睇完今晚比赛有感

依照呢个打法同传切套路，广州队衣家缺一个组织核心派D有威胁既波俾射手，迪亚曼蒂明显唔系呢个类型。今晚安排钻石同鸡爷两个外援都系远离禁区策应支援，根本无形成到长时间有效既前场控球压迫。（控球时间好多都系后场倒脚）
如果要响场面上有所变化，我觉得打翻体力化D，多D直接用身体同速度冲击对方后防线会比衣家更加有效。

同意。总系觉得少左d咩5够流畅！如果有个好似传送带的人物出现，恒大无双

以后发展趋势，由后腰直接组织策划，雷内有呢个潜力，能攻能守活动范围大，可以覆盖前、后腰位置，433、343、352、4231、4321都没问题，而钻石就主打右路

今場入球主力阿雞艾臣狀態都不好，難以作準。

单论脚法.迪亚文迪未必输Conca.长传同射门更强于Conca.但就真系唔系中场组织者嘅角色.正如好多球员都有哈维嘅脚法.但没几个好似哈维咁成为一个大师.就系对足球嘅理解同意识未够...
如果鸡爷share返啲.郑龙伤愈有状态.一人打通一条边.迪亚文迪再同全队磨合好.打得整体啲.应该问题都唔大.但以上几点都未成立嘅时候.进攻嘅流畅性就真系打咗好大折扣...

阿泽 发表于 2014-3-14 00:22
单论脚法.迪亚文迪未必输Conca.长传同射门更强于Conca.但就真系唔系中场组织者嘅角色.正如好多球员都有哈维 ...

孔卡同迪亞文迪既唔同類型性格表現又唔同，好難比較。迪亞文迪今場先係第三場，比多d時間啦。

阿雞艾臣狀態唔好之外，橫濱球員企位好平均做到防禦網都好重要，其實我地球員係咪一直都忽略左企位呢樣野？

天衣無縫 发表于 2014-3-14 00:40
孔卡同迪亞文迪既唔同類型性格表現又唔同，好難比較。迪亞文迪今場先係第三場，比多d時間啦。

阿雞艾 ...

夸张啲嘅比喻.Conca就好似施丹.迪亚文迪就好似利维特.施丹同利维特都系金球先生.都可以帮祖云攞冠军.但用法就好唔同...
先嚟咗一个月.要俾多好多时间迪亚文迪同班队友互相了解熟悉.先能够发挥到最大作用.对迪亚文迪我就唔多担心.俾多啲时间实有表现.反而鸡爷就比较令人担心.佢仲有冇heart去争取更多荣誉.定真系传言咁可能会走...

至于横滨嘅防御网.我觉得如果鸡爷状态好.突破一两件防守球员以点带面突围而出唔难...又或者迪亚文迪同队友.特别系另外两鬼配合走位够默契.利用更快嘅传切走位.都可以撕破横滨嘅防线...不过宜家就系两样都冇.所以进攻冇之前咁流畅.其实唔系太紧要.小组赛啫.出线就得了...

反而廖力生俾我感觉几唔错.有Barcelona巴斯基斯嘅feel...期望佢今季成为一个半主力...

阿泽 发表于 2014-3-14 01:41
夸张啲嘅比喻.Conca就好似施丹.迪亚文迪就好似利维特.施丹同利维特都系金球先生.都可以帮祖云攞冠军.但用 ...

納比帶球會成就主要在祖雲達斯，由施丹過渡到利維特，佢肯定係重要見證人。

之所以提出球員企位，呢樣係而家世界頂級球隊要顧及既，球星個人能力咁高，進攻速度同效率愈來愈快，球例愈來愈對防守不利，唔做好企位防守會好蝕底。橫濱好擅長甚至好講求節奏控制，但係整體速度唔高而且進攻上欠一個射手，參加亞冠除左奪取榮譽，吸收人地長處甚至係了解不同打法，對球隊以至球迷知識都獲益良多。

廖力生仲後生，有納比團隊有高質素隊友帶住，加埋自己努力，有一定前景。