我对球迷会噶感受（欢迎各位球迷俾意见）

我系一名普通球迷 只不过系睇左19年噶广州队（相信系现场噶球迷比我关注或者睇广州队噶时间 会有好多人存在） 我从2012年先加入左广州球迷联盟做会员（其实我入联盟噶时间唔长 算系一个新会员 亦都相信好多会员比我更加入会早）19年黎主场只要我得闲噶情况下都会去球场 甚至球队之前去增城 去佛山 去惠州 我都系自己一个人跟大队去 我入广州球迷联盟之前都系一个人 无乜朋友会陪我去睇 我本人关注左甘耐广州队 并无话特定中意边一个球员 亦唔会觉得边个球员特别叻 首先纵观中国球员噶能力唔会好高（甚至某些球迷会觉得好差）呢点我承认 但有关于广州恒大效力噶球员上到国家队表现差 我唔会否定 但亦都唔会有更多噶评论 我会一件事归一件事 基于国家队噶事情同俱乐部系两码事 但我系一名土生土长噶广州人 知道呢座城市有支广州队 距叫广州恒大 在此我系呢度好多谢恒大集团噶大力支持 但我唔会因为恒大噶介入而增加自己睇广州队噶欲望 亦都唔会因为某外援噶实力而更加格外关注 因为我觉得广州队系一支整体 无分边个球员劲 系中国联赛我只会关注呢支广州恒大队 （我唔会因为呢支广州队里面无广州人或者广东人而唔会唔睇 因为我自己本人觉得系现时中国噶环境底下 广州球员或者南方球员系现时青训底下确实无乜好球员俾其他教练发掘出黎 （我自己本人觉得要有某些人某些俱乐部做到令国人能够重新再次关注中国球员噶问题 先会后续解决噶方案 例如我地广州本土或者广东本土噶再次俾人起用等等噶问题）但前提下现时系广州队踢波噶广州球员 我唔会杯葛距 话距唔够实力等等噶因素 我都系会一直支持呢D球员到距地转投其他球队或者退役
讲翻今年小弟我有幸得到联盟高层噶认可 可以提前去到布置场地 见到广州球迷联盟同南粤球迷会有交流 忠义小组亦都会有派人去帮手 我想讲噶就系距地都系利用自己空余噶时间去为球迷会做野 从每次都系一点半提前去布置 摆横幅 摆大声公以及摆放旗 摆贴纸系张凳 打鼓噶就打鼓练鼓点 指挥噶就做好指挥噶交流 事务组噶每次亦都提前四点几左右噶时间搬定D杂志 会员服 会员证系八区门口等候大家噶来临
另外关于助威小组噶问题 我都略知一二 距地都系以助威会友噶方式去咁做 由一班熟络噶朋友去用自己噶行动渲染更多噶人加入（当然有某些球迷 会话我系球迷区边度噶位置去助威都系一样支持广州队 呢点系无错 我相信距地都唔会强逼系球迷区里面叫人入去） 但有一点噶就系 距地小组系招募人员噶前提下都已经发左一份入小组噶细则 只要愿意做到细则里面噶提要就可以入小组 并无强行扯距地入去助威 另外某些球迷由今年开始起对小组噶建议十分之多 在此我亦都好多谢咁多有心球迷 但讲真喇 好多噶文字表述同面对面噶交流系有时候唔一样噶 我相信距地都愿意同各位有建议噶球迷系中层噶指挥台同大家去交流心得 而且我都见到每场开波前距地都会系护栏度坐等大家黎面对面交流噶 但点解到现时都无球迷黎同距地面对面交流噶呢 有人提问到关于中层噶指挥噶感染力未能感染山顶或身边噶人 系我自己噶角度睇到 距地中层同下层噶主指挥系有主副之分 中层噶指挥兼顾上半场噶下层噶主指挥噶手势以及打鼓噶鼓点 而下半场亦都要顾及南粤噶果边噶鼓点黎作配合 所以距地系兼两边噶情况而作为一个中枢点 如果以上各位球迷有更好噶建议如何感染各位球迷噶积极性以及有能够感染力比较强噶朋友 能够激发各位球迷噶 相信距地都会愿意采纳甚至让位 好似我亦都听过小组噶朋友讲 话今年自己无端端洗七百五十蚊（加上亚冠噶费用）去关注广州队 仲要好唔开心咁 如果能够好似上年咁 几开心啊 自己几十个朋友可以自娱自乐 唔需要搞咁多野 唔需要开季前去专登手画整门旗 唔需要提前布置场地 唔需要各位球迷走左之后再去处理旗杆横幅等等噶野 距地做噶野都系为左广州球迷联盟 但距地都会话即使前路系难行 但既然选择了 都会继续向前行
其实我又见到某些球迷系论坛讲到话各位球迷想讲出自己噶建议出黎又话会封号等等噶问题 其实如果真系咁噶话 联盟噶高层可以采用论坛实名制 一人只能开通一个账号 凡见边个球迷讲噶建议唔岩联盟高层噶意思噶话 早就封号 唔俾果个球迷再入论坛 甚至严重D噶唔俾距入会咁霸道喇 就算论坛宜家无实名制注册噶话 见到唔岩睇噶帖可以即时删帖 何必会由大家继续喋喋不休咁去讲出自己噶建议呢
另外由于近年广州队有恒大噶入主得到社会上噶关注 所以呢两年我身边噶朋友都会问我点入球迷会 但我会同我班朋友讲 首先你入去论坛噶守则睇左相关噶内容先同埋睇完之后你去睇广州队系以乜心态入球迷会 会问距以球迷噶角度同外人噶角度去答我 相信宜家噶球迷有中意睇球星噶球迷 有睇左好耐广州队噶球迷  有为左感受现场噶气氛噶球迷 有为左专登减压噶球迷 有为左陪同自己爱人噶异性球迷 有可以一齐享受家庭乐噶家庭球迷 有为左可以年票系便噶原因噶球迷 有为左能够清晰清楚咁睇一场波噶球迷 都有因为恒大噶大资金可以令到广州队噶实力提高噶球迷 其实以上噶球迷我都觉得可以共存 但我会问我噶朋友你究竟想做边种球迷 我本人唔中意帮人洗脑或者唔会强逼任何人加入我噶观点 想希望朋友们理清楚入黎球迷区为左乜 同其他非球迷区有乜区别 好噶建议我相信联盟噶人员会采纳 例如前几年某些球迷所讲噶 系中上层增加指挥人员 因为系中上层听唔到手势或口号  所以今年有几位球迷系助威小组拣出黎做呢个帮手指挥噶
以上系我噶所亲眼见到噶事情 若有联盟高层人士见我爆大窝噶话 唔好今年撤销我噶会员号先啊 俾我至少睇埋今年噶赛事先喇 我无得关注无得睇 我会死噶

