把孔卡买回来

天衣無縫 发表于 2014-4-22 14:50
反而唔明做咩會執拗球員位置與功能呢？阿雞係咪學孔卡，我覺得唔係，甚至唔會理呢點，因為我更看重在阿雞 ...

鸡爷回撤.通常都系以突破对方一两件嚟以点带面制造威胁...可以理解为同美斯回撤差唔多.有极强嘅个人突破能力.亦都有分波能力.突破后因应形势可射可传等等...
而孔卡.楼上有位兄弟话孔卡:　
　"孔卡啲最大价值就是可以利用个人自身盘带技术吸引对手两个甚至三个防守人替队友拉开空挡，并且可以第一时间发现空位队友准确交波，然后自己再寻找合适机会前插入禁区搵射门机会"　
我并唔认同以上睇法.孔卡加盟初期个人突破系好劲.但后期随住其他球队对佢嘅了解.孔卡靠个人自身盘带技术突破对手防守制造威胁并唔多.孔卡更多系用走位.包括纵深走位.横向走位扰乱对方防守.并且能够非常有效咁接应到其他队友嘅传球.然后合理咁交波分波转移等等.嚟串起成队波.类似于巴塞队中哈维嘅角色...

CY1978 发表于 2014-4-22 15:24
具体问题具体分析，难道潘伟力句句都错，连基本分析能力都无，禁大家点讨论啊

系你之前讲到好似随机记者讲咩都系啱嘅咁.我先举例潘伟力啫...

CY1978 发表于 2014-4-22 15:26
当时全北反击，鸡爷企后腰位用眼神防守如何解释？

可能鸡爷觉得防守唔系佢嘅责任呱...就好似美斯系巴塞突破时俾人抢咗个波佢亦都唔会回追...当然.我唔觉得咁样系啱嘅...除非后防够人...
但系.回唔回追.同原来讨论紧嘅鸡爷"组织者"冇乜关联...

天衣無縫 发表于 2014-4-22 15:44
阿雞初來中甲果時已經係咁樣踢，佢既突破能力好重要，除左可以單對單過人，更加可以藉住回後拉開對手，於 ...

冇咗孔卡.鸡爷埃神嘅回撤威胁都细咗唔少.回撤返嚟就算突破咗一两件.好多时都冇队友接应到佢哋.或者接应得唔好.以往孔卡总系佢哋突破线路嘅附近能够随时接应.并且能够选择合适嘅进攻方式继续个攻势.有机会就向前.冇机会就选择回后慢慢再组织...宜家好多时都俾我一种夹硬向前攻嘅感觉...

CY1978 发表于 2014-4-22 15:56
今季鸡爷前几场踢法同旧年以及客战墨尔本胜利踢法明显唔同，你留心点睇下报纸评价同重播就知道，季初热身 ...

你觉得我判断唔客观?我够觉得你意见太固执咯...君不见.本贴中包括我在内已经有三位朋友并不同意你的观点...

CY1978 发表于 2014-4-22 16:10
但是场上企位已经好明显讲明问题，一个翼锋无论点有责任感都无可能企后腰位防守，最多退后一格做高位防守 ...

"一个翼锋无论点有责任感都无可能企后腰位防守"
因为鸡爷系一个翼锋.所以佢咪眼神防守咯...

讲真.我冇留意哩啲情况.最好你讲下大概几多分钟出现鸡爷后腰位眼神防守嘅情况.等我回看录像直接拉到果个时间点睇下系咩回事.如果有咁嘅情况.我宜家估计.好可能发生系鸡爷回撤攞波.然后队友却系好短时间内失去球权嘅时候...

CY1978 发表于 2014-4-22 16:33
如果你讲果位号称“我恒”“五千万买于大宝都话值”“只要许家印唔走，广州队继续风光无限”的朋友系同你 ...

唔好咩阵唔阵线.唔存在阵线问题.我同佢素不相识.论坛中亦几近从未对话.只系各自对"有意模仿孔卡"同样做出不同意你这一观点的评价而已...你咁嘅反应.实在可笑...

CY1978 发表于 2014-4-23 03:41
面对今晚场波，你所谓鸡爷唔会系球队组织者啲睇法有没改变，有时唔系人多就代表有道理啲，球员啲变化系一 ...

生死战就唔可以改变踢法?冇记错嘅话.印象中.将孔卡推上中锋位.两翼由另外两鬼担任嘅433就系响某场亚冠淘汰赛关键战中首先尝试.响你眼中系生死战.响列比眼中只系一场普通比赛啫...


"面对你地啲强烈否定"
我并不是否定鸡爷做组织者的能力.而是否定你认为佢之前系组织者的观点.OK?搞清楚逻辑先...
并且.鸡爷今场系组织者.并唔代表佢以后一直会系组织者.而你以今场波说明佢之前都系组织者.咁嘅推论过程实在搞笑...
再者.你可以睇下你之前所讲嘅鸡爷防守嘅问题.你之前就疑问鸡爷点解唔防守.而今场作为组织者嘅鸡爷.有几多次回防到禁区边.同之前对全北佢嘅回撤策应不防守好明显对比...