睇完省港杯最大一个感触

saiyangfat 发表于 2015-2-13 00:51
系，果D球员唔需要左右开弓表明距地基本功好
甘你用果D球员来代表中国球员！？
中国足协多谢你咯

"中国足协多谢你咯
中国足协好朋友你好"
讲咁多次哩句嘢你唔觉得无聊?哈哈...

我95年甲A第二年下半季左右开始睇波.第一年嘅就唔清楚.
首先.我讲紧嘅系"是否双足非判断基本功好与否的条件."
其次.你讲嘅系"交替使用".单单一个射门例子.只系偶尔使用.我就冇多觉胡椒经常左右脚交替使用.
再次.如果你讲紧嘅系CCTV5嘅<足球之夜>嘅话.咁CCTV5嘅<足球之夜>系1996年先开始做.难道96年果时冇新闻.去回顾94年嘅联赛去评选当周5佳入波?

冇徐亮咁高水平.可能系射唔到咁高质素任意球.冇办法中场吊射入波.或者系一啲要求好精细好精准嘅长传.但唔一定影响意识发挥作用噶喔.广州队宜家队内国内球员我就觉得无一个脚法有徐亮好啦.但佢哋一样可以做到长传转移短传渗透噶.一样可以系列比带领之下提高整体作战意识提升场上表现噶...
你成日话"外行".言下之意你系"内行".未请教?


"米就系距地基本功同徐亮彭伟国距地有好大距离咯"
咁郑智基本功不如徐亮噶.何以郑智能取得比徐亮大咁多嘅成就.又或者讲系成绩?


"就系一个停波，停好左
给到距地更加多时间去思考
甘就做得会更加好了"
唔知你有冇听过"一停二看三通过"哩个同中国足球相关嘅词.貌似讲紧就系你上述哩种情况.呵呵...


"应该明挂，米就系一个可以细个没好好读书
出来乱9吹给人笑的例子咯"
呵呵.能够不断坚持表达违背自己内心想法的观点.脸皮果然厚.

saiyangfat 发表于 2015-2-13 00:55
距地唔提高
米就是而家呢个样咯
有班犀利的鬼佬

"所以你讲D咩列比来左之后点进步啊，点提高啊
都系比当年没呢D意识的中国球员差"
我稳咗个名师帮我补习.数学成绩从原来60分提高到80分.但仍然唔够上年果个系普通高中读冇名师补习果条友仔考嘅90分高.咁又点呢?我成绩系好咗喔...唔通赢唔到果条友仔就不如咪鬼补习悭返啲钱?


"你辩证下
而家咩都比以前好
反而好似你所讲的
意识比以前差
竟然列比来左
甘多外教外援来左
用多钱
甘多年后竟然比以前差左

咩道理啊！？
你唔去中国足协帮手都浪费左你啊"

首先."竟然"...语病一处...

其次.咁样将现在同以前对比.系帮唔到你撑你自己观点噶...
就好似.宜家生活水平教育普及等等各样嘢都比以前好.何以人与人之间嘅关系仲比以前差咗?社会上各种冷漠情况不断涌现?咁点啊?咪谂办法改进咯.例如新闻报道多啲正能量事件啊.仲有一啲什么所谓扶老人基金啊.(虽然咁嘅基金睇落系几可悲.)
足球都一样.基本功同意识都比以前差又点?咪一样谂办法改进咯...

saiyangfat 发表于 2015-2-13 01:04
"睇到先谂到.谂到先做到."唔系"做到先得闲睇.睇完先谂到.".
就系啦，个波来都停唔好，点给距地去睇啊
...

http://www.letv.com/ptv/vplay/20447494.html
或者你睇下NHK做嘅哩个哈维嘅视频...睇下系停好个波先再睇.定系个波未嚟前已经开始睇并且计划下一步点做然后合理咁处理个波...

"判点呢！？"
貌似判点更多属于意识范畴...

"你D外因内因
就是话成个环境
而家环境唔给以前好！？"
睇嚟你中学时代政治课学得唔多好.
内因系事物发展嘅根本因素.外因系事物发展嘅外在影响.内因系起决定作用嘅.外因对内因有影响.
前面我已经讲咗"首先当然係佢自己本身好唔好学.第二个系佢有冇掌握学习方法.哩两本大致系基本因素."
具体到足球.就系基本功练习冇以前刻苦.平时亦都少通过睇高水平比赛或观察身边高水平队友等各种方式提高自身意识水平.自然基本功同意识都以前差.外在环境好咗又点呢?

"都系果句啦
中国足协好朋友你好啊"
超低能.劲搞笑...

ruanbohua 发表于 2015-2-13 09:55
其实我比较认同你一点系无基本功的支撑，再高意识也无用，极端例子就系打实况好叻的人（各种前插、走位、 ...

"非要将基本功和意识的作用量化"
我觉得会系5:5...两者系缺一不可相辅相承嘅...
举个例子.法国四小天鹅之一.前纽卡素嘅宾艾化.技术绝对一流.停传带控样样精.但宜家就沦落到返法甲并且因为一啲转会同租借嘅事情半年都上唔到场...而睇下史笃城果班"相对粗人".技术冇咁好.但战术意识合理.各司其职发挥各自作用.都可以有唔错嘅表现...

saiyangfat 发表于 2015-2-14 13:29
你使用起来唔会有特别大落差，可以交替使用，满足正常职业比赛
甘米就系基本功啦，唔系非要到可以完全一 ...

