比人叫大爷盟好好听咩？请自重！

今日输1比3，班波踢得系唔好，但系我捻唔明作为一个球迷会会员点解要提前退场？
球队低迷唔系更应该需要球迷既支持？


作为广州最老牌既球迷会，球迷联盟呢几年既口碑真系每况愈下，究竟有无捻过点解会比人叫做大爷盟？

我今日坐第15排左右，直到我呢排既球迷全场都好搏命甘去叫，去为广州队加油

我后边果排开始往后，喝彩既人急剧下降，我地叫广州队既时候我剩系听到后边系度叫“你踢乜X波架！”“早D传啦！”“射咗距好过啦玩乜X嘢啊？”但系实际情况系队员比对手逼到好紧根本就无可能完成距所讲既动作

我只系想同距讲：you can you up

作为一个球迷会既会员，我地就应该全身心甘去为球队加油助威，而唔系不断吐槽，就算你要吐槽，唔该系大家一齐助威叫喊既时候你翘住手系度体波，之后再发表你既高论

再往后排既“球迷”我就唔想再讲，随便向后一望，翘住手坐系度体波既大有人在


你唔想助威唔该唔好入球迷会，去7区慢慢坐慢慢倾咯

好啦你话买唔到年票要入球迷会买，甘唔该你去山顶坐得唔得？8区中段既人就开始HEA，我开幕式果场波下半场去咗5区体波，体到大爷盟个阵势你地知唔知有几肉酸？南粤D人都笑你地啊！

上一场对全北，我感受到全部人全情投入既气氛，好正，我当时觉得呢D先系真正球迷会应该有既

但系呢一场，气氛完全差天共地，就算系啱开波既时候8区中后段助威既人屈指可数，落后之后更加个个唉声叹气，好彩前排既人放尽把声去叫去助威拉翻高个音量，呢D先叫真球迷啊

共富贵好容易，共患难好难

一场失利，体到咗广州队队波既弱点，同时都体清好多“球迷”既心理

假设某一日恒大既战绩跌倒中超中下游，相信好多就算系入左球迷会既“球迷”都唔会来体了吧

球迷会既球迷提前离场？呵呵，我见到都觉得惭愧啊，连你地都唔支持低谷既球队边个去支持？

唔好同我讲“爱之深恨之切”之类呕心既说话，你连最基本既支持助威都做唔到就无资格讲呢D话

球队输波，大家都失望，但系呢个时候更需要我地去打气！去助威！

我地叫广州球迷联盟！

唔系大爷盟！

唔该尊重下自己既呢个球迷会！

其实我一直觉得球迷联盟应该设立一D入会或者买年票限制，但系可能会对联盟利益有冲突

既然系甘我只想讲，如果想助威，真正中意广州队呢只球队既，请大家早D来尽量靠前坐，我地一齐助威，做大个势！

如果你入会只系为左年票，唔中意助威中意翘住手体波既，唔该自觉往后坐，比真正要助威既球迷坐前面，唔系唔该你就去散票做翻你既大爷，唔好系度搞衰个阵！

It is a FANS UNION,NOT a"grandfather union"!

讲得好！树林大左，咩雀都有啦，做好自己先，自己积极助威，寄望带动前后左右噶朋友

讲得好！

下半场球队继续落后，大多数人都心灰意冷啲时候，右下角有普通会员自发鼓动前排兄弟继续战斗，拒绝翘手，依仲行为值得大家学习，敬佩！

8区右边13排~18排永远喺硬伤，全区最好噶观赛位置，俾D翘手党一早霸晒。20排之后更加唔使讲，简直死寂！全部去拍电影keep silence算啦

8区右边13排~18排永远喺硬伤，全区最好噶观赛位置，俾D翘手党一早霸晒。20排之后更加唔使讲，简直死寂！全部去拍电影keep silence算啦

肥龙 发表于 2014-3-24 07:24
8区右边13排~18排永远喺硬伤，全区最好噶观赛位置，俾D翘手党一早霸晒。50排之后更加唔使讲，简直死寂！全 ...

今年8区，真正自发投入助威噶人，最多得20%
其余成分由以下因素组成：翘手党赌博党煲冬瓜党。

左边中区位置有个吖姨，以及中间的果个吖sir都可以比我地感染度，都可以落力哽地去跟住我地助威，但就系唔明果D哽的翘手党就系可以系度办上帝无动于衷！都唔明拒地点解要洗成千蚊来买张年票，去回球场的时候又多人又逼车、塞车，又多人，浪费唔少时间，而且又要日晒雨淋，无空调叹，饮贵价水，而且又唔够电视高清，无解说无慢镜！真系唔明距地哽辛苦入球场的目的系咩咯？真系倒不如舒舒服服系屋企或者食餐饭豪左拒算啦~~一个人一千蚊，十个人就一万，点都够食足一年啦~

讲得好...点32个赞...

顶楼主！

日复又一日，年复又一年；

争拗从未断，效果从未有；

你有你助威，佢有佢翘手；

做好我自己，何必太唠气；

此事急不来，坚守最紧要。


---------共勉！！！