第一次见咁多年轻球员上场，点评吓啦

酱油捞饭 · 发表于 2013-8-8 00:48:13

成场睇落，发觉恒大的年轻球员水平真系嘛嘛，玩FM惯左，每次新开档都系清洗年轻球员，再由鲁能买吴兴涵，刘彬彬，王彤，郑铮，因为恒大年轻球员潜力值实在唔得，由本场黎睇，的确如此，技术粗糙，信心唔足，战术领悟能力低。不过都系咁啦，广东本土青训的确需要时间。下边就点评下啦。
1，李帅，正常发挥啦，失波都唔系距的错。
2，赵鹏，失波系有距责任的，虽然话同弋腾的配合生疏，但系被入的第二波系距冇防守好大黑将志导致的，只有上半场一次长传出彩
3，弋腾，身体条件唔错，场上的几次出波都算唔错，但系防守要更醒目D，有几次睇到距防守位置企得唔啱
4，张宏楠，冇乜出彩，身体条件差，仲有D速度，配合生疏
5，荣昊，延续近期稳定的发挥，几次突破都好有威胁，传中准心比孙祥好，如果防守稳阵D完全可以代替孙祥的位置
6，赵旭日，中场拦截表现唔错，组织上都有几脚靓波，尤其是上半场前场的反抢系亮点
7，冯7，……
8，郑龙，唔好咁多苛求，先打咗两场好难睇出乜，但系有几脚长传睇得出距视野很好，战术吸收快，突破表现出水准，唯一的问题就系战术磨合问题
9，石鸿俊，消失……其实距身体条件唔错，背身攞波都算系咁，但系技术就差啦
10，倪波，……
11，杨超声，门前嗅觉灵敏，有一定速度，技术中等，踢到中甲，中超强度大，睇距几次背身处理波都慌慌张张，心理要稳定啊骚年
12，开提，上半场惊喜，下半场……，上半场的表现明显好过下半场，因为倪波消失，所以距一上场通过跑动扯开防线的作用明显，下半场绿城适应左距就冇发挥啦，个波唔系人地乌龙都入唔到，不过跑动又真系几积极
13，黄佳强，愤怒，你技术差可以原谅，但系你对待比赛的态度就真系令人愤怒啦，绿城一脚开到后场，以为人地追唔到就唔去追，结果导致人地差D入波，呢种态度点打波啊！！好好反省
14，胡威威，表现不温不火，唔紧张，表现得都算唔错，助攻一波，就系经验唔够

总而言之，要有发展性的睇年轻球员，技术能力都唔系最重要的，最重要的系态度，冇边个教练中意态度唔好的球员，只要多打比赛，多积累比赛经验，多同一队的球员学习，年轻球员都系会有发展空间的，加油啦后生仔