LZ啊！！小学老师冇教你“如何使用标点符号”么？？

Eagles 发表于 2013-6-26 17:35
LZ啊！！小学老师冇教你“如何使用标点符号”么？？

唔好意思 我老师就系叫我系写字要有标点符号 但键盘上只叫我按一条长长噶物体 按一下 省了

麦donlo 发表于 2013-6-26 17:41
唔好意思 我老师就系叫我系写字要有标点符号 但键盘上只叫我按一条长长噶物体 按一下 省了

LZ是哪个小学的？以后我嘅小朋友一定唔可以读果一间！！

标点符号也属文字范畴，期待下次注意！
[例：广州队？？？？？？？？？？？？？？
       广州队！！！！！！！！！！！！！！]

哈哈！！不过，甘多位所做做噶野都系为左广州球迷联盟 但距地都会话即使前路系难行 但既然选择了 都会继续向前行！

发自助威小组噶声音，关注。

好欣喜见到，其实几大球迷会系可以沟通噶，只要放低分歧，有共同目标，一定会越来越好。

讲返鼓点问题，一直有个想法，以前讲过，但可惜领导们可能未见到，系呢度仲系想重申一下：

就周二呢场波，有个全场无鼓点嗌“广州队”，效果相信大家都有目共睹；而对照有一段助威系球队进攻时连续嗌“哈！”，以前系现场觉得好劲，呢次没去现场，系电视睇效果其实好一般，最大问题竟然听到系“哈－哈”，即系两个区域节奏唔统一。所以其实唔系其他球迷唔想跟，而系根本没法子跟。

所以，鉴于几个区噶鼓点节奏一直没法Keep到一致噶原因，建议以后跟唱的那个区唔好再起鼓了，全场只有一个鼓声，跟唱更易齐，效果一出来，自然容易感染到别人，总唔信连散票区都做到，球迷区反而唔得。

楼主唔系鼓手组员，但希望可以把意见传递下，如果声音齐整，相信会好易感染到大家一起助威。

我入黎球迷会系支持广州队之外!!!还有一个任务就系在兄弟们的帮助下磨楼主柱!!!!
其实好多人都吾明一个问题就系什么叫球迷区??什么叫助威区???八区系助威区,它的主要功能和任务系助威,成为球队的第十二人!!!然后才是睇波,如果选择先睇波然后有心情才助威的朋友大可稍移玉步到其他球迷区.竟然入得助威区又何苦对旗,鼓,一齐奋斗的兄弟指指点点呢????做好助威就系啦!!!共同努力吧!!!其实好多人话广州足球的底蕴不足,我就话广州球迷的底蕴更不足(不要跟国内比,也不要跟欧洲比,我们跟日本和泰国比,我们仍是有好大的差距)!!所以我们更应该团结奋斗,共同努力!!!

同样一个人睇波既顶起！
你既睇法都代表我既心声！

琴晚我成左成晚广州队的旗，就连唯一人个入球都无睇到