客我都好欣赏，但系希望距明白死忠之于球队嘅意义，指挥之于助威嘅意义。纯属个人意见，不喜勿喷

jerry@garry 发表于 2013-10-5 03:46  其实联盟个个唔比距入来系啱嘅，毕竟呢边系死忠区，无错各位仁兄系热情，但系令到距热情嘅原因系咩？就系广 ...

態度問題，你可以同人解釋，而唔係一開始就啞起只杠，呢個同是否死忠無關

乜助威唔系为左带给球队正能量咩？

阿泽 发表于 2013-10-4 22:28
唔应该咁话人...只系球迷文化唔同啫...唔中意佢嘅方式.但需要赞赏佢嘅热情...

条友唔懂规矩～～～唔可以得罪地头蛇！哈哈～～佢呢d人，讲真果句，精神可嘉亦都佩服佢勇气，但系佢绝对係一d只会睇热闹的人
助威呢d嘢，我睇得好神圣
如果系奥脱福球场，曼联欧冠半决赛对死敌巴菜，但系一个利物浦的球迷赛前不断系奥脱福球场带动曼联球迷助威，你会点霖？
正所谓强龙压不过地头蛇，系人哋的地头，就要睇地主嘅面色，呢个最基本的道理～
你话系米？小超人～～

如果每个散票区都有个人带动既话 我相信就算我地无专业球场但气势绝5比人地D专业场差

过门都系客，某些那天联盟的人士反应过激，讲真人地话系“大爷盟”。系果个场景真系无讲错的

我觉得几好啊。互相尊重啦

我都觉得叼他有点过分。大家都是撑恒大，都是同场为足球而兴奋、欢乐，分那么清干嘛。他过来，就让他和我们一起high罗，按他的节奏起鼓，喊我们自己的口号，一样快乐。众乐，才是真快乐。