你系咪思维能力有问题?意识嘅提高唔系响部电脑上装软件.只要按几下制.就肯定可以装到入去.如果系高级工程师装.就可以装到更高级嘅软件入去.OK?你要比.就比较同一批球员.意识高低下嘅表现差别.下下用以前同宜家相比嚟否认意识嘅作用.哩种比较认真可笑...
"一停二看三通过
没错啊，就是讲距地啊，就是话距地意识唔得
甘点解二望啊，因为一停都要费精神啊
呢D米就是基本功唔得咯
你有没好好理解过中国球员点解意识唔得啊！？"
http://www.letv.com/ptv/vplay/20447494.html
唔知你有冇睇哩个视频了.一停费唔费精神另说.但系一停之前.如果佢能洞悉场上形势.将直接为佢嘅一停带能更多选择处理得更好.而唔系所谓停好个波先...

我一早已经承认咗自己错误地计少咗个亚洲外援.系有人无耻又搞笑地代入11-4=8啫.呵呵...

saiyangfat 发表于 2015-2-14 13:36
你又举错例子了

一个人读书系甘，OK，你个人问题

你又比较错咗了.一个班一个学校一个学区.自然都有高低之分.五大联赛就好似咩牛津剑桥之类世界知名高等大学.欧洲二流联赛或者相当于清华北大等中国知名大学.中国国内联赛可以相当于华农广大等相对低级的大学又或者系大专都好.佢哋唔系唔识字噶.佢哋都可以通过提高某个学科嚟提升佢哋嘅成绩噶...

"者系医疗好左，体能好左，吃好左，住好左，钱多左
意识差左，系社会的错
你个说明都好生动哦"
又显示你理解能力有问题?
冇直接因果关系嘅嘢...你生活水平好咗.吃好咗住好咗钱多咗.但你学习成绩反而差咗.难道系"吃好咗住好咗钱多咗"造成的问题?定系你自己有冇认真学习嘅问题啊?

saiyangfat 发表于 2015-2-14 13:44
你系喜欢当判点系意识都没问题，你觉得而家班大帝系有人逼抢的情况下OK！？
似个职业球员！？对比以前如 ...

"都系果句啊，你一个人系甘，就系个人问题，而家系成个整体，男女老少通通如此"
整体唔系由个人构成嘅?整体系突然间从石头爆出来嘅?

"你承认基本功比以前差就OK啦，甘点解意识都比以前差的！？
你话一起学习的人唔得，而家有外教外援，来左甘多年
一起踢波D人全部都唔得！？"
意识点解差咗?内因外因讲得好清楚啦.内因系中国球员自己身上.外教外援系外因.如果班中国球员唔好学唔主动思考.你稳美斯哈维恩尼斯达C朗佢哋一大班人做队友都冇用啦...


"以前没呢外教外援添啦，呢D有绝对唔系你讲的外在原因啦。呢D算内因啦，都唔得！？
点解啊！？
又系社会的错"
貌似你中学政治真系唔系一般差...或者你先百度一下内因同外因哩个关键词先.咪"呢D有绝对唔系你讲的外在原因啦。呢D算内因啦"俾人睇到笑噶.做个最简单比喻.你唔认真学习.日日挂住沟女打机.稳个乡村老师教你同稳重点学校老师教你有咩分别?但如果你学习好认真.我绝对相信你唔系智商问题嘅情况之下."乡村老师教的认真学习的你"成绩绝对好过"重点学校老师教的不认真学习的你"...咁嘅比喻.应该能帮助到你理解何谓内因?何谓外因了吧?

ruanbohua 发表于 2015-2-14 21:24
我唔记得边个球员讲过，大概意思系：一个人如果有基本功，但无意识，只可以成为球员；如果又有基本功，又 ...

陈维聪系得口才呱.足球意识唔觉得如何...要讲意识都系何辉好.可能佢基本功嘛嘛.所以佢系一个普通球员.哈哈...(又或者佢做球员时意识冇宜家咁好...毕竟冇睇过佢比赛...)

我始终唔认同"再用返基本功和意识7:3的数值比喻"哩个比例数值...
如果斋比较所谓"停传带控"基本功.顶尖级别嘅室内五人足球果啲球星.绝对唔输俾C朗美斯.但佢哋如果打11人场可能只会系一个好普通嘅球员...
再例如哈维同派路.佢哋技术基本功系好.但有佢哋技术嘅人唔算少.(例如上文提过嘅宾艾化).但点解佢哋两个能称为中场大师.而其他球员只系普通球员或者普通球星.就系意识上有好大差别.哩两位大师经过头脑思考分析再分波进而统领全局.除咗因为有过硬嘅基本功外.更因为卓越嘅意识...

saiyangfat 发表于 2015-2-15 17:50
得啦，你呢段都解释晒
你政治点学得好同呢段野都没关系

"因为你米就系话而家D中国球员比以前蠢左"
我从来冇表达过哩个观点...如果你理解能力有问题.就睇咗几次思考多几次人哋讲紧乜啦.唔该...


"外因系外教外援对中国足球完全没帮助，甚至系反作用"
劲搞笑...都系上面果句.如果你理解能力有问题.就睇咗几次思考多几次人哋讲紧乜啦.唔该...


"再加多个赖社会"
讲紧你自己?


"PS：我都唔系好相信一个小学语文数学没学好的，政治会叻得去边，哈哈哈"
哈哈.代入哩句话中.你好似讲紧自己咁...

saiyangfat 发表于 2015-2-15 17:57
而家就系成个学区都比以前差老师又犀利过以前，学习环境又比以前好
个体就学生问题
整体都仲系学生问题 ...

简单啲问你啊.
5唔系1+1+1+1+1得嚟嘅?
一个班唔系由一个个学生组成嘅?
整体唔系由个体组成嘅?